Արգամ Աբրահամյանն անտերությա՞ն է մատնել իր թիկնապահին. Գեղամ Հակոբյանը կալանավորվել է

Արտաշատում գործող «Ամորե» գիշերային ակումբի տնօրեն Գեղամ Հակոբյանը, որը ՀՀ նախկին վարչապետ Հովիկ Աբրահամյանի որդու՝ «Ծառուկյան» դաշինքի պատգամավորի թեկնածու Արգամ Աբրահամյանի թիկնապահներից է, կալանավորվել է: Այդ մասին այսօր մեզ հետ զրույցում հայտնեց նրա եղբայրը՝ Ալբերտ Հակոբյանը:

Գեղամ Հակոբյանը նախորդ շաբաթ ձերբակալվել էր ՀԿԳ քննության գլխավոր վարչության վարույթում քննվող քրեական գործի շրջանակներում՝ ապօրինի ձեռնարկատիրություն իրականացնելու մեղադրանքով:

Պաշտոնապես բացատրվում էր, որ Արգամ Աբրահամյանի թիմակիցը 2016 թ. մարտի 6-ից մինչեւ 2017թ. հունվարի 16-ը ներառյալ, Արարատի մարզի Արտաշատ քաղաքի Մյասնիկյան փողոցի 137ա հասցեում վարձակալված տարածքն օգտագործվել է որպես ամենօրյա գիշերային ակումբ՝ առանց պետական գրանցման եւ առանց ՊԵԿ-ում հաշվառվելու եւ զբաղվել հեստապար ունեցող հանրային սննդի կազմակերպմամբ, որտեղ առանց որեւէ գրավոր աշխատանքային պայմանագրի ներգրավվել են մոտ մեկ տասնյակ աշխատակիցներ։

Այս ձերբակալությունը հետաքրքիր էր նրանով, որ տարիներ շարունակ նման գործունեություն ծավալած անձը իրավապահների ուշադրության կենտրոնում է հայտնվել միայն այն բանից հետո, երբ Հովիկ Աբրահամյանը լքեց վարչապետի պաշտոնը, իսկ նրա որդին ընտրություններում առաջադրվեց «Ծառուկյան» դաշինքի ցուցակով:

Գեղամ Հակոբյանի եղբայրը մեր նախորդ զրույցում ասել էր, որ իր կարծիքով եղբոր ձերբակալությունը կապված է Արգամ Աբրահամյանին աջակցելու հետ: «...Եղբայրս Աբրահամյանի հետ «պտտվում» ա, հիմնականում էս ընտրարշավների ժամանակ եղբայրս ա իր կողակիցը...Ինձ թվում է՝ էս ընտրությունների հետ կապված բան է, ինքը որ «Բարգավաճ» է, նրանք «Հանրապետական» են եւ այլն: Եթե ինչ-որ խնդիր կար՝ մինչեւ այս կարող էր լինել, ոչ թե էս ընտրությունների արանքում: Իրականում այդ գիշերային ակումբն իրենը չի, ուղղակի վարձակալել, աշխատացրել է»,- ասել էր Ալբերտը՝ հավելելով, որ իր իմանալով  Աբրահամյանները զբաղվում են եղբոր հարցով:

Այսօր հետաքրքրվեցինք, թե արդյո՞ք Արգամ Աբրահամյանը որեւէ բան չի արել. «Ոչ ոք ոչ մի բան չի ասում...Իրենցից (Արգամ Աբրահամյանից-խմբ.) էլ բան չենք կարողանում իմանանք: Իրենց տղերքի հետ ենք կապվել, տղերքն էլ ոչ մի բան չգիտեն: Ոչնչից տեղյակ չենք»,- ասաց նա եւ հավելեց, թե չի կարծում եղբորը մոռացության են մատնել. «Երեւի ընտրություններից հետո պարզ կլինի՝ ինչ կլինի, ինձ տենց ա թվում»,- վստահեցրեց նա:

Մեր հարցին ի պատասխան Ալբերտը նշեց, որ եղբոր վարձակալած ակումբը ներկա դրությամբ փակ է: Հնարավո՞ր է այն պատկանում է Արգամ Աբրահամյանին. մեր այս հարցին Ալբերտը բացասական պատասխան տվեց՝ ընդգծելով, որ այն լրիվ ուրիշ մարդու է պատկանում:

Հիշեցնենք, որ մինչ այս բերման են ենթարկվել Արգամ Աբրահամյանի այլ կողմնակիցներ, այդ թվում ԲՀԿ-ական ակտիվիստ Գարսեւան Վարդանյանը, Արգամ Աբրահամյանի կողմնակիցներից Գեղամ Ավագյանը:

Տպել
11938 դիտում

Մանվել Գրիգորյանի որդին հրաժարական տվեց Էջմիածնի քաղաքապետի պաշտոնից

ԱԱ 2018-ի ֆավորիտներից Բրազիլիայի ֆուտբոլի հավաքականն էլ չհաղթեց

Քրիստոսն իրավունք ուներ խմելու, ես՝ չէ՞.վիճաբանել են Շիրակի թեմի քահանաներն ու ժողովուրդը

ԱԱԾ-ն հրապարակել է սենսացիոն կադրեր՝ Էջմիածնի աղմկոտ խուզարկություններից (տեսանյութ)

ԱԺ նախագահ Արա Բաբլոյանը տեսակցել է գեներալ Մանվել Գրիգորյանին

Աշխարհի գործող չեմպիոն Գերմանիան պարտվեց ֆուտբոլի ԱԱ 2018-ի իր 1-ին խաղում

Դատարանը որոշեց փաստաբանների բողոքը մերժել. Մանվել Գրիգորյանը մնալու է անազատության մեջ

Որևէ տնօրեն պարտավորություն չունի դպրոցում ունենալ ՀՀ ղեկավարի նկարը. ԿԳ նախարար

Հայաստանում կոռուպցիա չկա, կան մնացորդային դրսեւորումներ, որի դեմ պայքարում են. վարչապետ

Սեփական ընկալումները պետությունից վեր դասելը ոչ մի լավ տեղ չի տանում. Աշոտյանը՝ վարչապետին

Արարատում 27-ամյա քաղաքացին տրակտորի կցորդի վրայից ընկել է, հիվանդանոցում մահացել

Իգոր Մուրադյանի հուղարկավորության համար ստեղծվելու է կառավարական հանձնաժողով. Ա. Միրզոյան

Կասեցվել է «Շիրակ» ՖԱ-ի անդամությունը ՀՀ ֆուտբոլի ֆեդերացիային. վարկաբեկում են ՀՖՖ-ն

Յուրացնելով դպրոցականների ուղարկած սնունդը, Մ. Գրիգորյանը կերակրել է իր արջերին. վարչապետ

Նախորդ շաբաթ անընդհատ սահմանին հակառակորդի կենդանի ուժի ու զինտեխնիկայի շարժ է եղել

ԱԻՆ-ը շարունակում է 14-ամյա կորած տղայի որոնողական աշխատանքները, դեռ նոր տեղեկություն չկա

Անտառահատումներ Եղեգնուտի անտառտնտեսությունում. կառուցել են ապօրինի ճանապարհ ու տեղափոխել

Նիկոլ Փաշինյանի և Բակո Սահակյանի գլխավորությամբ ՊԲ շտաբում տեղի է ունեցել խորհրդակցություն

Կես ժամից Մանվել Գրիգորյանի խափանման միջոցի հարցով դատական նիստն է. նրան կկալանավորե՞ն

Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի