Երևան
33 °C
ՀՀ կառավարությունը պատրաստվում է սահմանամերձ համայնքներում դպրոցների եւ մանկապարտեզների դիմաց կառուցել պատնեշներ, ինչպես նաեւ թաքստոցներ` հակառակորդի հրետակոծությունից պատսպարվելու համար: Նպատակ կա նաեւ սահմանամերձ համայնքներում իրադրությունը սրվելու դեպքում բնակիչներին տրամադրել զենք, որպեսզի նրանք իրականացնեն պահակային ծառայություն:
Այս մասին տեղեկանում ենք ՀՀ վարչապետի փետրվարի 13-ի համապատասխան որոշումից: Ըստ այդմ, սահմանամերձ համայնքներում համակարգման ենթակա հարցերի լուծման նպատակով ստեղծվել է միջգերատեսչական հանձնաժողով: Հանձնաժողովի նախագահն է ՀՀ պաշտպանության նախարար Վիգեն Սարգսյանը, որին հանձնարարվել է եռամսյա ժամկետում ներկայացնել առաջարկություններ:
Վարչապետի որոշման մեջ նաեւ առաջարկներ են ակնկալվում սահմանամերձ համայնքներում դեպի գյուղատնտեսական նշանակության հողատարածքներ տանող ճանապարհների բարեկարգման ու ներդրումային ծրագրերի նախատեսման հարցերի վերաբերյալ:
Կառավարության գործուն ուշադրության կենտրոնում հայտնված վերոնշյալ ուղղություններից առաջինները զգաստանալ են պարտադրում` հուշելով հնարավոր պատերազմի մասին, բայց ճանապարհների բարեկարգման ու ներդրումների վերաբերյալ ձեւակերպումները կարծես խաղաղության սպասման կամ հավանականության մասին են խոսում:
Այդուհանդերձ, վերջին օրերին ակտիվացել են Արցախում պատերազմի հնարավոր վերսկսման մասին խոսակցությունները: Ուստի, պաշտպանության նախարարի խոսնակ Արծրուն Հովհաննիսյանից խնդրեցինք մեկնաբանել վարչապետի նշված որոշումը:
- Պարոն Հովհաննիսյան, սա պատերազմի նախապատրաստությո՞ւն պետք է դիտարկել:
- Նայած` ինչ եք հասկանում` պատերազմի նախապատրաստություն ասելով: Եթե հենց այս պահին ուղղակի նախապատրաստության մասին է խոսքը, իհարկե` ոչ: Եթե դիտարկում ենք ընդհանուր` պետությունը պատերազմին նախապատրաստվելու պլանային քայլերի կոնտեքստում, որն ամենօրյա աշխատանք է, իհարկե, այո:
- Այս պահին պատերազմի վերսկսման լուրջ վտանգ մեր պետությունը տեսնո՞ւմ է:
- Դրա համար եմ ասում, այս պահին պետք չէ դրա մասին առարկայական խոսել: Այսինքն` չստացվի այնպես, որ հիմա, եթե մենք սկսում ենք այդ պատնեշները կամ թաքստոցները կառուցել, միջգերատեսչական հանձնաժողով ենք ձեւավորել, ուրեմն հենց վաղը սպասում ենք պատերազմի: Չէ, դրա մասին չէ խոսքը:
- Ուղղակի չբացառելո՞ւ:
- Պրակտիկան ցույց է տվել, որ իրենք, ի վերջո, կրակում են ուսումնական հաստատությունների ուղղությամբ: Ունենք դեպքեր, որ կրակել են դպրոցների վրա: Պարզ է, որ այդ ամեն ինչը պիտի փորձենք լուծել: Այս ամենն անվտանգության ապահովման պլանային գործընթացների շրջանակներում է:
Պատժախցում մշտապես առկա է գարշահոտություն. Գեւորգ Սաֆարյանի հայտարարությունը
Հունական և թուրքական հանգստավայրերում 5 բալ ուժգնությամբ նոր երկրաշարժ է եղել
Հայաստանի հեծանվորդներն ավարտել են մրցելույթները Պորտուգալիայում
Պաշտոնավարումից մեկ ամիս անց վստահությունը Մակրոնի նկատմամբ 10% անկում է գրանցել
Գերմանիան մերժել է Ադրբեջանից փախած լրագրողի`քաղաքական ապաստան ստանալու դիմումը
Օրվա կադրը. Վարդավառը՝ Արցախի դիրքերում
Հրդեհ՝ Հովնաթանի փողոցում
Ֆրանսիայում գինու արտադրությունը ռեկորդային անկում կգրանցի
«Աստղիկ» ԲԿ-ում մահացել է ԵՊՀ-ի իրավաբանական ֆակուլտետի 1-ին կուրսի 17-ամյա ուսանողուհին
«Երեւանյան ամառ 2017». ջրցան մեքենաների շքերթ՝ նվիրված Վարդավառի տոնին
Ռուսաստանն ԱՄՆ-ի ամենավտանգավոր հակառակորդն է. ամերիկացի գեներալ
Հայ ըմբիշները երկու բրոնզե մեդալ են նվաճել Սուրդլիմպիկ խաղերում
Այսօր Վարդավառ է
«ՀՀ-ում անբարոյական են համարում մարմնավաճառությունը, սակայն մարմնավաճառների մոտ հերթեր են»
Խնդիրն ինձ մոտ կլինի 1 ժամից, հանդիպելու եմ Ադրբեջանի նախագահին. Պուտին
Եգիպտոսում դատարանը 28 մարդու մահվան դատավճիռ է կայացրել գլխավոր դատախազի սպանության համար
Վարդավառի տոնին նվիրված միջոցառումների մեկնարկը տրվել է երթով (լուսանկարներ)
Հետախուզվողը բերման է ենթարկվել
Իրանում խոշոր հրդեհի հետևանքով 25 նավ է այրվել (ՏԵՍԱՆՅՈՒԹ)
Ալիևն ու Պուտինը քննարկել են Ղարաբաղյան կարգավորման հարցը. Ադրբեջանի նախագահական
