«Ոչ թե Շմայս, այլ Առաքել Մովսիսյան». Առաքել Մովսիսյանը՝ ընտրողներին (տեսանյութ)

Արմավիրի մարզի Թաիրով համայնքի միջնակարգ դպրոցում այսօր ընտրողների հետ պետք է հանդիպեր ԱԺ պատգամավորի թեկնածու Առաքել Մովսիսյանը, որը ՀՀԿ-ի ռեյտինգային ցուցակով առաջադրվել է թիվ 6 ընտրատարածքում: Մինչ Մովսիսյանի ժամանելը, դպրոցի աշակերտների ծնողները հրավիրվել էին ինչ-որ ժողովի, որն ավարտվեց ճիշտ այն պահին, երբ դահլիճ մտավ Առաքել Մովսիսյանը:

Դահլիճում ներկա անձանց ճնշող մեծամասնությունը կանայք էին, որոնց առջեւ իր խոսքն այսպես սկսեց պատգամավորի թեկնածուն. «Ո՞նց եք, ոնց որ տրամադրություններդ լավ չի՞: Լավ, շնորհակալ եմ, որ հավաքվաք դահլիճում, որ մենք իրար հետ նորից շփվենք, խոսանք մի քանի բան: Ուզում եմ ձեզ լսեմ, անմիջապես, անմիջական խոսանք: Բոլոր հարցերին պատրաստ եմ պատասխանելու, դուք գիտեք, որ ես պարզ երեսով ձեզ կարում եմ նայեմ, որովհետեւ ինչ խնդիր ունեցել եք, դիմել եք կամ ես նկատել եմ, օգտակար եմ եղել իմ հնարավորության սահմաններում»:

Խոսելով նախորդ ընտրությունների մասին՝ Առաքել Մովսիսյանը հիշեցրեց, որ ինքը համամասնական ընտրակարգով է պատգամավոր ընտրվել, սակայն օգնել է Սեյրան Սարոյանին, որը մեծամասնական ընտրակարգով էր մասնակցում ընտրություններին: «Հիմա ամեն մեկս ռեյտինգային ենք գնացել: Հիմա արդեն իմ խնդիրն է անձամբ, որ մեր տարածքում էն վախտ իրան (Սեյրան Սարոյանին) եմ օգնել, հիմա էլի ՀՀԿ ա, բայց հիմա արդեն իմ խնդիրն ա, իմ տարածաշրջանում, որ էսքան տարիներ ես եմ նայել… հիմա եկել ա էն ժամանակը, որ պտի արդեն ոչ թե Շմայս, այլ՝ Առաքել Մովսիսյան, որ չշփոթեք: Շմայսը գյուղացիների համար, ընտրությունների համար՝ Առաքել Մովսիսյան»,- ասաց պատգամավորի թեկնածուն՝ ակնկալելով, որ հավաքվածները, իր խոսքով, թասիբով կկանգնեն իր կողքին:

Ներկաներից մեկը, որը նախապես մեզ մոտեցել եւ հարցրել էր, թե արդյո՞ք լրագրողի հետ է խոսում, վեր կացավ եւ դիմեց հավաքվածներին. «Այն, որ մեր լավ ու վատ օրերին միշտ մեզ հետ է Առաքել Մովսիսյանը, բոլորս էլ շատ լավ գիտենք: Լրագրող կա այստեղ ես շատ ուրախ եմ դրա համար, մեկ նախադասություն ընդամենը կասեմ՝ շատ կուզենամ, որ պատգամավորների գոնե մեկ տոկոսն իր կատարած գործերով եւ մարդ տեսակով նմանվի Առաքել Մովսիսյանին՝ Շմայսին, մեր ձայնը Առաքել Մովսիսյանին»:

Առաքել Մովսիսյանն անակնկալի եկավ, երբ տեղեկացավ դահլիճում ներկա լրագրողի մասին: «Դուք ո՞ր լրատվությունից եք»,- հարցրեց նա եւ տեղեկանալով, որ «Հայկական Ժամանակ»-ն ենք ներկայացնում, կրկին հարցրեց. «Բա որ գալիս եք, ինչի՞ ինձ տեղյակ չեք պահում, որ դուք իմ ժողովներին մասնակցում եք: Բայց ես չիմանա՞մ, գոնե իմանամ լրատվություն կա, կարողա լրտես լինի, կամ ինչ-որ մի բան»:

Պատգամավորի թեկնածուին պարզաբանեցինք, որ հանրակրթական դպրոցի տնօրենը տեղյակ է մեր այցելության մասին: «Լավ եղավ, որ իմանանք՝ լավ կլինի: Չեք խանգարում, ասեմ՝ իմանաք, չեք խանգարում»,- ասաց Առաքել Մովսիսյանը եւ կրկին դիմեց հավաքվածներին, թե հարց տվեք, հա հարց տվեք:

Ներկաներից մեկը իրենց փողոցի ասֆալտապատման հարցը բարձրացրեց՝ հիշեցնելով, որ նախորդ անգամ նույնպես այդ հարցով է դիմել, սակայն ուղարկված ասֆալտը այլ բակում է օգտագործվել, իսկ իրենց փողոցը շարունակում է անմխիթար մնալ: «Քանի որ մենք հիմա ընտրությունների մեջ ենք, ոչ մի բան չեմ խոստանում: Ինչ էլ որ պետական ծրագրերի մեջ մտնելու է, էն ժամանակ արդեն ծրագրերի, օրենքի տառին համապատասխան կշարժվենք: Բավարարվա՞ծ եք: Դուք էլ եք բավարարվա՞ծ (մեզ նկատի ունենալով)»,- հարցրեց նա:

Առաքել Մովսիսյանի խոսքով՝ ցանկացած խոստում այս փուլում դիտվում է որպես ընտրախախտում: Ի դեպ, մեր ներկայությունը, կարելի էր կարծել, խոչընդոտ հանդիսացավ Առաքել Մովսիսյանի քարոզչության համար, նրա հանդիպումը տեւեց մոտ 10 րոպե, իսկ ամեն միտք արտահայտելուց հետո նա նայում էր տեսախցիկին:

Առավել մանրամասն՝ տեսանյութում:

Տպել
27265 դիտում

Սեպտեմբերի 23-ին, ժամը 11-ի դրությամբ, ոստիկանությունում ստացվել է 10 ահազանգ

Քվեարկած թերթիկը լուսանկարելն ու տարածելն արգելված է օրենքով. ՄԻՊ-ն իրազեկում է

Ժամը 11-ի դրությամբ ընտրությանը մասնակցել է մոտ 80 հազար քաղաքացի՝ նախորդ տարվա համեմատ 15 հազարով քիչ

Ալիևը քննադատել է Երեւանի ավագանու ընտրություններին դրական գնահատականը բուն ընտրություններից մեկ օր շուտ

«Վիվառո»-ի սահմանած հատուկ խաղադրույքները Երեւանի ավագանու ընտրություններին (լուսանկարներ)

Քարոզչության փորձ, դիտորդի աշխատանքի խոչընդոտում եւ սպառնալիք. խախտումերը 11:15-ի դրությամբ

Տեղամասում պարբերաբար կուտակումներ են ձեւավորվում խմբերով գալու արդյունքում

Կա մի քանի քրեական գործ ընտրակաշառքի մասով. Վալերի Օսիպյան

Նիկոլ Փաշինյանը կոչ արեց մասնակցել ավագանու ընտրություններին (տեսանյութ)

Զոհրաբ Մնացականյանը վարչապետ Նիկոլ Փաշինյանի գլխավորած պատվիրակության կազմում կայցելի Նյու Յորք

ԱԱԾ տնօրեն Արթուր Վանեցյանը եւս քվեարկեց Երեւանի ավագանու արտահերթ ընտրություններին

Չարաշահել է իր պաշտոնեական դիրքը. Բաքուն ջղաձիգ է արձագանքել Խաչատուրովի հայտարարությանը

Իոաննիսյանի դեմ վարչական վարույթ է նախապատրաստվում, կդիմենք դատարան. Նաիրա Զոհրաբյանը քվեարկեց ու պարզաբանեց

Ընտրողների ուղղորդում Շենգավիթում եւ Աջափնյակում. դիտորդների բացահայտած խախտումները

Պաշտպանի աշխատակազմը վաղ առավոտից իրականացնում է Երևանի ավագանու ընտրությունների անկախ դիտարկում

Օրվա կադրը. դժվարությամբ տեղաշարժվելով, դանդաղ քայլերով, բայց գալիս է ընտրության

Երևանի ավագանու ընտրություններում 9:30-ի դրությամբ գրանցվել է 97 խախտում, 3 միջադեպ

Ադրբեջանցիները մեծ քանակությամբ հայկական էլեկտրոնային փոստի հասցեներ են կոտրել. ցանկ

Վարչապետն ԱՄՆ-ում կհանդիպի տարբեր երկրների գործընկերների, ՄԱԿ-ի գլխավոր քարտուղարի, հայ համայնքի հետ

Թիվ 8/16 ընտրատեղամասում վարչապետը քվեարկել է ու մեկնում է Նյու-Յորք