Բոլորը դեմ են, բայց լսող չկա. խոշորացման նոր վտանգը գյուղերում խուճապ է առաջացրել

140 համայնքների միավորման արդյունքում նախորդ տարի Հայաստանում ձևավորվեց թվով 18 համայնք: Սա իրականացվեց ՀՀ կառավարության մշակած վարչատարածքային բարեփոխումների շրջանակում: Ինչպես հայտնի է՝ այս «բարեփոխումները» բողոքի ցույցերով ու մեծ դժգոհությամբ ընդունվեցին խոշորացվող գյուղերում ապրող բնակչության, բազմաթիվ գյուղապետերի կողմից:

Այդ ժամանակ ՀՀ կառավարությունը բողոքողներին հորդորում էր սպասել որոշ ժամանակ եւ դրական արդյունքները տեսանելի կլինեն: Վերջերս Տավուշի մարզի սահմանամերձ Ոսկեպար գյուղի բնակիչները «Հետք»-ին ասել են, որ խոշորացման արդյունքների մասին ամենավառ վկայությունը իրենց գյուղամիջյան ճանապարհն է, որ ամբողջությամբ սառցակալած է: Իսկ քանի որ գյուղապետ չունեն՝ չգիտեն ում բողոքել, որովհետեւ իր պաշտոնավարման մոտ երեք ամիսներին Նոյեմբերյանի խոշորացված համայնքի ղեկավար Կարեն Աբազյանը Ոսկեպար չի այցելել:

Չնայած սրան՝ Կառավարությունը շարունակում է իրականացնել իր ծրագիրը: Վարչապետ Կարեն Կարապետյանն իր ծրագրում ներառել է այս տարի եւս 150 համայնքի միավորման արդյունքում 18 փնջերի ձեւավորում:

Տարածքային կառավարման նախարարությունում դեռ նախագիծ չկա, թե որ գյուղերն են միավորվում, հանրաքվեների օրեր էլ Կառավարությունը չի ներկայացրել ԿԸՀ, սակայն գյուղերում արդեն որոշակի խուճապ է նկատվում:

Կոտայքի մարզի Թեղենիք համայնքում, օրինակ, լսել են, որ Թեղենիքը, Արգելը, Նոր Գեղին եւ մի շարք այլ գյուղեր միավորվելու են Նոր Հաճնին:

Գյուղապետ Մարատ Բաղդասարյանը մեզ հետ զրույցում ասաց, որ այդ հեռանկարից գոհ մարդ գյուղում չկա: «1953-54 թվերին էլ եղավ նման բան, մեկ տարի տեւեց: Եթե արդյունավետ լիներ՝ կմնար: Հիմա մեզ մոտ նորից ուզում են նման բան անել: Ախր պետք է խոշորացված համայնքներում հարցնել՝ դրանց բնակիչները գո՞հ են իրենց կյանքից, որեւէ դրական Փոփոխություն կա՞: Ես գիտեմ, որ բոլորը դժգոհ են»,- իր կարծիքը հիմնավորեց պարոն Բաղդասարյանը:

Հարցին, որ եթե բոլորը դժգոհ են՝ Կառավարությունն ինչո՞ւ է համառորեն գնում դրան՝ գյուղապետը պատասխանեց, որ հավանաբար ինչ-որ մի բան կա, որ այդպես շահագրգռված են, բայց թե ինչ՝ դեռ չգիտի:

Կոտայքի մարզի Արգել համայնք հասած խոսակցությունների համաձայն էլ՝ այս գյուղը հնարավոր է միավորվի Չարենցավանին: Համայնքի ղեկավար Մաթեւոս Ավագյանը կարծում է, որ խոշորացման որոշում կայացնելուց առաջ ճիշտը արդեն խոշորացված համայնքերի բնակիչների կարծիքը հարցնելն է:

Նրա դիտարկմամբ՝ խոշորացման արդյունքում հնարավոր են եւ դրական եւ բացասական հետեւանքներ. «Մեծ համայնքն ավելի շատ հնարավորություն ունի ֆինանսական ներդրումներ համայնք բերելու: Այդ առումով միգուցե դրական լինի: Իսկ ժողովրդի համար բնական է, որ կարող է դժվար լինի, որովհետեւ գյուղացին գյուղում իր հարցը լուծելու փոխարեն արդեն ստիպված է լինելու գնալ խոշոր համայնք, դրա համար խնդիրներ կառաջանան: Միգուցե խոշորացված համայնքներում կարելի է հարցնել: Մենք դեռ չգիտենք ինչ է լինելու: Մեզ համար դժվար է կարծիք ասել: Մենք նույնիսկ չգիտենք, թե որ քաղաքին ենք միավորվելու, ասում են Չարենացավանին ենք միանալու, բայց դեռ որոշված չի»,- ասաց գյուղապետը:

Տպել
16452 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց