Այսօր Չինարիում զոհվածների լուսանկարները. հակառակորդը 7 զոհ է տվել. թարմացված

29/12/2016 schedule10:35

15.15 Չնայած այն հանգամանքին, որ Բերդի բժշկական հիվանդանոցից armtimes.com-ին հայտնել են, թե վիրավորներին տեղափոխել են Մուրացանի անվան զինվորական հոսպիտալ, ՀՀ ՊՆ խոսնակ Արծրուն Հովհաննիսյանը քիչ առաջ մեզ հետ զրույցում հայտնեց, որ ՀՀ Զինված ուժերում վիրավորներ չկան:

14.30 ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում գրում է.

«Այս պահին իրավիճակը հայ-ադրբեջանական սահմանին հանդարտ է։ Հակառակորդը կրել է մինչև 7 զինծառայողի կորուստ։ ՀՀ ԶՈւ-երի կողմից իրականցվում են որոնողական-մաքրման աշխատանքներ։ ՀՀ ԶՈւ երում վիրավորներ չկան։ Նման իրավիճակում դիրքերի կորստի մասին և այլ ապատեղեկատվություններ տարածելը առնվազն... լավ բան չի։
Հ.Գ. Ինչեր պետք է լինեն, որ հասկանաք ճիշտ աշխատել այս իրավիճակներում:

14.10 Լուսանկարում այսօր Չինարիում զոհված հայ զինծառայողներն են:

13.15 ՀՀ ՊՆ խոսնակ Արծրուն Հովհաննիսյանը armtimes.com-ի հետ զրույցում նշեց, որ հակառակորդը մեր դիրքերում թողել է դիվերսանտներից մեկի դին: Նրա խոսքով` մանրամասները պաշտպանության նախարարությունը կներկայացնի պաշտոնական հաղորդագրությամբ:

13.05 Տավուշի մարզի Չինարի համայնքի ղեկավար Սամվել Սաղոյանը armtimes.com-ի հետ զրույցում հայտարարեց, որ այսօր վաղ առավոտյան հակառակորդի կողմից տեղի ունեցած ոտնձգությունների մասին իմացել են լրատվությունից:

«Մենք էլ ենք լրատվությունից իմացել, որ մարտեր են, բայց վիրավորների ու այլ մանրամասների մասին բան չգիտենք, չենք տիրապետում: Ես զինվորական չեմ, ոչինչ չեմ կարող ասել, ես ընդամենն իմ քաղաքացիների համար եմ պատասխանատու, ու կարող եմ միայն ասել, որ գյուղում խաղաղ է այս պահին»,- ասաց Սաղոյանը:

12.45 Բերեդի բժշկական հիվանդանոցից armtimes.com-ին հայտնում են, որ վիրավորներին տեղափոխում են Մուրացանի անվան զինվորական հոսպիտալ: Թե քանի վիրավոր ունենք, դեռ հստակ չէ:

12.40 ՀՀ ՊՆ խոսնակ Արծրուն Հովհաննիսյանը հրապարակել է զոհերի անունները: Նա ՖԲ իր էջում գել է.

ՀՀ զինված ուժերի ստորաբաժանումները չեզոքացրել են ադրբեջանական զորքերի նախահարձակ գործողությունները, հակառակորդը հետ է շպրտվել, տալով զոհեր ու վիրավորներ, այդ թվում նաև` մեր մարտական դիրքերի հատվածում:

Ցավոք, մարտական գործողությունների ժամանակ հայկական կողմը ևս կրել է կորուստներ: ՀՀ պետական սահմանի պաշտպանության համար մղված մարտերի ընթացքում զոհվել են ավագ լեյտենանտ Շավարշ Մելիքսեթի Մելիքյանը, շարքայիններ Էդգար Գրիգորի Նարայանը և Էրիկ Գարիկի Աբովյանը:

ՀՀ պաշտպանության նախարարությունը կիսում է կորստյան ծանր վիշտը և իր ցավակցությունն է հայտնում զոհվածների հարազատներին:

ՀՀ պաշտպանության նախարարությունը տիրապետում է ադրբեջանական կողմից ՀՀ պետական սահմանի խախտման անհերքելի ապացույցների: Տեղի ունեցած սադրանքի ողջ պատասխանատվությունը կրում է Ադրբեջանի ռազմաքաղաքական ղեկավարությունը:

12.30 Ոչ պաշտոնական տվյալների համաձայն, դիվերսիոն խումբը հատած է եղել շփման գիծը ու մարտի է մտել արդեն ՀՀ սուվերեն տարածքում։ Սպանվել են լվացվող զինվորներն ու օգնության հասնող սպան։ 

12.00 Քիչ առաջ armtimes.com-ի հետ զրույցում Արծրուն Հովհաննիսյանը նշեց, որ զոհերի մասին տեղեկությունը ճիշտ է, ունենք երեք զոհ: Նա նաև նշեց, որ զոհվածներից երկուսը զինծառայողներ են, մեկը՝ սպա։

ՀՀ պաշտպանության նախարարի մամուլի քարտուղարի խոսքով`  ՀՀ Տավուշի մարզի Չինարի գյուղից դեպի հարավ արևելք ընկած պետական սահմանի հատվածում մարտերը դեռ շարունակվում են:

10.30 ՀՀ պաշտպանության նախարարի մամուլի քարտուղար Արծրուն Հովհաննիսյանը ֆեյսբուքյան իր էջում գրառում է կատարել` տեղեկացնելով, որ ադրբեջանական զորքերը ձեռնարկել են դիվերսիոն ներթափանցման փորձ:

Գրառման մեջ, մասնավորապես, ասվում է.

«Սույն թվականի դեկտեմբերի 29 ին վաղ առավոտյան ՀՀ Տավուշի մարզի Չինարի գյուղից դեպի հարավ արևելք ընկած պետական սահմանի հատվածում, ադրբեջանական զորքերը ձեռնարկել են դիվերսիոն ներթափանցման փորձ։

ՀՀ զինված ուժերը մարտի են բռնվել հակառակորդի հետ։ Կիրառվում է դիպուկահարների և նռնականետերի կրակ, որը շարունակվում է։ ՀՀ ԶՈւ-ն լիովին վերահսկում են իրավիճակը՝ կանխելով հակառակորդի ոտնձգությունները»։

Տպել
33562 դիտում

Իսպանիայի հավաքականը ԱԱ 2018-ում հազիվ փրկվեց խայտառակությունից

ՍԱՊԾ աշխատակիցները դժգոհ են ղեկավարի ընտրության կարգի կազմակերպումից, դիմում են վարչապետին

Հորդառատ անձրևի պատճառով մարվել է Մեծ Եղեռնի հուշահամալիրի Հավերժական կրակը

Թող իմ անվան տակ հավայի չքցեն, որ իմ տնից զենք են հանել. Նորատուսցի Արա

ՀԱԱ տնօրեն Ամատունի Վիրաբյանին պարտադրված հրաժարականի պահանջին դեմ են արխիվի աշխատակիցները

Արցախի կառավարությունը որևէ մեքենա չի հատկացրել ԵԿՄ-ին. պարզաբանումներ՝ Ա. Հարությունյանից

Բնավ զարմացած չեմ, սահմռկեցուցիչ բաներ եմ լսել Մանվել Գրիգորյանի մասին. Սեդա Մելքոնյան

Պետավտոտեսուչին իբրեւ կաշառելու համար քաղաքացուց 3000 դոլար է հափշտակվել. 3 մեղադրյալ կա

Հայաստան-ԵՄ համագործակցությամբ կարագացվի վիզաների ազատականացման, ազատ տեղաշարժի գործընթացը

Զինծառայողների իրավունքների եւ հաշմանդամության կարգի հետ կապված բողոքներ Գեղարքունիքում

Չեխովի անվան դպրոցը չունի տարրական կրթության լիցենզիա. ազդեցիկ կապերն այլեւս չեն գործելու

Զորամասի հրամանատար գնդապետը և 3 անձ մեղադրվում են բենզին հափշտակելու, անգործության համար

Որոշ դպրոցներ չունեն կրթություն տրամադրելու իրավունք. ԿԳՆ-ն շրջաբերական է ուղարկել

Քրեական հետապնդում է հարուցվել 23 գյուղապետի նկատմամբ. 25.5 մլն դրամի վնաս փոխհատուցվել է

Նախարարը պահանջել է Արխիվի տնօրենի հրաժարականը, դիմել գլխավոր դատախազին. քրգործ կհարուցվի՞

Էլեկտրաէներգիայի սակագինը մասնակի կփոխհատուցվի. «Տաշիր» խմբի հայտարարությունը

Ի պատասխան Կինոլոգիական միության նախագահի բաց նամակի ՊԵԿ-ը հայտարարությամբ է հանդես եկել

Մանվել Գրիգորյանի պատժամիջոցները. ո՞վ է համացանցում հայտնված սկանդալային լուսանկարի մարդը

Սեյրան Օհանյանը որպես վկա հարցաքննվել է՝ ՊՆ-ում չարաշահումների գործով

Խուզարկվել են մի քանի տասնյակ օրենքով գողերի, քրեական հեղինակությունների տներ (տեսանյութ)