Նորատուսցի Ալիկի թիկնապահն ու եւս մեկ անձ ազատ են արձակվել. սպանվածի մայրը չի բողոքում

Մեր տեղեկություններով, 2016 թ.-ի նոյեմբերի 13-ին Շենգավիթ վարչական շրջանում գործող «Լիա» գեղեցկության սրահում տեղի ունեցած աղմկոտ սպանության գործով ձերբակալված քրեական հեղինակություն Նորատուսցի Ալիկի թիկնապահ Արմեն Գասպարյանը (մականունը՝ Բդո) եւ Չարբախցի Գեղամի ընկեր Արտակ Նազարյանը գրավի դիմաց ազատ են արձակվել:

Նրանք, հիշեցնենք, մեղադրվում են նախապատրաստվող ծանր հանցագործության մասին իմանալ-չհայտնելու, առանձնապես ծանր հանցագործությունը պարտակելու համար։

Իսկ գործով մյուս մեղադրյալներ՝ քրեական հեղինակություններ Նորատուսցի Ալիկի, Չարբախցի Գեղամի եւ ընկերոջ՝ Ռուբեն Խաչատրյանի խափանման միջոց կալանքը եւս երկու ամսով երկարաձգվել է:

Նոյեմբերի 13-ին գեղեցկության սրահում կրակոցներ էին հնչել, որի հետեւանքով ստացած հրազենային վնասվածքներից սպանվել էին Երեւանի բնակիչներ, 25-ամյա Գեւորգ Ավետիսյանը եւ Մուշեղ Մուշեղյանը, եւս մեկ անձ՝ Արամ Պետրոսյանը, հրազենային վնասվածք էր ստացել կրծքավանդակի աջ հատվածում: Ավելի վաղ տեղեկացրել էինք, որ գեղեցկության սրահի տարածքում տեղի ունեցած «ռազբորկային» մասնակցել է մի քանի տասնյակ մարդ՝ հիմնականում քրեական հեղինակություն Գեղամի շրջապատից: Նրանց ու սպանված Մուշեղ Մուշեղյանի միջեւ վիճաբանություն է սկսվել, որը վերածվել է լուրջ ընդհարման, ինչի ժամանակ Մուշեղ Մուշեղյանն իր մոտ եղած «Մակարով» տիպի ատրճանակով կրակել է իրեն շատ մոտ գտնվող Գեւորգ Ավետիսյանի գլխին: Մեր տեղեկություններով, դեպքի վայրում գտնվող մասնակիցներից շատերը ցուցմունք են տվել, որ «Մակարով» տիպի ատրճանակն ի սկզբանե տեսել են Մուշեղ Մուշեղյանի մոտ, ըստ այդ ցուցմունքների՝ այդ զենքով է նա սպանել իրեն մոտ գտնվող 25-ամյա երիտասարդին, հետո հենց այդ նույն զենքով էլ սպանվել:

Դեպքից անցել է մի քանի ամիս, սակայն սպանության դրդչության մեջ մեղադրվող, քրեական հեղինակություն Նորատուսցի Ալիկը ոչ միայն հրաժարվում է ցուցմունք տալուց, այլ նաեւ չի ընդունում առաջադրված մեղադրանքը: Մեր զրույցում նրա պաշտպան Մկրտիչ Վասակյանն ասաց, որ իր պաշտպանյալին կալանավորելու առաջին ատյանի դատարանի որոշման դեմ բողոք է ներկայացրել Վերաքննիչ դատարան, սակայն բողոքը մերժվել է: Ի պատասխան մեր հարցին, պաշտպանն ասաց, որ այս ընթացքում Նորատուսցի Ալիկի մասնակցությամբ որեւէ քննչական գործողություն չի կատարվել: Նշենք, որ քրեական հեղինակություն Ալիկը պահվում է «Նուբարաշեն» քրեակատարողական հիմնարկում:

Սպանված 25-ամյա երիտասարդ Գեւորգ Ավետիսյանի մայրը՝ տիկին Նելին, քրեական գործի շրջանակներում ճանաչվել է որպես տուժողի իրավահաջորդ: Վերջինս պատասխանել է սույն գործի վերաբերյալ մեր մի քանի հարցերին:

- Տիկին Նելի, ի՞նչ նորություն ունեք գործի ընթացքից:

- Որեւէ նորություն չունեմ, որովհետեւ, եթե ճիշտն ասեմ, ինձ չի հետաքրքրում, թե իրականում ինչ է տեղի ունեցել: Ես մենակ մի բանի համար եմ ափսոսում, որ հայի ձեռքով հայ սպանվեց, երիտասարդ տղա սպանվեց, ում կյանքը դեռ առջեւում էր: Ընդհանրապես, ոչնչով չեմ հետաքրքրվում:

- Գործի շրջանակներում հարցաքննվե՞լ եք:

- Այո հարցաքննվել եմ, գործով ճանաչվել եմ տուժողի իրավահաջորդ:

- Ըստ շրջանառվող տեղեկությունների՝ ձեր որդուն սպանել է նույն օրը գեղեցկության սրահում սպանված Մուշեղ Մուշեղյանը: Ձեզ իրավապահներն այդ մասով որեւէ տեղեկություն հայտնե՞լ են:

- Ինձ չի հետաքրքրում, ես իրավապահներին ասել եմ, որ ո՛չ բողոք եմ ներկայացնում, ո՛չ էլ հետաքրքրում է՝ ով է սպանել, ու ինչ պատճառ է եղել: Բացարձակապես՝ ես չեմ ցանկանում այս թեմայի շուրջ ո՛չ խորանալ, ո՛չ էլ իմանալ՝ ով ա մեղավոր, ով՝ չէ: Ես խնդրել եմ, որպեսզի ինձ այդ հարցով չանհանգստացնեն, որովհետեւ նման մարդկանց ես չեմ ուզում նույնիսկ ճանաչել:

- Սպանությունից հետո Մուշեղ Մուշեղյանի կամ ձեր հարեւան Չարբախցի Գեղամի հարազատները փորձե՞լ են ձեզ հետ կապ հաստատել, եկե՞լ են ձեր տուն:

- Ոչ, ոչ:

- Չե՞ք խոսել նրանց հարազատների հետ:

- Ոչ:

- Այսինքն՝ ձեր որդու սպանության գործով չե՞ք հետաքրքրվում:

- Ոչ, բացարձակապես չեմ հետաքրքրվում, որովհետեւ դա ինձ ահավոր խորը ցավ է պատճառում:

- Տիկին Նելի, չե՞ք պահանջելու, որպեսզի ձեր որդու սպանության գործով կալանավորած անձինք պատասխանատվության ենթարկվեն:

- Այո, ես բացարձակապես չեմ ցանկանում նման մարդկանց հետ շփվել, ո՛չ բողոք եմ ներկայացնում, ո՛չ էլ: Ինձ չի հետաքրքրում, թե հետագայում նրանց ճակատագիրն ինչ կլինի: Ես մենակ մի բան եմ պահանջում՝ ովքեր մեղավոր են թող պատժվեն, թող Աստծուց գտնեն իրենց դատն ու դատաստանը:

- Նման մարդկանց ասելով՝ նկատի ունեք քրեական հեղինակություննե՞րին:

- Ես չեմ ուզում նույնիսկ շեշտեմ՝ ովքեր են եղել դրանք, որովհետեւ իմ երեխեն իրենց ընդհանրապես չի ճանաչել: Ուղղակի Գեղամին գիտեմ, որպես հարեւան մարդ...: Բայց ովքեր են եղել մնացածները, տեղեկություն չունեմ, չեմ էլ ուզում իմանամ ու ես հաստատ գիտեմ, որ իմ երեխան դրանց հետո ոչ մի կապ չի ունեցել, որպես հարեւան մարդ, երեւի աղմուկ ա լսել, գնացել ա, որ օգնի, ինքը պատրաստ էր բոլորին օգնել: Ես չեմ ուզում, որ ինձ իրավապահները կանչեն, ես չեմ ուզում գնալ, չեմ ուզում իրավապահների հետ կապ ունենալ: Ես ուզում եմ իմ տան մեջ, իմ ընտանիքի հետ խաղաղ ապրեմ, մենք աշխատող մարդիկ ենք, մեր հացը վաստակում ենք, ընդհանրապես չեմ ուզում քաշքշուկների մեջ ընկել:

- Չե՞ք վստահում իրավապահներին:

- Բոլորին էլ վստահում եմ, թող կատարեն իրենց աշխատանքը:

- Տիկին Նելի, ձեզ սպառնացե՞լ են:

- Ոչ, ոչ, ինձ ոչ ոք չի կարող սպառնալ, թող իրենց Աստված պատժի: Ինձ ոչ ոք չի կարող ոչ սպառնալ եւ ոչ էլ վախեցնել:

Հիշեցնենք, որ չարբախցի Գեղամին մեղադրանք է առաջադրվել Մուշեղ Մուշեղյանի սպանության համար՝ ՀՀ քրեական օրենսգրքի 104 հովածի 2-րդ մասի 7-րդ կետով: Նրա ընկերոջը՝ Ռուբեն Խաչատրյանին՝ ՀՀ ՔՕ 38-104-րդ հոդվածի 2-րդ մասի 7-րդ կետով (մի խումբ անձանց կողմից կատարված սպանությանն օժանդակելը), իսկ Նորատուսցի Ալիկին՝ Մուշեղ Մուշեղյանի սպանությունը դրդելու համար՝ ՀՀ քրեական օրենսգրքի 38-104-րդ հոդվածի 2-րդ մասի 7-րդ կետով:

Տպել
18580 դիտում

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով