Տրանսպորտի նախարարն անձնական միջոցներից 888 հազար է հատկացրել սրահին. նա ամփոփեց տարին

«Հյուսիս-հարավի ներդրումային ծրագրերը շարունակվում են բնական հունով, տրանշ 1-ը ավարտվել է, տրաշն 2-ում բետոնապատման աշխատանքներ են ընթանում, նախատեսվում է մասնավոր ներդրողների ներգրավել»,- այսպես սկսեց իր խոսքը Տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանն իր ղեկավարած կառույցի եռամսյակն ամփոփելու նպատակով Երեւանի «Մարիոթ»-ում հրավիրված մամուլի ասուլիսին:

Նախարարի խոսքով՝ Հայաստանի եւ Վրաստանի սահմանային Բագրատաշեն կամրջի շինարարության մեկնարկն է տվել, ինչպես նաեւ Մ-6 ճանապարհի բարելավման ծրագիրը: «Սեպտեմբերի 15-ից սկած աշխատանքները կատարվում են գերակատարմամբ: Թունելում կատարվում է բետոնալցման աշխատանքներ: Սեւանի մայրուղում նոր ճանապարհային նշաններ են տեղադրվում, Հրազդանի հատվածում նշաններն արդեն տեղադրված են, 1500 ճանապարհային նշան կտեղադրվի: Մյուս մայրուղիների վրա էլ 2017 թվականին նույն աշխատանքները կկատարվեն: Մեկնարկել է ճանապարհների գույքագրման, քարտեզագրման աշխատանքները, որը հնարավորութուն կտա օնլայն  ռեժիմով հետեւել ճանապարհներին, տեղեկանալ, թե որտեղ է շինաշխատանք կատարվում, երբ է սկսվել, երբ է ավարտվում եւ այլն»,- մանրամասնեց նախարարը:

Առավել վտանգավոր հատվածներում տեղադրվել են 800 գծամետ արգելափակոցներ: Ճանապարհները մաքրող տեխնիկայի աշխատանքային ռեժիմը կստուգեն առցանց եղանակով, քանի որ ճանշինների մեքենաների վրա սարքեր են տեղադրվել, որոնք ցույց են տալիս, թե որ մեքենան որտեղ է եւ մաքրման աշխատանքները գրաֆիկն արդյո՞ք պահպանվել է: «Այս համակարգը տեղադրվել է 1 շաբաթվա ընթացքում: Ե՛ւ ձմռանը, ե՛ւ ամռանը հսկվելու է: Պլանավորում ենք տեղադրել նման սարքեր բոլոր ուղեւորափոխադրող տրանսպորտային միջոցների վրա, որպեսզի հսկվի, թե ինչպես են աշխատում ավտոբուսները»,- նկատեց Վահան Մարտիրոսյան:

Անդրադառնալով Լարսի անցակետի հաճախ փակվելու խնդրին, նախարարն ասաց, որ վրացի գործընկերներն ամեն ջանք ներդրում են, որպեսզի ճանապարհը բաց լինի, բայց եղանակից է շատ կախված խնդիրը: «Վստահեցնում եմ, որ աշխատանքներ կատարվում են եւ կատարվում են միշտ: Ալտերնատիվ ճանապարհներ քննարկվու են լաստանավերի կազմակերպման միջոցով, բայց այսօր Փոթիի նավահանգիստը լաստանավեր չի ընդունում, որովհետեւ փոթորիկ է: Մտածում ենք օդային ճանապարհով փոխադրումներ իրականացնել: Այսօր Լարսը բաց է, մոտ 185 մեքենա արդեն հատել է սահմանը»,- պարզաբանեց Վահան Մարտիրոսյանը:

Հայ-իրանական երկաթուղու կառուցման վերաբերյալ հարցին ի պատասխան նա ասաց, որ հիմա կա բիզնես պլան որտեղ կոնկրետ նշված է ներդրման մասը, հետգնման ժամկետը, մոտավոր ուսումնասիրություն է կատարվել: Ավելի ստույգ ինֆորմացիայի նախարարը չէր տիրապետում:

Լրագրողները հետաքրքրվեցին, թե ի՞նչ միջոցներով է նախարարությունը վարձակալել «Մարիոթ» հյուրանոցում ասուլիսի սրահը եւ հյուրասիրություն կազմակերպել:

«Ես վարձակալել եմ իմ անձնական միջոցներով ե՛ւ դահլիճի, ե՛ւ ֆուրշեթի վճարն արժեցել է 888 հազար դրամ: Ես նախընտրել եմ այս դահլիճը, որպեսզի ավելի ազատ լինենք, ավելի լավ պայմաններով անցկացնենք: Նախարարությունը նման հանդիպում կազմակերպելու հնարավորություն չունի»,- ասաց Վահան Մարտիրոսյանը՝ պատրաստակամություն հայտնելով ցույց տալ իր անունով վճարված անդորրագիրը:

Հարցին՝ ՀՀԿ-ին անդամակցելով ձեր կյանքում ի՞նչ է փոխվել, նա պատասխանեց. «ՀՀԿ-ական դառնալուց իմ կյանքում ոչինչ չի փոխվել»:

Տպել
3393 դիտում

Հայաստանում չարորակ հիվանդությունների վիրահատական բուժումը կլինի անվճար. նախարար

Ռեգուլյար բենզինն այս պահին Վրաստանում 30 դրամով թանկ է, քան ՀՀ-ում. պատգամավորը՝ բենզինի և հացի գների փոփոխության մասին

Արդյոք միգրանտներն իրենց հետ հիվանդություննե՞ր են տանում Եվրոպա. ԱՀԿ-ն հերքում է

ՄԻՊ-ն առաջարկներ է ներկայացրել մատչելի բնակարան զինծառայողներին ծրագրի վարկավորման կարգի եւ պայմանների վերաբերյալ

Սուր շնչառական վարակներով պայմանավորված հոսպիտալացման դեպքերը նվազել են. ԱՆ

ՀՀ վարչապետին շնորհավորական ուղերձ է հղել Ուզբեկստանի նախագահը

Երևանի քաղաքապետը պարգեւատրել է աշխատակիցներին 474 միլիոն դրամի չափով, տնտեսել՝ շուրջ 7 միլիարդ դրամ. հաշվետվություն

Նախարար Հակոբ Արշակյանը ընդունել է ԿՏՀ գլխավոր քարտուղար Նուրիդին Մուխիդինովին

Սիրիան սպառնում է ՄԱԿ-ի ԱԽ-ին՝ Իսրայելին չզսպելու դեպքում Թել-Ավիվի օդանավակայանին կհարվածեն

Ոստիկանները հայտնաբերել են մի քանի տասնյակ մեքենաներից գողություններ կատարած անձանց

Անցկացվել են ՊՆ մասնագետների հավաքներ՝ ցուցադրական պարապմունքների տեսքով

Թուրքիան բնութագրվում է լրագրողների ամենամեծ բանտ աշխարհում. «Լրագրողներ առանց սահմանների»

Վայոց Ձորի, Լոռու, Տավուշի մարզերում հրշեջ-փրկարարները մարել են խոտածածկ տարածքների հրդեհները

ՀՀ տարածքում կան դժվարանցանելի և փակ ավտոճանապարհներ, Լարսի ճանապարհը բաց է

Անցկացվել են Հակաօդային պաշտպանության ստորաբաժանման համալիր մարզումներ

Լոռու մարզում բախվել են ВАЗ 2106-ը և ВАЗ 2110-ը. կան վիրավորներ

Երևանում և 3 մարզում այսօր էլեկտրաէներգիայի մինչեւ 6-ժամյա պլանային անջատումներ կլինեն

ԵԱՏՄ տարածքում կա ավելի քան 60 խոչընդոտ, որոնք թույլ չեն տալիս ինտեգրացիոն գործընթացների զարգացումը. վարչապետ

ՀՀ մարդու իրավունքների պաշտպանի մոտ կայացել է երեխաների մասնակցությամբ քննարկում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը