Շաքարախտով հիվանդ երիտասարդը մահացել է բուսաբույժի թուրմերի՞ց. վերջինս հակառակն է պնդում

20/01/2017 schedule16:30

Շաքարախտով հիվանդ 29-ամյա Հովհաննես Նիկողոսյանի համար բուսաբույժին դիմելը ճակատագրական է եղել. բուսաբույժի կողմից պատրաստվող բուսական թուրմերն ընդունելուց երկու ամիս հետո երիտասարդը մահացել է:

Դեպքը տեղի է ունեցել 2014 թ.: Մահվան դեպքի առթիվ հարուցվել է քրեական գործը, որի նախաքննությունը տեւել է երկու տարի եւ ավարտվել 1 ամիս առաջ՝ 2016թ. դեկտեմբերին:

Այս մասին երեկ բարձրաձայնեց «ՀԺ» խմբագրություն դիմած տուժողի իրավահաջորդի ներկայացուցիչ Տաթեւ Սարգսյանը: Նա պատմեց, որ Հովհաննես Նիկողոսյանը, որն ունեցել է թիվ 1 տիպի դիաբետ (շաքարախտ) 2014 թ. հունիսին բուժում ստանալու նպատակով դիմել է բուսաբույժ Ստեփան Բաղդասարյանին։ Վերջինս Հովհաննեսին հավատացրել է, որ նրան կբուժի իր կողմից պատրաստվող բուսական թուրմերով, որոնք բաղկացած են լորենուց, օշինդրից, հազարաթերթիկից, մարիամախոտից, կռոթուկի արմատից եւ այլ բույսերից։ Շուրջ 2 ամիս բուժում ստանալուց հետո Հովհաննես Նիկողոսյանի մոտ հայտնաբերվել է տոքսիկ հեպատիտ (լյարդի թունավոր բորբոքում), եւ նա 2014 թ. հոկտեմբերի 6-ին մահացել է։

29-ամյա երիտասարդի մահվան դեպքի առթիվ ՀՀ քննչական կոմիտեի Շենգավիթի քննչական բաժնում հարուցվել է քրեական գործ՝ ՀՀ քրեական օրենսգրքի 109 հոդվածի 1-ին մասով (անզգուշությամբ մահ պատճառելը)։ Գործի շրջանակներում բուսաբույժին նույն հոդվածով մեղադրանք է առաջադրվել: Նշանակվել է համալիր դատաբժշկական փորձաքննություն, որի եզրակացության համաձայն՝ մինչեւ բուսաբուժության կենտրոն դիմելը Հովհաննես Նիկողոսյանի մոտ, բացի նախորդ ամիսներին ի հայտ եկած թիվ 1 տիպի շաքարային դիաբետից, այլ հիվանդությունների առկայության վերաբերյալ տվյալներ չեն եղել:

«Լյարդի ախտահարման բնույթը, դրսեւորման ժամկետը եւ հիվանդության հետագա ընթացքը հիմք են տալիս եզրակացնելու, որ վերջինիս լյարդի ախտահարման, հետագա բարդությունների արագացման եւ անբարենպաստ ելքի պատճառ է հանդիսացել բուսաբուժության կենտրոնում կատարված գործողությունների ժամկետում լյարդի ախտահարման բերած արտածին (էկզոգեն) նյութերի կիրառումը՝ խմելու ձեւով: Ինչն  էլ տվյալ դեպքում գտնվում է անմիջական պատճառահետեւանքային կապի մեջ Հ. Նիկողոսյանի մոտ լյարդի դիֆուզ տոքսիկ ախտահարման եւ նրա մահվան հետ»,- նշված է դատաբժշկական փորձաքննության եզրակացության մեջ:

Մեր հարցին ի պատասխան՝ փաստաբան Տաթեւ Սարգսյանն ասաց, որ քննիչը 2016 թվականի նոյեմբերի 17-ին Ստեփան Բաղդասարյանի նկատմամբ քրեական հետապնդումը դադարեցրել է՝ նկատի ունենալով այն հանգամանքը որ տվյալ հանցագործության համար անցել է քրեական պատասխանատվության ենթարկելու վաղեմության ժամկետը։ Նշենք, որ ՀՀ քրեական օրենսգրքի 75 հոդվածի համաձայն՝ անձն ազատվում է քրեական պատասխանատվությունից, եթե ոչ մեծ ծանրության հանցանքն ավարտված համարելու օրվանից անցել է  երկու տարի:

Մինչդեռ փաստաբանը կարծում է, որ բուսաբույժ Ստեփան Բաղդասարյանի գործողությունները պարունակում են մի շարք հանցակազմեր: Մասնավորապես, ըստ նրա՝ վարույթ իրականացնող մարմինը չի նկատել կամ չի ցանկացել նկատել, որ Ս. Բաղդասարյանի գործողություններում առկա են նաեւ ՀՀ քրեական օրենսգրքի 280-րդ հոդվածով նախատեսված հանցագործության հատկանիշներ (մասնավոր բժշկական գործունեությամբ ապօրինաբար զբաղվելը)։

«Նշված հոդվածը պատասխանավություն է նախատեսում այն սուբյեկտների համար, ովքեր առանց հատուկ թույլտվության (լիցենզիա) զբաղվում են մասնավոր բժշկական գործունեությամբ եւ դրա արդյունքում առաջանում են որոշակի հետեւանքներ։ Քննարկվող դեպքում առաջացել է ծանր հետեւանք՝ մարդու մահ, որի համար նախատեսված է մինչեւ 5 տարի ազատազրկում։ Ստեփան Բաղդասարյանն ունեցել է ընդհանուր թերապեւտի լիցենզիա, սակայն նման լիցենզիան հնարավորություն չի տալիս զբաղվել շաքարախտի բուժմամբ, որի համար, ՀՀ կառավարության որոշմամբ նախատեսված են այլ լիցենզիաներ։

ՀՀ քրեական օրենսգրքի 280-րդ հոդվածով արարքը որակելու արդյունքում քրեական պատասխանատվության վաղեմության ժամկետը չէր անցնի, եւ Ստեփան Բաղդասարյանը հնարավոր է դատապարտվեր մինչեւ 5 տարվա ազատազրկման։ Նրա կողմից կատարված գործողություններում, մեր կարծիքով, առկա են նաեւ այլ հանցագործության հատկանիշներ (խարդախություն, ապօրինի ձեռնարկատիրություն)»,- մանրամասնեց տուժողի իրավահաջորդի ներկայացուցիչը՝ նշելով, որ դրանց մասին առայժմ չի խոսի:

Մեր հարցին ի պատասխան՝ Տաթեւ Սարգսյանն ասաց, որ քննիչի կողմից քրեական հետապնդումը դադարեցնելու որոշումը բողոքարկվել է Երեւան քաղաքի դատախազություն, սակայն բողոքը մերժվել է։ Նրա խոսքով՝ դատախազությունը եւս չի ցանկանում նկատել, որ Բաղդասարյանը գործել է առանց համապատասխան լիցենզիայի, որի հետեւանքով առաջացել է մարդու մահ: Նա նաեւ հավելեց, որ նախատեսում են բողոք ներկայացնել դատարան, բացի այդ համապատասխան դիմում է ներկայացվել առողջապահության նախարարություն՝ Բաղդասարյանին ընդհանուր թերապեւտի լիցենզիայից զրկելու խնդրանքով։

Բուսաբույժ Ստեփան Բաղդասարյանը, սակայն, Հովհաննես Նիկողոսյանի մահվան մեջ իր մեղավորությունը չի տեսնում, ասաց՝ անմեղ եմ: Ավելին՝ պնդեց, որ երիտասարդը ոչ թե իր պատրաստած թուրմերից է մահացել, այլ բուժման ընթացքում լողավազան գնալուց «լյարդը սառեցնելուց, դեղնախտից»:

«Նրա շաքարը 27-ից չէր իջնում ոչ մի կերպ, թուրմերից հետո մեկ ամսում շաքարը իջավ 14, երկրորդ ամսում՝ 7, ինքը շատ ոգեւորված, շատ առողջ էր: Այդ ընթացքում որոշեց գնալ լողավազան, ես իրեն արգելեցի, ասեցի՝ դեռ քեզ չի կարելի, նա ինձ չլսեց: 3-4 օր հետո եկավ դեղնած, այսինքն՝ սառը ջրից լյարդի սպազմ առաջացավ, մեխանիկական դեղնախտ եղավ: Դեղաբույսերը պարունակում են ընդամենը վիտամիններ, ոչ մի թունավոր բույս ես կյանքում չեմ օգտագործել, ընդամենը տվել եմ վիտամիններ, դեղաբույսեր: Թողեք հանգիստ այդ տղային»,- մեր զրույցում ասաց նա: Մեր ճշտող հարցին, թե շաքարախտով հիվանդ քանի՞ քաղաքացիների է բուժել, Բաղդասարյանն ասաց՝ 100-ից ավելի: Հարցին, թե էլ ի՞նչ ծանր հիվանդություններ է բուժել, նա պատասխանեց. «Հեպատիտ C, Պսորիազ, չբերություն»:

Մեր հարցին, թե լիցենզիա ունե՞ք մասնավոր բժշկական գործունեություն իրականացնելու համար, բուսաբույժը դրական պատասխան տվեց: Ճշտող հարցին՝ այդ լիցենզիան  հնարավորություն տալի՞ս է զբաղվել շաքարախտի բուժմամբ, բուսաբույժը նշեց, թե ինքը քիմիական մեթոդներով բուժում չի իրականացնում այլ՝ բուսաբուժությամբ:

Նշենք, որ Ստեփան Բաղդասարյանը Հովհաննես Նիկողոսյանի շաքարախտը բուժելու համար ամսական ստացել է 120 հազար դրամ: Նիկողոսյանը ամուսնացած էր, ուներ անչափահաս որդի, տան միակ կերակրողն էր:

Տպել
25278 դիտում

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի