Արման Սահակյանի թիմակիցները փորձել են հաշվեհարդար տեսնել Վահան Կարապետյանի հետ. ԲՀԿ

«Բարգավաճ Հայաստան» կուսակցությունը հաստատում է մամուլում տարածված տեղեկությունները, որ Պետական գույքի կառավարման վարչության պետ, պատգամավորի ՀՀԿ-ական թեկնածու Արման Սահակյանի թիմակիցները երեկ երեկոյան ծեծի են ենթարկել ԲՀԿ-ական Վահան Կարապետյանին:

«Երեկ երեկոյան Աջափնյակ համայնքում ՀՀԿ թեկնածու Արման Սահակյանի թիմակիցները դարանակալել և փորձել են հաշվեհարդար տեսնել ԲՀԿ խմբակցության պատգամավոր Վահան Կարապետյանի հետ՝ մատուցելով արջի հերթական ծառայությունը: Մենք, իհարկե, հասկանում ենք, որ Արման Սահակյանը և նրա թիմը այլևս հասկացել է, որ ո՛չ իրեն տրամադրված անսահման վարչական ռեսուրսը, ո՛չ անսահման փողը, որով Արման Սահակյանը ողողել է ողջ Աջափնյակ համայնքը, անհրաժեշտ արդյունք չեն տալիս, ուստի կանխազգալով ապագա պարտությունը՝ ՀՀԿ թեկնածուն դիմել է իրեն հոգեհարազատ վերջին ռեսուրսին՝ թաղի խուժանին և թմրամոլներին:
Հաշվի առնելով ընտրական փուլը՝ «Ծառուկյան» դաշինքը չի տրվելու որևէ սադրանքի, բայց ապրիլին 2-ին հաջորդելու է ապրիլի 3-ը և բոլոր մեղավորները՝ փոքր տրամաչափի խուժանից մինչև այս միջադեպի կազմակերպիչը, ստանալու են իրենց արժանի պատասխանը:
Տեղեկացնեմ նաև, որ Վահան Կարապետյանը տրամադրված է մարտական և վճռական և նույն ոգևորությամբ թե՛Վահանը եւ թե՛ մեր ողջ թիմը շարունակելու է քարոզարշավը՝ մեր երկրում լրջագույն փոփոխություններ իրականացնելու համար»,- քիչ առաջ իր ֆեյսբուքյան էջում գրել է ԲՀԿ մամուլի խոսնակ Վանիկ Էլիզբարյանը:

Նշենք, որ ոչ Վահան Կարապետյանի, ոչ էլ Արման Սահակյանի հետ խոսել չի հաջողվում: «Արմենիա» ԲԿ-ից էլ պնդում են, որ իրենց մոտ Վահան Կարապետյան անուն-ազգանունով մարդ չի տեղափոխվել:

Ըստ որոշ տեղեկությունների՝ վիճաբանության, իսկ ապա նաեւ քաշքշոցի պատճառը Վահան Կարապետյանի նախկին թիմակիցներից մեկն է, որն այս ընտրություններում ներգրավված է Արման Սահակյանի թիմում: Նա փորձում է Վահան Կարապետյանի այլ թիմակիցների եւս տանել Սահակյանի թիմ, ինչը դուր չի եկել Կարապետյանին:

ՀՀ գլխավոր դատախազ Արթուր Դավթյանը հանձնարարել է ՀՀ ոստիկանությանը ԲՀԿ խմբակցության պատգամավոր Վահան Կարապետյանի հետ տեղի ունեցած միջադեպի վերաբերյալ տեղեկությունների իսկությունը պարզելու նպատակով իրականացնել ստուգողական գործողություններ:

Հիշեցնենք, որ «Ժամանակ» թերթը գրել էր, որ Երեկ ուշ գիշերին դաժան ծեծի է ենթարկվել թիվ 2 ընտրատարածքում «Ծառուկյան» դաշինքի կողմից ռեյտինգային ընտրակարգով առաջադրված Վահան Կարապետյանը (Չերիի Վահանը):

«Նույն ընտրատարածքում ռեյտինգային ընտրակարգով առաջադրված Պետական գնումների գործակալության պետ Արման Սահակյանի գլխավորած բանդան՝ Ֆազի եւ Գարիկի գլխավորությամբ, Վահան Կարապետյանի հետ ծեծի են ենթարկել մի քանի հոգու եւս՝ ջարդելով նաեւ մի քանի ավտոմեքենա»,- գրել է թերթը՝ հավելելով, որ Վահան Կարապետյանը գտնվում է «Արմենիա» բժշկական կենտրոնի վերակենդանացման բաժանմունքում։

Տպել
3904 դիտում

Թաղային հեղինակություն ասելով նկատի ունեմ թաղում հեղինակություն ունեցող մարդ. Արայիկ Աղաբաբյան

ՀՅԴ համամասնական ցուցակի առաջին եռյակը հաստատվել է

Արցախում Սարսանգից մինչեւ Մարտակերտ նոր ջրանցք է կառուցվելու․ կներդրվի շուրջ 100 մլն ԱՄՆ դոլար

«Քաղաքացու որոշում» կուսակցությունը մասնակցելու է արտահերթ խորհրդարանական ընտրություններին

Խոշոր չափի յուրացում «Նուբարաշեն» հոգեբուժարանում․ ՄԻՊ-ի արձագանքից հետո քրգործ է հարուցվել

Տնտեսագետ Բաբկեն Թունյանն «Իմ քայլը» դաշինքի ցուցակով մասնակցելու է ԱԺ ընտրություններին

Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»