«Եթե մարդը զգացել է, որ նախկին սխալներով հանդերձ կարող է ծառայել ժողովրդին՝ ողջունելի է»

Եթե ընդդիմության միասնական ճակատ չձեւավորվի՝ «Ազատամարտիկների դաշինքը» առաջիկա ընտրություններին որեւէ առանձին քաղաքական ուժի չի սատարի: Մեզ հետ զրույցում այդ մասին հայտարարեց դաշինքի խորհրդի անդամ, Ապարանի ջոկատի հրամանատար Ռազմիկ Պետրոսյանը:

«Մենք ազատամարտիկներով քաղաքականություն ենք որդեգրել մեզ համար, որ հնարավորության սահմաններում բոլոր ընդդիմադիրներին օգնենք, սատարենք, խորհուրդներ տալով կարողանանք միավորել իրար շուրջ, որովհետեւ միայն միասնական թիմով է հնարավոր էս իշխանություններին հաղթելը: Հակառակ դեպքում, երկրում որեւէ բան չի փոխվելու, մեր երկիրը շարունակելու է գլորվել անդունդը:

Պետք է բոլորն իրենց ամբիցիաները մի կողմ դրած հավաքվեն մի գաղափարի շուրջ, միասնական ճակատով իշխանափոխություն իրականացնեն, հետո նորմալ իշխանություն ձեւավորեն: Մենք մի անգամ պիտի կարողանանք միավորվել»,- նշեց Պետրոսյանը՝ ընդգծելով, որ ուզում են ապրիլի ընտրություններին գնալ հենց այդպիսի միասնական ճակատով:

Դիտարկմանը, որ դաշինքներ են սկսել ձեւավորվել, դրանցից որեւէ մեկին չե՞ն համակրում, ազատամարտիկը պատասխանեց. «Թող ձեւավորվեն դաշինքներ, մի ընդհանուր նպատակի շուրջ միավորվեն, ոչ թե առանձին ճակատով գնան. այդ փոքր դաշինքներով հնարավոր չի այս իշխանությանը հաղթել: Իսկ եթե կլինեն փոքր ուժեր, որոնց նպատակը պառլամենտում էնքան որ ներկա լինելն է, «Ազատամարտիկների  դաշինքն» այդ պարագայում անելիք չունի: Այդ ժամանակ մենք կհայտարարենք, որ դաշինքի անդամներից ով ում հետ կուզենա, թող համագործակցի»:

Հետաքրքրվեցինք նաեւ, թե ինչպես են վերաբերում Պաշտպանության նախկին նախարար Սեյրան Օհանյանի կողմից քաղաքականություն մտնելուն, հնարավո՞ր է սատարեն նրան. 

«Բոլորս էլ նախկինում բացթողումներ ունեցել ենք. եթե մարդը զգացել է, որ կարող է իր ունեցած փորձով, նախկին  սխալներով հանդերձ ծառայել ժողովրդին՝ ողջունելի է: Ես միշտ էլ ասել եմ՝ անկախ նրանից, որ մարդիկ իշխանության մաս են կազմել, ինչ են արել, էսօր պիտի կոչ անենք իշխանության մեջ եղած՝ մանավանդ կռված տղերքին, առողջ ուժերին, որ եթե գտնում են, որ երկիրն անհասկանալի վիճակի է, դուրս գան, կանգնեն ժողովրդի կողքին: Ինչ վերաբերում է նախկին թերություններին՝ բոլորն էլ պիտի պատասխան տան, բայց առաջին խնդիրը մեր երկիրն այս իշխանությունից ազատելն է»,- ի պատասխան պարզաբանեց ազատամարտիկը՝ շեշտելով, որ Օհանյանին եւս չեն սատարի առանձին լինելու դեպքում:

Ռազմիկ Պետրոսյանից հարցրինք նաեւ, թե արդյոք իրեն չեն առաջարկել այնպիսի գումարտակ ձեւավորել, ինչպիսին Ռուստամ Գասպարյանն է ձեւավորել.

«Մենք Հայաստանում ունենք բանակ, որը միշտ էլ հայտարարում է, որ պատրաստ է իր առջեւ դրված խնդիրները կատարել: Ես գումարտակ ձեւավորելու խնդիր չեմ տեսնում: Եթե երկիրն այն վիճակում է, որ բանակն իր խնդիրները չի կարող իրականացնել, առաջին գծում աջակցելու խնդիր կա, թող հայտարարեն, նրանք, ովքեր ցանկանում են կգնան: Մենք միշտ էլ պատրաստ ենք, ինչպես ապրիլյան դեպքերի ժամանակ: Երբ պետք էր, որեւէ հրամանի չսպասեցինք, իրականացրինք մեր ծառայությունը: Ես ՊՆ-ից նման առաջարկ չեմ ստացել, իսկ հրաման ոչ ոք չի կարող տալ»,- ի պատասխան ասաց Պետրոսյանը:

Տպել
8129 դիտում

ԱՄՆ-ը լրացուցիչ պատժամիջոցներ է սահմանել Իրանի հետ կապված մի քանի ընկերությունների համար

«Արդշինբանկը» աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր 6.5 տոկոսով. վարչապետ

Ժամը 22:40-ի դրությամբ ՀՀ տարածքում կան փակ և դժվարանցանելի ավտոճանապարհներ. 5 մարզում ձյուն է տեղում. ԱԻՆ

Ելիզավետա 2-րդը ստորագրել է Brexit-ի մասին օրենքը. հաջորդ շաբաթ Մեծ Բրիտանիան կլքի ԵՄ-ն

Հայկ Մարությանը գնացել է Մկրտիչ Արզումանյանի ներկայացմանը (լուսանկարներ)

Lexus RX 350-ի վարորդը Երեւանում վրաերթի է ենթարկել հետիոտնին. կինը տեղում մահացել է

Գողություն Ախթալայում. բերման է ենթարկվել նույն գյուղի 57-ամյա մի բնակիչ (տեսանյութ)

Ինձ համար հայտնաբերեցի մեծաքանակ վախեցած երաժիշտների, զգուշավոր արվեստագետների եւ անհաղորդ հայրենակիցների. Հասմիկ Պապյան

Գողացել են Սպանդարյան կայարանի գնացքի ռելսերի ամրակները

«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել

Վերանորոգվում է Վարդենիսի Սուրբ Աստվածածին եկեղեցու զանգակատունը, որը 100 տարի եղել է կիսակառույց վիճակում

«Կանաչ ֆինանսավորման գործիքների ընդլայնումը ՀՀ-ում» դրամաշնորհային ծրագրի ֆինանսավորումը հաստատվել է

Նիկոլ Փաշինյանի «Երկրի հակառակ կողմը» կթարգմանվի մակեդոներեն. թարգմանության ցանկում է եւս 15 հեղինակ

2020 թվականին Շիրակի մարզը 2 նոր փրկարարական ջոկատ կունենա

Ալավերդու պղնձաձուլարանի աշխատակիցները բողոքի ցույց են արել. պահանջում են 3 ամսվա աշխատավարձն ու վերջնահաշվարկ

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Ակունքում հրդեհ է բռնկվել. դեպքի վայր է մեկնել երկու մարտական հաշվարկ

Զոհրաբ Մնացականյանը հանդիպել է Նիդերլանդների Թագավորության արտաքին գործերի նախարար Ստեֆ Բլոկին. ԱԳՆ

Զինհաշմանդամ մարզիկները Գերմանիայում մասնակցում են անցկացվող ուսումնամարզական հավաքին. ՊՆ