Ու բնական է, որ հատկապես ոչ շատ խոշոր տնտեսվարողներ արդեն լուրջ դժգոհություններ են արտահայտում: Դժգոհության առաջին հրապարակային արտահայտությունը երեկ հնչեցրին ջերմոցատերերը: Երեկ հրավիրված ասուլիսում նրանց արտահայտած հիմնական սպասումն այն էր, որ ջերմոցները գազի թանկացումից հետո կդադարեն գոյություն ունենալուց: Զվարթնոց համայնքում ջերմոց հիմնադրած Արտակ Թովմասյանի կարծիքով, գազի սպասվող գների պայմաններում ձմռանը ջերմոց աշխատեցնելը «բիզնեսի տեսակետից դառնում է հիմարություն»: Նա պատրաստվում է ջերմոցը աշխատեցնել մինչեւ հոկտեմբեր, իսկ դրանից հետո բերքը թափել: Իսկ Հայաստանը, ըստ նրա, կհեղեղվի ներկրված, հիմնականում թուրքական` քիմիական նյութերով աճեցված լոլիկով: Թովմասյանի ասելով` ջերմոցներում լոլիկ կամ վարունգ աճեցնելը գազի այսօր դեռ գործող գներով էլ շահավետ չէ: Ջերմոցների ծախսած գազի նկատմամբ «Հայռուսգազարդը» կիրառում է 20 տոկոսանոց գործակից: «Այդ կայեֆիցենտը ես համարում եմ կայֆերի փող, որովհետեւ անհասկանալի է, թե դա ինչ գումար է»,- ասում է Թովմասյանը: Խնդիրն այն է, որ գազի հաշվիչով ցույց տրված ցուցմունքից զատ «Հայռուսգազարդը» խոշոր սպառողների դեպքում գինը ավելացնում է 20 տոկոսով:

Վարչական դատարանը մերժել է «Բարեւ Երեւան» դաշինքի հայցը` անվավեր ճանաչել մայիսի 5-ի Երեւանի ավագանու ընտրությունների արդյունքները: Կենտրոնական ընտրական հանձնաժողովը մայիսի 12-ին որոշում էր կայացրել, ըստ որի ընտրական գործընթացում տեղի չեն ունեցել ընտրությունների արդյունքի վրա ազդող խախտումներ: Հենց այս որոշումն էլ «Բարեւ Երեւան» դաշինքը վիճարկում էր: Վարչական դատարանը ԿԸՀ որոշումը համարեց իրավաչափ: «Բարեւ Երեւանի» ներկայացրած հայցում ներկայացված էր 1000 էջից բաղկացած 9 հատոր նյութ` Երեւանի 10 ընտրատարածքներում գրանցված խախտումների վերաբերյալ: Դրանք վերցված էին տեղամասային ընտրական հանձնաժողովների գրանցամատյանների, հատուկ կարծիքների եւ արձանագրությունների պատճեններից, վերահաշվարկի ընթացքում արձանագրած դիտարկումներից եւ «Թրանսփարենսի ինթերնեշնլ» հակակոռուպցիոն կենտրոնի դիտարկումներից: Ըստ դատարանի` ԿԸՀ-ն իր որոշումը կայացնելիս հենվել է ընտրատարածքային հանձնաժողովների որոշումների վրա, որոնք դաշինքի կողմից չեն բողոքարկվել: Այժմ «Բարեւ Երեւան»-ը պատրաստվում է ոստիկանություն դիմել` զանգվածային խախտումների վերաբերյալ հաղորդում ներկայացնելով: «Բարեւ Երեւան»-ի հայցի մերժումից հետո Վարչական դատարանը սկսել է Հայ ազգային կոնգրես կուսակցության կողմից նույն` Երեւանի ավագանու ընտրությունների արդյունքներն անվավեր ճանաչելու պահանջով հայցի քննությունը: Վճռի կայացման վերջնաժամկետը լրանում է այսօր:

Հայաստանի գյուղատնտեսությունն այս տարի 35-40 միլիոն դոլարի վնաս է կրել: Այս մասին երեկ լրագրողների հետ հանդիպմանը հայտնել է «Ագրարագյուղացիական միավորում» ՀԿ-ի նախագահ Հրաչ Բերբերյանը: «Մեր հաշվարկներով վնասվել է շուրջ 20 հազար հա այգի: Գյուղացին հայտնվել է անելանելի վիճակի մեջ: Իհարկե, պետք է նաեւ սերմ ու պարարտանյութ տրամադրել, բայց առաջնահերթ ֆինանսական օգնություն է անհրաժեշտ գյուղացուն տրամադրել: Գյուղացու վարկն էլ մեկ տարով պետք է սառեցնել, որ կարողանա ապրի: Այսօր միայն սերմերով օգնելը ոչինչ չի տա իրեն»,- ասել է Հրաչ Բերբերյանը: Վերջինս համոզմունք է հայտնել, որ յուրաքանչյուր ընտանիք պետք է օգնություն ստանա` անկախ նրանից, թե իր այգին տուժել է 30 տոկոսի չափով, թե 100 տոկոսով:

ԵԱՀԿ Մինսկի խմբի համանախագահների հերթական տարածաշրջանային այցը տեղի է ունենալու մայիսի 22-23-ին: Այս մասին երեկ ադրբեջանական «APA» գործակալությանը տեղեկացրել է ֆրանսիացի համանախագահ Ժակ Ֆորը: Համանախագահները մայիսի 22-ին կլինեն Բաքվում, ապա մայիսի 23-ին կժամանեն Երեւան: Ֆորը նաեւ հայտնել է` այս անգամ համանախագահները Լեռնային Ղարաբաղ չեն այցելելու:

Երեկ էլ ելույթների հերթն էր: Նորանշանակ եւ վերանշանակված նախարարներն իրենց առաջնորդի հետ մի քանի ժամ շարունակ ստիպված էին լսել դառը ճշմարտություններ իրենց հասցեին: Նրանք, սակայն, կարծես թե իրենց առանձնապես վատ չէին զգում այդ ամենից, ավելին, տեղ-տեղ անգամ ծիծաղում էին: Թերեւս վստահ էին, որ անկախ իրենց ցեխը մտցնելուց, ծրագիրը միեւնույն է, ընդունվելու է:

ՀՀ նախկին վարչապետ Հրանտ Բագրատյանը հայտարարեց, որ ցուցանիշներն անբավարար են ու ձախողված, ներկայացված աճերը պարզապես վիճելի են, բյուջեն իրականում չի աճել, իսկ ներկայացված վիճակագրական թվերը մի քանի անգամ ուռճացված են: «Պարոն վարչապետ, եկեք մի քիչ նայենք, ինչ է կատարվում վիճակագրությունում: ՀՀ-ում չի արտադրվում 241 հազար տոննա խաղող, ՀՀ-ում անհնար է արտադրել 812 հազար տոննա բանջարեղեն, կոմունիստների օրոք եղել է 200 հազար տոննա: Կարտոֆիլի արտադրությունը 645 հազար տոննա անհնարին է: Հիմա այդ կարտոֆիլը վերածեք կալորիայի, դա լրիվ սուտ է, գյուղապետարանները լրացնում, տալիս են ձեզ: Եթե վերածեք կալորիաների, կստանաք 2.5 տրիլիոն` տարեկան:

Մայիսի 15-ին Նոյեմբերյանի զորամասում կատարված դեպքի հետ կապված երեկվա դրությամբ որեւէ պատասխանատու զինվորական տույժի չի ենթարկվել, աշխատանքից չի ազատվել, էլ չենք խոսում քրեական պատասխանատվության մասին: Այդ օրը զորամասում զինվորների միջեւ ծագած վեճի արդյունքում ժամկետային զինծառայող 19-ամյա Դավիթ Խաչատրյանը կրակ է արձակել, ինչից ժամկետային զինծառայող, 19-ամյա Լյուքս Ստեփանյանը սպանվել է, իսկ Հրաչյա Սարգսյանը ծանր վիրավորվել: Երեկ ՀՀ ՊՆ մամուլի քարտուղար Արծրուն Հովհաննիսյանը մեր թղթակցին հայտնել է, որ ինքը չի կարող ասել, թե ովքեր են պատժվել, քանի որ հրամաններ դեռ չկան: Չի բացառվում, որ հրամանները չլինեն, քանի դեռ դեպքը թարմ է եւ հասարակական ուշադրության կենտրոնում: Հետագայում՝ թեթեւ տույժերով հարցը կփակեն:

Նիստի ընթացքում նախատեսվում էր հարցաքննել գործով վկա Դիանա Նավոյանին, սակայն վերջինս դատարան չէր ներկայացել: Դատավոր Դավիթ Հարությունյանը դատավարության կողմերին հայտնեց, որ գործով վկան պատշաճ ծանուցվել է: Մեղադրող դատախազ Արթուր Դավթյանը նշեց, որ կարգը պահանջում է բերման ենթարկել վկա Դիանա Նավոյանին, քանի որ նրան պատշաճ ծանուցվել է, բայց ինքը չի ներկայացել: Տուժող Արկադի Աղաջանյանը դատարանին հայտնեց, որ կփորձի կապ հաստատել գործով վկա Դիանա Նավոյանի հետ: Դատական նիստի ընդմիջման ժամանակ իր սեփական նախաձեռնությամբ դատարան էր ներկայացել նախաքննության ընթացքում հարցաքննված վկա, «Հարսնաքար» ռեստորանային համալիրի սեփականատեր Ռուբեն Հայրապետյանը: Վերջինս հրաժարվեց պատասխանել լրագրողների հարցերին, ասելով, որ ցանկություն չունի զրուցելու եւ իրեն ոչ մեկ չի կարող ստիպել պատասխանել: Նա դատարանին հայտնեց, որ ճանաչում է բոլոր ամբաստանյալներին եւ  նախաքննության ընթացքում ամեն ինչ մանրամասն պատմել է եւ այժմ էլ պնդում է դրանք: «Մամուլով անընդհատ շահարկվում էր, որ ես խուսափում եմ դատարանից կամ ինչի չեմ գալիս, վախենում եմ, խուսափում եմ, դրա համար ես ներկայացել եմ, եթե կան հարցեր, խնդրում եմ տվեք»,- ասաց Ռուբեն Հայրապետյանը: Մեղադրող դատախազ Արթուր Դավթյանի հարցին, թե առաջին անգամ Հայրապետյանը որտեղ է եղել, երբ լսել է դեպքի մասին, վերջինս պատասխանեց, որ առաջին անգամ միջադեպի մասին իմացել է Հայաստանի ֆուտբոլի ֆեդերացիայում դեպքի օրը` (2012թ. հունիսի 17) ժամը 23-ի սահմաններում եւ դեպքի մասին իմացել է «Հարսնաքար» ռեստորանային համալիրի տնօրեն Հրաչյա Զոհրաբյանից, ով իրեն ասել է, որ կռիվ է եղել եւ տուժող մարդ կա:

«Էրեբունի» բժշկական կենտրոնում երեկ ծննդաբերել է Խարբերդի 41-ամյա բնակչուհի Արմինեն` լույս աշխարհ բերելով իր 12-րդ երեխային: Ինչպես տեղեկացանք բժշկական կենտրոնից, երեխայի քաշը 3 կգ 550 գր է, հասակը` 50 սմ: Նրան կնքել են Անահիտ անունով: Նորածինն այս ընտանիքի 5-րդ աղջիկն է: Նրա մայրը, որը նաեւ մեկ թոռնիկ ունի, խոստացել է, թե էլի զավակներ է ունենալու: Արմինեի ամուսինը ցանկություն է հայտնել ներկա գտնվել կնոջ ծննդաբերության ժամանակ, ինչը նրան թույլատրվել է:

Սերժ Սարգսյանը երեկ ցավակցական հեռագիր է հղել Ամերիկայի Միացյալ Նահանգների նախագահ Բարաք Օբամային` Օկլահոմա նահանգում տեղի ունեցած պտտահողմի ավերածությունների կապակցությամբ: «Ձերդ գերազանցություն, խորը ցավով տեղեկացա Օկլահոմա նահանգում տեղի ունեցած պտտահողմի ավերածությունների մասին, որը տասնյակ մարդկանց ողբերգական մահվան պատճառ դարձավ: Կորուստն առավել ցավալի է, քանի որ զոհերի մեջ մեծ թվով երեխաներ կան: Խորին վշտակցություն եւ զորակցություն եմ հայտնում Ձեզ, զոհվածների ընտանիքներին եւ ԱՄՆ-ի բարեկամ ժողովրդին` մաղթելով համբերություն եւ տոկունություն, իսկ վիրավորներին` շուտափույթ ապաքինում»,- ասված է ցավակցական հեռագրում:

Սերժ Սարգսյանին երեկ իր հավատարմագրերն է հանձնել Հայաստանում Կուբայի նորանշանակ արտակարգ եւ լիազոր դեսպան Էմիլիո Լոսադա Գարսիան (նստավայրը` Մոսկվա): Սերժ Սարգսյանն անհրաժեշտ է համարել երկկողմ քաղաքական երկխոսության ակտիվացումն ու տարբեր ոլորտներում համագործակցության զարգացումը: Դեսպան Էմիլիո Լոսադա Գարսիան նախագահ Սերժ Սարգսյանին է փոխանցել Կուբայի Պետական խորհրդի եւ նախարարների խորհրդի նախագահ Ռաուլ Կաստրոյի ջերմ ողջույններն ու Կուբայի ժողովրդի ջերմ ու հարգալից վերաբերմունքը հայ ժողովրդի նկատմամբ:

Տիկնայք եւ պարոնայք
Կառավարությունը Հայաստանի թիվ մեկ քաղաքական գործադիր մարմինն է եւ սա արձանագրված է դե յուրե, ՀՀ Սահմանադրությամբ: Որ կառավարությունը քաղաքական մարմին է, կարծում եմ որեւէ մեկը կասկած չունի, որովհետեւ ձեւավորվում է կարեւորագույն քաղաքական գործընթացներից մեկի՝ Խորհրդարանական ընտրությունների արդյունքով:

Սակայն ամբողջ խնդիրն այն է, որ այն կառավարությունը, որի ծրագիրն այսօր քննարկում ենք, դե ֆակտո քաղաքական մարմին չէ: Ինչու՞ քաղաքական մարմին չէ, որովհետեւ եթե ուշադիր ուսումնասիրենք կառավարության կազմը, կտեսնենք, որ այնտեղ չկան կամ գրեթե չկան քաղաքական դեմքեր:

Եթե կառավարության առանձին անդամների կենսագրությունը ուսումնասիրենք, կտեսնենք, որ նրանց մի մասը կուսակցական տոմսը ստացել է կառավարական վկայականի հետ նույն օրը, մյուս մասը կուսակցականությունից հրաժարվել է, որպեսզի շարունակի մնալ նախարար, երրորդ խումբը կուսակցական է դարձել նախարար լինելու բերումով եւ ըստ էության՝ եթե մենք կառավարության կազմը ուսումնասիրենք, կտեսնենք, որ միակ, հիմնական, առանցքային քաղաքական սկզբունքը, որ նրանք իրագործում են՝ նախարար, պաշտոնյա լինելն է: Եթե այս տեսակետից ենք նայում՝ կառավարության կազմը շատ հետաքրքիր է: Այդ կազմն ուսումնասիրելով հիշեցի դասականի հայտնի հերոսին:

Իր խոսքում նա նշեց, որ ներկայացված ծրագիրը մշակելիս իրենք այցելել են բազմաթիվ համայնքներ, հանդիպել հազարավոր մարդկանց, լսել նրանց հուզող հարցերը եւ պարզել են թե, օրինակ, ի՞նչ է ակնկալում պետությունից Վանաձորի մանկավարժական համալսարանի ուսանող Արմեն Հարությունյանը եւ Գեղարքունիքի մարզի Վարդենիկ համայնքի թոշակառու Ալվարդ Շահինյանը: Արմենի եւ նրա նման երիտասարդների համար կառավարության նոր ծրագիրը նախատեսում է` 1.կրթության բարեփոխումների շրջանակում ապահովել ձեռնարկությունների եւ կրթական հաստատությունների ուղղակի կապը, որը հնարավորություն կընձեռի պատրաստել աշխատաշուկայի պահանջներին համապատասխան որակյալ մասնագետներ եւ այլն: Իսկ ահա թոշակառու Ալվարդ Շահինյանի համար նախատեսում է` 1.կենսաթոշակների ավելացում, 2. յուրաքանչյուր համայնքում առողջապահական ծառայությունների հասանելիության ապահովում եւ այլն: Իսկ մնացած բոլորի համար նախատեսում է բարձր աշխատավարձով աշխատատեղերի ստեղծում արտահանմանը նպաստող արդյունաբերական քաղաքականության լիարժեք իրականացման միջոցով, աշխատավարձերի համակարգված բարձրացում եւ էլի նման ձեւակերպումներով խոստումներ:

2013 թվականի մայիսի 20-ին Մադրիդի «Ռեալի» նախագահ Ֆլորենտինո Պերեսը հայտարարեց, - «Ակումբը եւ մարզիչը փոխադարձ համաձայնություն են ձեռք բերել դադարեցնել համագործակցությունը: Տնօրենների խորհրդի անունից շնորհակալություն են հայտնում Ժոզե Մոուրինյոյին կատարած աշխատանքի համար»:
Բնականաբար շատ շուտով հայտնի կդառնա Մադրիդի «Ռեալի» նոր գլխավոր մարզչի անունը, կհստակեցվի Մոուրինյոյի հետագա ճակատագիրը, բայց հիմա թերեւս ետ նայելու ժամանակն է, պորտուգալացի մարզչի մադրիդյան ժամանակաշրջանի ամփոփման պահն է...

2010 թվականի մայիսի 28-ին «Պորտուի» հետ՝ Պորտուգալիայում, «Չելսիի» հետ՝ Անգլիայում ու «Ինտերի» հետ՝ Իտալիայում բոլոր հնարավոր կոչումները նվաճած, Չեմպիոնների լիգայի կրկնակի հաղթող, Պորտուգալիայում ասպետական ամենաբարձր՝ Ինֆանտ դոն Էնրիկեի շքանշանակիր Մոուրինյոն պաշտոնապես գլխավորեց «Ռեալը»: «Ես սիրում եմ փորձությունները: Երբ գլխավորեցի «Պորտուն», թիմը երկար ժամանակ տիտղոսներ չէր նվաճել: Հետո տեղափոխվեցի «Չելսի», որը 50 տարի չէր դարձել Անգլիայի չեմպիոն: «Ինտերը» 45 տարի չէր տիրացել Չեմպիոնների լիգայի գավաթին: «Ռեալն» էլ ինձ նման մեծ ամբիցիաներ ունի: Նման փորձությունները ինձ մոտիվացնում են», - սրանք Մոուրինյոյի խոսքերն են մադրիդյան ակումբը գլխավորելուց հետո:

«Green Card» շահելու միջոցով Միացյալ Նահանգներ տեղափոխվելու շատերի երազանքը կարող է այդպես էլ անկատար մնալ: Մի խումբ սենատորներ նախօրեին Սենատի քննարկմանն են ներկայացրել մի օրինագիծ, որով առաջարկվում է մի շարք փոփոխություններ մտցնել ամերիկյան միգրացիոն քաղաքականության մեջ: Փոփոխություններից մեկով առաջարկվում է դադարեցնել «Green Card»-երի ամենամյա խաղարկությունը, որի շնորհիվ տարեկան 55 հազար մարդ օրինական հիմունքներով ԱՄՆ-ում մշտական բնակություն հաստատվելու եւ աշխատելու իրավունք է ստանում: Օրինագծի հեղինակներից մեկի` դեմոկրատ սենատոր Չարլզ Շումերի խոսքերով, փոփոխությունների նպատակն է բազմազան դարձնել ներգաղթը դեպի ԱՄՆ, ինչպես նաեւ Եվրոպայի ու Աֆրիկայի բնակիչներին ուղղակի հնարավորություն տալ տեղափոխվելու ԱՄՆ: «Որոշակի ժամանակ գործող ծրագիրը ծառայում էր իր նպատակին, սակայն այժմ ամենամեծ թվով դիմումները ստացվում են Կենտրոնական Ասիայից: Ուստի մենք գտնում ենք, որ իմաստ չկա շարունակել ծրագիրը»,- ասել է սենատոր Շումերը: 1995 թվականին միգրացիայի մասին օրենքի համաձայն սկսված ամենամյա խաղարկությունների նպատակն էր խայտաբղետ դարձնել ԱՄՆ ներգաղթողների էթնիկ կազմը եւ բացի այդ, ԱՄՆ-ում մշտական բնակություն հաստատելու հնարավորություն տալ այն երկրների քաղաքացիներին, որոնք ԱՄՆ ներգաղթի հիմնական աղբյուր չեն հանդիսանում:

Երեկ Քութայիսիում հարցաքննությունից հետո ձերբակալվել է Վրաստանի նախկին վարչապետ, իսկ ներկայումս նախագահ Միխայիլ Սահակաշվիլիի գլխավորած «Միացյալ ազգային շարժում» կուսակցության գլխավոր քարտուղար Վանո Մերաբիշվիլին: Նա մեղադրվում է 2011 թվականի մայիսի 26-ին ընդդիմության հանրահավաքը բռնությամբ ցրելու, 2006-ի հունվարի 28-ին հայտնի բանկիր Սանդրո Գիրգվլիանիի սպանության կազմակերպման, ինչպես նաեւ գործազուրկների հաշվարկի անվան տակ ԱՄԿ-ի ակտիվիստներին պետական բյուջեից 6 միլիոն լարի տրամադրելու համար, որպեսզի վերջիններս զբաղվեն կուսակցության օգտին քարոզչական աշխատանքներով: