Հայաստանի եւ Իրանի տնտեսական հարաբերությունները գոհացուցիչ չեն. Շաֆեի

21/12/2016 schedule15:32

Երեւանում Իրանի Իսլամական Հանրապետության Նախագահի այցի շրջանակներում մեկնարկել է Հայաստան-Իրան գործարար համաժողովը, որին մասնակցում են 160-ից ավելի իրանական եւ հայկական ընկերություններ: Նախատեսվում է, որ համաժողովի վայր կայցելեն նաեւ Իրանի նախագահ Հասան Ռոհանին եւ Սերժ Սարգսյանը:

Իր խոսքում ՀՀ տնտեսական զարգացման եւ ներդրումների նախարարի առաջին տեղակալ Գարեգին Մելքոնյանը նշել է, որ Իրանը Հայաստանի համար միշտ դիտվել է բարեկամ երկիր, ուստի ցանկություն կա զարգացնելու առեւտրային հարաբերությունները: Մելքոնյանն ընդգծել է, որ դրա համար անհրաժեշտ նախադրյալները կան՝ անմիջական սահման, տրանսպորտային լավ փոխադրումներ:

Անդրադառնալով օտարերկրյա գործարարների համար Հայաստանում ստեղծվող պայմաններին՝ Մելքոնյանը նշել է, որ դրանք շահավետ են: Մասնավորապես, փոխնախարարի խոսքով, իրանցի գործարարը, կազմակերպությունը կամ անձը ՀՀ-ում բիզնես սկսելու համար օգտվում է այն նույն պայմաններից, ինչ հայաստանցին, եւ սահմանափակումներ չկան օտարերկրյա ներդրողների համար:

Այս համատեքստում Մելքոնյանը հիշեցրել է, որ Հայաստանը տարածաշրջանում միակ երկիրն է, որ բալանսավորված առեւտրային հարաբերություններ ունի դեպի ԵՄ եւ ԵՏՄ շուկաներ, որոնք կարող են հետաքրքրել Իրանին:
«ՀՀ-ում արտադրված ապրանքն ազատորեն, առանց մաքսային ձեւակերպումների արտահանվում է ԵՏՄ անդամ երկրներ»,- վստահեցրել է փոխնախարարը՝ հավելելով, որ ՀՀ-ն, ԵՏՄ անդամ լինելով, հումքային ապրանքները ՌԴ-ից ներմուծում է զրոյական մաքսատուրքերով:

Խոսելով ազատ տնտեսական գոտու ընձեռած հնարավորություններից՝ փոխնախարարը վստահեցրել է, որ ՀՀ-ում փաստացի երկու ազատ տնտեսական գոտի է գործում՝ ոսկերչության ու ադամանդագործության եւ էլեկտրոնիկայի:

Իր հերթին ԻԻՀ Առեւտրաարդյունաբերական պալատի նախագահ Ղոլամհոսեյն Շաֆեին նշել է, որ տնտեսական հարաբերությունները գոհացուցիչ չեն, քանի որ դրանք չեն համապատասխանում քաղաքական բարեկամական հարաբերություններին: Շաֆեին կարծում է, որ չափազանց շատ են համագործակցության ոլորտները:

«Գուցե առկա սահմանափակումներն են եղել պատճառը, բայց հիմա նոր պայմաններ են ստեղծվել եւ գործարարները կարող են օգտվել նոր հնարավորությունից եւ ոչ միայն փոխհատուցել անցյալի բացը, այլ նաեւ ապագայում մեծ ցատկով արդյունք գրանցել»,- ասել է նա:

Անդրադառնալով Իրանից Եվրոպա գազ արտահանելու ծրագրին՝ Շաֆեին նշել է, որ դրանում ՀՀ-ն կարող է ազդեցիկ դերակատարում ունենալ: ԻԻՀ Առեւտրաարդյունաբերական պալատի նախագահը կարեւորել է նաեւ ազատ առեւտրի գոտի ստեղծելու հնարավորությունը՝ նշելով, որ Հայաստանը կարող է շատ հիմնավոր հանգույց հանդիսանալ ԵՏՄ-ի եւ Իրանի միջեւ:

Անդրադարձ է կատարվել նաեւ Մետաքսի ճանապարհի վերականգման հարցին: Այստեղ Շաֆեին կարեւորել է այն հանգամանքը, որ իրանական ապրանքները Հայաստանի միջոցով կարող են բաշխվել տարածաշրջանում եւ առաքվել նաեւ Չինաստան, Ճապոնիա:

Իր երկրի շուկան ներկայացնելով ԻԻՀ առեւտրաարդյունաբերական պալատի նախագահը նշել է, որ Իրանի տնտեսությունն աշխուժանում է եւ բոլոր երկրները ցանկանում են մուտք գործել իրանական շուկա: Շաֆեին կոչ է արել պետական մակարդակով հաղթահարել խոչընդոտները եւ շարժվել դեպի ազատ առևտրի գոտի:

Տպել
3547 դիտում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ

ՌԴ-ն եւ ՀՀ-ն պետք է միասին ճանաչեն Արցախի անկախությունը. Պուտինը կարող է լռել, ապա կտրուկ գործել. Տրետյակով

Հոկտեմբերի 24-ի ժամը 15․00-ի դրությամբ հայտնաբերվել է արգելված հրապարակումների 175 դեպք

Հաշվի առնելով ռազմական դրությունը՝ ԱԱՏՄ-ն ուժեղացված վերահսկողություն է իրականացնում խմելու ջրի որակի նկատմամբ

Վերելք» ներկայացման ողջ հասույթը կփոխանցվի Հայաստան» համահայկական հիմնադրամին

Ադրբեջանցիները հարձակվում են հայկական համազգեստով. Մատաղիսի ուղղությամբ 40 դի են թողել՝ հայկական ԶՈՒ-ի համազգեստով

Մեր տղաների արհեստավարժությունն ու գիտելիքները միայն ոգևորություն և վստահություն են ներշնչել. Արայիկ Հարությունյան

Թե՛ մեր օրն ենք լցնում, թե՛ մեր տղաներին ենք օգնում. Արցախից Վանաձոր եկած կանայք զբաղված են քողարկիչ ցանցեր գործելով

Դավիթ Տոնոյանն այցելել է երեկ հարավային ուղղությամբ մարտերի ընթացքում վիրավորված զինծառայողներին

Կանգնեցրել են թշնամուն, ոչնչացրել կենդանի ուժն ու մարտական տեխնիկան. 13 հերոսներ ներկայացվել են պարգևատրման

Աս պահին ծանր և ծայրահեղ ծանր վիճակում է մոտ 800 քաղաքացի, 388 մարդ ունի հոսպիտալացման կարիք. Ա. Թորոսյանի կոչը

«Դիմում եմ պարոն Մակրոնին, պարոն Թրամփին եւ պարոն Պուտինին». Պարգեւ Սրբազանի կոչը միջազգային հանրությանը

Հակառակորդի ՏՈՍ-1Ա ծանր հրանետային համակարգի խոցումը (տեսանյութ)

Հրապարակվել են ադրբեջանական ագրեսիան հետ մղելիս զոհված եւս 36 զինծառայողների անուններ

Հովիկի և Մարիամի պսակադրությունն ուղերձ է՝ ուղղված ողջ քաղաքակիրթ աշխարհին. Արայիկ Հարությունյան (լուսանկարներ)

Ադրբեջանցի գերեվարված զինծառայողի վիճակը գնահատվում է կայուն ծանր. ՊՆ խոսնակ

Կադրեր՝ անցած գիշեր հրթիռակոծված Ստեփանակերտից. կիրառվել են սմերչ հրթիռներ

Շուշիի հրթիռակոծված Ղազանչեցոց եկեղեցում հարսանիք է (լուսանկարներ, տեսանյութ)