Շիրակի մարզի դպրոցներում ու բուժհաստատություններում աշխատավարձ չի վճարվել

Շիրակի մարզի դպրոցներում աշխատավարձերն ուշանում են: Կրթօջախներից որոշներում, սակայն վճարելու ելքը գտել են:

Գյումրու համար 7 հիմնական դպրոցից մեզ ասացին, որ չեն ստացել հունվարի համար նախատեսված աշխատավարձը, որը սովորաբար վճարվում է ամենաուշը մինչեւ փետրվարի 10-ը: Համար 2 ավագ դպրոցի տնօրեն Հովհաննես Պետրոսյանը, սակայն հավաստիացրեց, որ իր ղեկավարած դպրոցում աշխատավարձերը վճարվել են եւ մի քանի օր առաջ` փետրվարի 13-ին:

Շիրակի մարզպետարանի կրթության, սպորտի եւ մշակույթի վարչության պետ Հրայր Կարապետյանը մեր հարցին պատասխանելով, հաստատեց, որ մարզի դպրոցներում աշխատավարձերն ուշացվել են: «Ֆինանսավորման խնդիր կար, բայց դա արդեն կարգավորված է: Երեւի երկուշաբթի այդ հարցը վերջնական լուծում կստանա, եւ աշխատավարձերը կվճարվեն»,- ասաց նա:

Ինչ վերաբերում է որոշ դպրոցներում դրանք վճարված լինելուն, վարչության պետը պարզաբանեց, որ աշխատավարձեր վճարել են այն դպրոցները, որոնք ունեցել են մնացորդային գումար, ինչի հաշվին էլ հնարավոր է եղել դա անել:

Իսկ ֆինանսական խնդիրների առաջացման պատճառների մասին հարցերով Հրայր Կարապետյանն առաջարկեց դիմել մարզպետարանի ֆինանսական վարչություն: Սույն վարչության պետ Լիպարիտ Մարտիրոսյանը հայտարարեց, որ աշխատավարձերի ուշացում չի եղել, որովհետեւ վճարման համար օրենքով նախատեսված ժամկետը մինչեւ տվյալ ամսվա 20-ն է:

Նա ասաց, որ ֆինանսավորումն արդեն «նստած» է, եւ այժմ ներքին գործարքներն են կատարվում: Մարտիրոսյանի փոխանցմամբ՝ խնդիրը հատուկ է բոլոր տարիների սկզբին, որովհետեւ անհրաժեշտ է լինում մուտքագրել բոլոր նախահաշիվները, բյուջեները:

Աշխատավարձերը սովորականի պես մինչեւ տվյալ ամսվա տասը չեն վճարվել նաեւ մարզի բուժհաստատություններում եւ պետական այլ կառույցներում:

Մարզպետարանում նույնպե՞ս, հետաքրքրվեցինք: Պարզվեց` մարզպետարանի աշխատակիցների դեպքում նման խնդիր չկա, որովհետեւ այս դեպքում գործում է վճարման այլ համակարգ:

Տպել
1874 դիտում

Այս հաղթանակը քո ձեռքից ոչ ոք չի կարող խլել. Նիկոլ Փաշինյան

Վանաձորը ցնծության մեջ է

Գյումրին ցնծում է.

ՀՀ-ում իշխանափոխության ֆոնին ԱԳՆ-ն կոչ է անում ԵԱՀԿ ՄԽ-ին զսպել Բաքվին առաջանագծում

Ոստիկանությանը հավաքի մասնակիցներին զսպվածության կոչ է անում

Սերժ Սարգսյանը հրաժարական տվեց. պաշտոնական

Ավանդական ջահերով երթն այսօր չի լինելու. «Երկիր Մեդիա»

ԲՀԿ-ն միանում է ՀՀ-ում ծավալված համաժողովրդական շարժմանը. քաղխորհուրդ

Հրամանատարը կոչ էր անում թողնել երթը, եւ վերադառնալ զորամաս

18:30-ին հաղթական հանրահավաք Հանրապետության հրապարակում. Նիկոլ Փաշինյան:

Սոցցանցերում չեն նվազում ատելության քարոզն ու բռնության կոչերը. ՄԻՊ-ը մտահոգված է

Գյումրի. ազատ արձակվեց նաեւ գյումրեցի դասախոս, քայլերթի մասնակից Կարեն Պետրոսյանը

Գյումրեցի Արամին բերման են ենթարկել ցուցապաստառի համար

Կրեմլում գտնում են, որ Հայաստանում զարգացումները ՀՀ-ի ներքին գործն են. Պեսկով

Զինվորները երթից առանձնացան. նրանց տանելու են զորամասեր  

Գյումրի. երթին միացել են բուհերը, դպրոցները, Լենտեքսը, Տրիկոտաժի ֆաբրիկան

ՀՐԱՏԱՊ. Քիչ առաջ ազատ արձակվեցին Նիկոլ Փաշինյանը, Սասուն Միքայելյանը եւ Արարատ Միրզոյանը

Արցախի ՊԲ-ն հակառակորդի ուժերի կուտակումների նոր տեսագրություն է հարապարակել

Աջակցեք ցույցերին, կանխեք բռնությունը․ հրատապ դիմում բոլոր սփյուռքահայերին եւ ընկերներին

Ցանկացած հայի կյանքը ինձ համար ամեն ինչից թանկ է. Հենրիխ Մխիթարյան