Հանրապետական խմբակցությունից 16 պատգամավոր հաջորդ ԱԺ-ում չի լինի. ցանկ

17/02/2017 schedule17:57

Հայաստանի 5-րդ գումարման Ազգային ժողովում ներկայացված քաղաքական ուժերից միայն Հանրապետական կուսակցությունն է առայժմ հրապարակել ապրիլյան ընտրություններին մասնակցող անձանց համամասնական ցուցակը, որը բաղկացած է 197 թեկնածուից: Armtimes.com-ն արդեն ներկայացրել է այդ ցուցակը, սակայն ստորեւ կներկայացնենք ԱԺ-ի «Հանրապետական» խմբակցության այն պատգամավորներին, որոնք ներգրավված չեն ՀՀԿ-ի համամասնական ցուցակում: Հետեւաբար՝ նրանք չեն կարող հաջորդ խորհրդարանում տեղ ունենալ:

Վստահ կարող ենք ասել, որ ՀՀԿ-ն այս անգամ ԱԺ չի կարող տանել հետեւյալ անձանց՝ Լեռնիկ Ալեքսանյան, Աշոտ Աղաբաբյան, Հայկ Գրիգորյան, Վազգեն Կարախանյան, Արմեն Կարապետյան, Համլետ Հարությունյան, Ռուբեն Հովսեփյան, Մարինե Մարաբյան, Վրեժ Մարկոսյան, Սպարտակ Մելիքյան, Արմեն Մխիթարյան, Գարեգին Նուշիկյան, Ռուբեն Սադոյան, Կարեն Սարիբեկյան, Մհեր Սեդրակյան, Արթուր Ստեփանյան: Ընդհանուր առմամբ՝ 16 պատգամավոր:

Այս անձանցից Աշոտ Աղաբաբյանը հայտնի է Երեւան քաղաքի «Հրազդան» մարզադաշտի սնանկության գործով: Աղաբաբյանների ընտանիքն իրենց պատկանող այս բիզնեսը կամաց-կամաց կորցնում է, քանի որ ԲՀԿ նախագահ Գագիկ Ծառուկյանը «Առինջ մոլ» անունը կրող առեւտրի կենտրոնի բացումով Հրազդան տոնավաճառի աշխատակիցներին հրավիրեց եւ տարավ իր մոտ: Այս գործընթացում Աղաբաբյանը ոչ պաշտոնապես, բայց փաստացի սառեցրեց հարաբերությունները ՀՀԿ-ի հետ:

Հայկ Գրիգորյանը ոչնչով աչքի չընկած պատգամավոր է: Նա հանրությանն առավել հայտնի է որպես Սյունիքի նախկին մարզպետ Սուրիկ Խաչատրյանի պատգամավորը ՀՀ ԱԺ-ում:

Ռուբեն Հովսեփյանն էլ հայտնի է իր եղբորով՝ ՀՀ Քննչական կոմիտեի նախագահ Աղվան Հովսեփյանով: Ռուբեն Հովսեփյանը պատգամավոր ընտրվեց այն ժամանակ, երբ երկրի գլխավոր դատախազն Աղվան Հովսեփյանն էր:

Մարինե Մարաբյանի մասին, եթե քչերն են լսել, ապա այդ սակավաթիվ մարդկանցից առավել քչերն են տեսել նրան: Մարինե Մարաբյանն առավել հայտնի է որպես «Գրանդ քենդի» ընկերության սեփականատեր Վարդանյան եղբայրների պատգամավորը ՀՀ Ազգային ժողովում:

Գարեգին Նուշիկյանն անկուսակցական, գործարար պատգամավոր է, նա «Նուշիկյան ասոցիացիա»-ի հիմնադիրն է: Գարեգին Նուշիկյանն առաջին եւ վերջին անգամ պատգամավոր է եղել 5-րդ գումարման Ազգային ժողովում:

Հաջորդ խորհրդարանում չընդգրկվողներից ամենաուշագրավը Մհեր Սեդրակյանն է: Վերջինս միշտ համարվել է ՀՀԿ-ի հենարանը Երեւանի Էրեբունի վարչական շրջանում, սակայն 5-րդ գումարման ԱԺ-ի աշխատանքների վերջին 5 ամիսներին գրեթե չի մասնակցել: Մամուլի հրապարակումների համաձայն՝ նա նեղացած է ՀՀԿ-ից, քանի որ որոշ ժամանակ առաջ իրավապահներն իր տանը խուզարկություն են կատարել:

Գործող մյուս պատգամավորները ՀՀԿ-ի հնաբնակներից են, որոնք ո՛չ օրենսդրական, եւ ո՛չ էլ հասարակական կամ քաղաքական գործունեությամբ աչքի չեն ընկել: Նրանցից ոմանք նույնիսկ ԱԺ-ում ելույթ կամ հարց չեն տվել:

Տպել
14216 դիտում

Մանվել Գրիգորյանի որդին հրաժարական տվեց Էջմիածնի քաղաքապետի պաշտոնից

ԱԱ 2018-ի ֆավորիտներից Բրազիլիայի ֆուտբոլի հավաքականն էլ չհաղթեց

Քրիստոսն իրավունք ուներ խմելու, ես՝ չէ՞.վիճաբանել են Շիրակի թեմի քահանաներն ու ժողովուրդը

ԱԱԾ-ն հրապարակել է սենսացիոն կադրեր՝ Էջմիածնի աղմկոտ խուզարկություններից (տեսանյութ)

ԱԺ նախագահ Արա Բաբլոյանը տեսակցել է գեներալ Մանվել Գրիգորյանին

Աշխարհի գործող չեմպիոն Գերմանիան պարտվեց ֆուտբոլի ԱԱ 2018-ի իր 1-ին խաղում

Դատարանը որոշեց փաստաբանների բողոքը մերժել. Մանվել Գրիգորյանը մնալու է անազատության մեջ

Որևէ տնօրեն պարտավորություն չունի դպրոցում ունենալ ՀՀ ղեկավարի նկարը. ԿԳ նախարար

Հայաստանում կոռուպցիա չկա, կան մնացորդային դրսեւորումներ, որի դեմ պայքարում են. վարչապետ

Սեփական ընկալումները պետությունից վեր դասելը ոչ մի լավ տեղ չի տանում. Աշոտյանը՝ վարչապետին

Արարատում 27-ամյա քաղաքացին տրակտորի կցորդի վրայից ընկել է, հիվանդանոցում մահացել

Իգոր Մուրադյանի հուղարկավորության համար ստեղծվելու է կառավարական հանձնաժողով. Ա. Միրզոյան

Կասեցվել է «Շիրակ» ՖԱ-ի անդամությունը ՀՀ ֆուտբոլի ֆեդերացիային. վարկաբեկում են ՀՖՖ-ն

Յուրացնելով դպրոցականների ուղարկած սնունդը, Մ. Գրիգորյանը կերակրել է իր արջերին. վարչապետ

Նախորդ շաբաթ անընդհատ սահմանին հակառակորդի կենդանի ուժի ու զինտեխնիկայի շարժ է եղել

ԱԻՆ-ը շարունակում է 14-ամյա կորած տղայի որոնողական աշխատանքները, դեռ նոր տեղեկություն չկա

Անտառահատումներ Եղեգնուտի անտառտնտեսությունում. կառուցել են ապօրինի ճանապարհ ու տեղափոխել

Նիկոլ Փաշինյանի և Բակո Սահակյանի գլխավորությամբ ՊԲ շտաբում տեղի է ունեցել խորհրդակցություն

Կես ժամից Մանվել Գրիգորյանի խափանման միջոցի հարցով դատական նիստն է. նրան կկալանավորե՞ն

Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի