Երեւանում առաջիկա օրերին ցերեկը հնարավոր է արեւը կարճ ժամանակով երեւա

Արարատյան դաշտում այս պահին օդի ջերմաստիճանը (-10-12 աստիճան) նորմայից ցածր է 7-9 աստիճանով՝ ի տարբերություն մարզերի մեծ մասի, որտեղ ջերմաստիճանը նորմայից 3-5 աստիճանով բարձր է: Չնայած սրան՝ հասարակությանն ամենից շատ «անհանգստացնում է» Երեւանում եւ Արարատյան դաշտում օրեր շարունակ առկա մառախուղն ու արեւի բացակայությունը:

ՀՀ ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը մեզ հետ զրույցում բացատրեց, թե որն է պատճառը, որ Հայաստանի՝ սովորաբար ամենատաքը համարվող շրջաններում հիմա ամենացուրտն է: Նա նաեւ նշեց, որ առաջիկա 5 օրերին այդ իմաստով մեծ փոփոխություններ չեն սպասվում:

- Պարոն Սուրենյան, Երեւանում վերջին օրերին շատ ավելի ցուրտ է, քան՝ լեռնային մարզերում: Բացի այդ, մառախուղը ոչ մի կերպ չի ուզում հեռանալ: Ի՞նչ երեւույթ է սա եւ որքա՞ն ժամանակ կշարունակի գործել:

- Այն, ինչ տեսնում ենք՝ դա նորմալ երեւույթ է եւ ոչ մի կատաստրոֆա չկա դրանում: Դա Արարատյան դաշտի լեռնագրական առանձնահատկությունն է եւ իր մեջ որեւէ նորություն չի պարունակում, որ մեր հասարակությունն այսպես զարմացել է: Արարատյան դաշտը գոգավորություն է՝ շրջափակված լեռնաշղթաներով: Այդ լեռնաշղթաների լեռնալանջերին օդը սառչում է, խտությունը մեծանում է եւ ջրի նման հոսում Արարատյան դաշտի հատակային հատված:

Այնտեղ սառն օդը լճանում է եւ մթնոլորտային բարձր ճնշման պահպանման դեպքում օրերով ու շաբաթներով մնում է Արարատյան դաշտի հատակային հատվածում: Սա է ջերմաստիճանի ցածր լինելու պատճառը: Ինչ վերաբերում է մառախուղին՝ այն ձեւավորվել է հարավ-արեւմտյան տաք օդային հոսանքների ներհոսքի պատճառով. մտնելով հանրապետություն, այդ հոսանքները չեն կարողանում ներթափանցել Արարատյան դաշտ եւ շրջանցելով այն՝ սահում են լեռնային շրջաններ: Այդ տաք ու սառն օդային հոսանքների շփման գոտում էլ առաջանում են ամպամածություն եւ մառախուղ:

Սա է գիտական բացատրությունը եւ պետք է ասեմ, որ սա այս երեւույթի դրսեւորման մեղմ դեպքերից մեկն է: Եթե հիշում եք՝ 2013 թվականին պատկերը շատ ավելի սարսափելի էր, 2008-ին՝ էլ ավելի. եթե հիմա Երեւանում գիշերը -10-11 աստիճան է, 2008-ի այս օրերին ունեցել ենք մինչեւ -25 աստիճան սառնամանիք Արարատյան դաշտում, որը պահպանվել է գրեթե ողջ հունվարի ընթացքում: Այսինքն՝ ներկա ջերմային ֆոնը (-11-12 աստիճան), որը կա Արարատյան դաշտում, դա արտակարգ ցուրտ անվանելը ճիշտ չէ:

Խնդիրը հետեւյալն է. Արեգակի բացակայությունը, բարձր խոնավությունն այնպիսի զգացողական էֆեկտ են ստեղծում, որ մարդը շատ ավելի ցածր է զգում առկա ջերմային ֆոնը, քան՝ կա: Դրա պատճառը բարձր հարաբերական խոնավությունն է, որը 100 տոկոս է: Ձյան բյուրեղները, որ տեսնում եք, դրանք տեղումներ չեն. սառնամանիքի եւ բարձր խոնավության պատճառով տեղի է ունենում կոմպենսացիա, խտացում եւ օդում գոլորշիները խտանալով վեր են ածվում սառցե բյուրեղների:

- Երեւանում եւ Արարատյան դաշտում ե՞րբ հնարավոր կլինի արեւ տեսնել:

- Քանի որ անտիցիկլոնային դաշտը, այսինքն՝ բարձր ճնշման գոտին մեր երկրի տարածքում պահպանվելու են առաջիկա 5 օրերի ընթացքում, մենք եղանակային պայմանների որեւէ լուրջ փոփոխություն չենք սպասում: Վաղը Թուրքիայի տարածքից ցիկլոն է անցնում մեր տարածք, առավոտյան եւ ցերեկը՝ հատկապես հանրապետության արեւմտյան թեւում (Շիրակ, Արարատյան դաշտ, Արագածոտն, Կոտայք) թույլ ձյուն կտեղա, իսկ հունվարի 11-15-ին կրկին կհաստատվի առանց տեղումների եղանակ:

Օդի ջերմաստիճանն Արարատյան դաշտում եւ Երեւանում առանձնապես չի փոխվի, իսկ այն շրջաններում, որտեղ հիմա շատ տաք է, հունվարի 11-ին ջերմաստիճանը կնվազի 3-5 աստիճանով: Հնարավոր է մառախուղը, ամպամածությունը ցերեկը շատ թուլանան, Արեգակի սկավառակը թույլ երեւա, բայց գիշերը եւ առավոտյան կրկին կսաստկանա:

- Դուք նշեցիք, որ Երեւանում եւ Արարատյան դաշտում առկա ջերմային ֆոնի մեջ ոչ մի անոմալ բան չկա. այսինքն՝ նորմա՞լ է, որ Արագածի գագաթին էլ է այսօր -10 աստիճան ցուրտ, Երեւանում էլ:

- Իհարկե: Մենք դեպքեր ենք ունեցել, երբ Երեւանում եղել է -20, Արագածի գագաթին՝ -5: Դա հենց ինվերսիան է՝ ջերմաստիճանային շրջադասությունը, երբ սառն օդը լցվում է ներքեւ, իսկ վերեւով տաք օդի հոսք է անցնում: Հիմա Հայաստանի լեռնային շրջաններում՝ Ապարանում, Ջերմուկում, Հրազդանում, Գավառում, Սեւանում դրական ջերմաստիճան է, միայն Շիրակի հատվածում է, որ բացասական է, ինչն էլ պայմանավորված է նրանով, որ Շիրակն էլ է գոգավորություն:

Տպել
11191 դիտում

ՌԴ-ում կատակում են, թե հայերն են առաջ տանում հոկեյի Մ20 տարեկանների հավաքականը. Փոլոդյան

Ֆրանսիական հեռուստաալիքը ցուցադրել է «Հայաստան. Նոյի խաղողի այգիները» փաստագրականը

Ամերիկյան հայտնի հագուստի բրենդը նոր հուդիներ է թողարկել` Արցախի դրոշով

ՀՎԿ-ն ու ՀՀԿ-ն հուշագիր ստորագրեցին`Վանաձորի միասնական կառավարման մասին. Փելեշյանը`տեղակալ

Ադրբեջանցի 20 դիպուկահար մարզվում է Թուրքիայի ոստիկանությունում (տեսանյութ)

Էրդողանը քիչ է համարում Նորվեգիայի ՊՆ-ի ներողությունը`իրեն եւ Աթաթուրքին վիրավորելու համար

ՌԴ-ն Սիրիայում հրադադարի ռեժիմի խախտման հինգ դեպք է արձանագրել, Թուրքիան՝ չորս

Այսօր «Միսս աշխարհ»-2017-ի եզրափակիչ փուլն է. Լիլի Սարգսյանը չի հասել եզրափակչին

Ջորջ Քլունին սերիալ է նկարահանում ԱՄՆ օդուժի հայ զինծառայողի մասին

Սանկտ Պետերբուգում առյուծին սովորեցրել են հայերեն հասկանալ. Տեսանյութ

Դեռ ամեն ինչ կորած չէ. ՀՀ-ն ռիսկային է, բայց՝ ոչ այնքան

ԱՄՆ-ը և Ռուսաստանը տապալել են Սիրիայի հարցով մեկը մյուսի ներկայացրած բանաձևերը

Մալադե՛ց. հաղթական բանակի գեներալը

Բարձր հովանու ներքո. համ հաճույք ստացավ, համ կույս մնաց

ԵԱՏՄ անդամ Հայաստանը ԵՄ-ի հետ ավելի մտերմանալու 2-րդ փորձն է անում. New Europe

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ