Երևան
12 °C
Ռուսաստանի Պետական դումայի իրավական հարցերով հանձնաժողովը երկարատեւ քննարկումներից հետո երեկ դրական եզրակացություն է տվել օրինագծին, որով առաջարկվում է «Արմատների իրավունքի» հիման վրա Ռուսաստանի քաղաքացիություն տրամադրել ռուսաց լեզվի կրողներին, ովքեր ծնվել են Ռուսական կայսրության եւ նախկին ԽՍՀՄ-ի տարածքում եւ նրանց հետնորդներին ու ազգականներին։ Ավելի վաղ օրինագիծը հավանության էր արժանացել Պետական դումայի ազգությունների հարցերով հանձնաժողովում։ Այդպիսով, խորհրդարանի ԱՊՀ գործերով, եվրասիական ինտերֆրացիայի եւ հայրենակիցների հետ կապերի հարցերով հանձնաժողովի փոխնախագահ Կոնստանտին Զատուլինի եւ Ղրիմի նախկին դատախազ Նատալյա Պոկլոնսկայայի ներկայացրած օրինագիծը անցել է նախատեսված բոլոր ընթացակարգերը եւ առաջիկա մի քանի օրերին ներկայացվելու է Պետական դումայի լիագումար նիստում դրվելու է քվեարկության եւ գրեթե կասկած չկա, որ կընդունվի։
«Ռուսաստանի Դաշնության քաղաքացիության մասին» եւ «Ռուսաստանի դաշնության տարածքում օտարերկրյա քաղաքացիների կացության մասին» օրենքներում կատարված փոփոխությունների էական առանձնահատկություններից է այն, որ եթե գործող օրենքի համաձայն՝ Ռուսաստանի քաղաքացիություն ստանալու համար դիմում ներկայացնող օտարերկրացին պետք է հրաժարվեր իր բնակության երկրի քաղաքացիությունից եւ դա հավաստող համապատասխան փաստաթուղթ ներկայացներ Ռուսաստանի պատկան մարմիններին, ապա առաջարկվող նախագծում ունեցած քաղաքացիությունից հրաժարվելու պահանջ չկա։ Հենց այդ պահանջի պատճառով շատ օտարերկրացիներ, որոնք բնակություն են հաստատել կամ աշխատանքային գործունեություն են ծավալում Ռուսաստանի տարածքում չէին ցանկանում ռուսաստանյան անձնագիր ձեռք բերել։
Ի տարբերություն գործող օրենքի, հիմնական չափորոշիչ է դառնալու ոչ թե Ռուսաստանի Դաշնության, այլ Ռուսական կայսրության կամ նախկին ԽՍՀՄ-ի հետ ունեցած կապը եւ ռուսաց լեզվի կրող լինելու հանգամանքը։ Չնայած վերջին տարիներին որոշակիորեն պարզեցված ընթացակարգին՝ Ռուսաստանի քաղաքացիություն կարող են ստանալ միայն այն օտարերկրացիները, ովքեր ՌԴ-ում մշտական բնակություն են հաստատել։ Ընդ որում, քաղաքացիություն ստանալու մասին դիմում կարելի է ներկայացնել միայն կացության իրավունք ստանալուց առնվազն 5 տարի անց։ Այժմ այդ բոլոր սահմանափակումները կարող են վերացվել։
Ռուսաց լեզվի կրող է համարվում այն անձը, որը ազատորեն տիրապետում է ռուսաց լեզվին եւ այն կանոնավոր կերպով օգտագործում է առօրյա կյանքում: Օտարերկրյա քաղաքացու կամ քաղաքացիություն չունեցող անձի ռուսաց լեզվի կրող լինելը ստուգվելու է հարցազրույցի միջոցով: Այսպես օրինակ, ռուսաց լեզվի կրող ճանաչվելու համար հարցազրույցի ժամանակ օտարերկրացիները պետք է կարողանան ապացուցել, որ ունակ են «հասկանալ եւ համարժեք մեկնաբանել վերացական-փիլիսոփայական, մասնագիտական ուղղվածության, հրապարակախոսական եւ գեղարվեստական տեքստեր, այդ թվում՝ ենթատեքստով»: Բացի այդ, դիմումատուն պետք է ապացուցի, որ հասկանում է ներկայացվելիք ռադիո-հեռուստատեսային հաղորդումների բովանդակությունը, ցուցադրվելիք ֆիլմերի, հեռուստաներկայացումների, ռադիոպիեսների հատվածները, հրապարակային ելույթները եւ համարժեք ընկալել ելույթ ունեցողի խոսքի սոցիալ-մշակութային, զգացմունքային առանձնահատկությունները՝ մեկնաբանելով հայտնի արտահայտություններն ու հետին մտքերը:
Նկատի առնելով, որ Հայաստանը ժամանակին եղել է թե Ռուսական կայսրության, ապա նաեւ Խորհրդային Միության մաս՝ Ռուսաստանի քաղաքացիություն կարող է հեշտացված կարգով տրամադրվել Հայաստանի Հանրապետության գրեթե բոլոր քաղաքացիներին։ Օրինագիծն ընդունվելու դեպքում Հայաստանի քաղաքացիներին բավական կլինի միայն ներկայացնել համապատասխան դիմում, հանձնել ռուսաց լեզվի իմացության քննություն։
Եթե օրինագիծը նման տեսքով արժանանա Պետական դումայի հավանությանը, կարելի է կանխատեսել, որ Ռուսաստանում հաստատված տասնյակ հազարավոր հայեր, ինչպես նաեւ Հայաստանում բնակվող հազարավոր քաղաքացիներ, կօգտվեն նոր օրենքի ընձեռած հնարավորություններից եւ Ռուսաստանի քաղաքացիություն կընդունեն: Ռուսաստանի ներքին գործերի նախարարության երեկ հրապարակած տվյալների համաձայն՝ 2016 թվականին Հայաստանի 22 հազար 264 քաղաքացի Ռուսաստանի քաղաքացիություն է ընդունել։ Համեմատության համար նշենք, որ 2015 թվականին Ռուսաստանի քաղաքացիություն էր ստացել Հայաստանի 18 հազար 653 քաղաքացի։ Այս ցուցանիշով Հայաստանի քաղաքացիները թվով չորրորդն են։
Առաջին տեղում Ուկրաինայի քաղաքացիներն են․ 2016 թվականին Ռուսաստանի քաղաքացիություն է ստացել Ուկրաինայի 100 հազար 696 քաղաքացի (2015 թվականի 67 հազար 400 մարդու դիմաց): Երկրորդ տեղում Ղազախստանն է, որի 37 հազար 837 քաղաքացի անցյալ տարի ռուսաստանյան անձնագիր է ստացել (2015-ին՝ 32 հազար 70 մարդ): Երրորդ տեղում Ուզբեկստանն է․ անցյալ տարի ռուսական անձնագրեր են տրամադրվել կենտրոնասիական այդ հանրապետության 23 հազար 216 քաղաքացիների (2015 թվականին՝ 22 հազար 557): Չնայած ստացած անձնագրերի թվով Հայաստանցի քաղաքացիները թվով չորրորդն են, սակայն եթե համեմատենք նշված երկրների բնակչության թվի հարաբերակցությունը ռուսական անձնագիր ստացողների թվի հետ, ապա ցավով կարելի է արձանագրել, որ հայաստանցիները այդ առումով բացարձակ առաջատար են։
Եվ եթե այսքան թվով հայաստանցի դեռեւս գործող օրենքի սահմանափակումների ու ընթացակարգերն անցնելու պայմաններում Ռուսաստանի քաղաքացիություն է ստացել, ապա դժվար չէ պատկերացնել, թե այդ երկրի քաղաքացիություն ձեռք բերելու ցանկություն հայտնողների թիվը ինչքան կլինի, եթե վերը հիշատակված օրինագիծն օրենքի ուժ ստանա եւ ռուսաստանյան անձնագիրը Հայաստանի քաղաքացիներին տրամադրվի հեշտացված կարգով։ Վերը ներկայացվածը հիմք է տալիս հոռետեսական կանխատեսումներ անել, որ նոր օրենքի ընդունումը նոր թափ է հաղորդելու Հայաստանից դեպի Ռուսաստան արտագաղթին: Եվրասիական տնտեսական միությանն անդամակցելուց հետո հայաստանցիներին տրված միգրացիոն եւ աշխատանքային արտոնությունների տրամադրումից հետո ռուսաստանյան անձնագրերը նախկին գրավչությունը չունեն, սակայն քիչ չեն լինի այնպիսիները, ովքեր Հայաստանի քաղաքացիությունից չհրաժարվելու պայմաններում ցանկանան ստանալ նաեւ Ռուսաստանի քաղաքացիություն։
«Հայկական Ժամանակ»-ը Telegram-ում
Հանդիպում է տեղի ունեցել Հայաստանում Ամերիկայի առևտրի պալատի տնօրենների խորհրդի անդամների և գործադիր թիմի հետ
Օձիքից քաշել է ՀՀ քարտեզը, կինը ընկել, գլխով հարվածել է գետնին․ խուլիգանություն կատարողը ձերբակալվել է
Յունիբանկը՝ «Upside Down» մարզական ժայռամագլցման փառատոնի հովանավոր
Ովքեր և ինչի համար են ձերբակալվել Բրյուսովի համալսարանում․ մանրամասներ
«Ուսանող եմ, 3 օրով եմ եկել, քարոզարշավին մասնակցեմ», «Եկեք մեր տուն կոֆե խմենք»․ քաղաքացիները՝ վարչապետին
Բրյուսովում ձերբակալություններ են. ձերբակալվածների թվում են ամբիոնի վարիչ, դասախոսներ
Իմ ձեռքի աշխատանքն է․ վարչապետին ձեռագործ սրբապատկեր են նվիրել․ տեսանյութ
ՀՀ-ն ժամանակավորապես կպարզեցնի վիզային ռեժիմը COP17 համաժողովի մասնակիցների համար
Էժան սադրանքներ են, Հայաստանի և Ռուսաստանի միջև էսկալացիա չի լինելու. Փաշինյան
Եթե ես ԵԱՏՄ-ին հակառակ քաղաքականություն վարեի, ԵԱՏՄ-ն հիմա կաթվածահար վիճակում կլիներ. Նիկոլ Փաշինյան
Սպառնալիքներ, կաշառք «Հայաստան» դաշինքի Սպիտակի գրասենյակի ղեկավարի կողմից. հրապարակվել են ձայնագրություններ
Հովհաննես Սարգսյանը նշանակվել է Սյունիքի մարզային քննչական վարչության պետի տեղակալ
Նիկոլ Փաշինյանը Սամվել Կարապետյանի դեմ հայց է ներկայացրել դատարան
102-րդ ռազմաբազան պետք է գործի Հայաստանի օրենսդրության շրջանակում ու Հայաստանի իրավազորության ներքո. Փաշինյան
Վոլոդյա Մուրադյանը նշանակվել է ՔԿ Սյունիքի մարզային քննչական վարչության պետ
Արամ Սարգսյանը Հայաստանի անվտանգությունը տեսնում է բանակի հզորացման ճանապարհով
Գյուղերում նոր դպրոցական ավտոբուսներ կներդրվեն․ Անդրեասյան
Դպրոցների տնօրենները պաշտոնից չեն ազատվել, ազատման դիմումներ են գրել, որոնք մակագրված չեն. վարչապետ
«Ձեզ Գարեգին Նժդեհ 2-րդ մականունն են տալու», «հարձակվելու են ձեզ վրա, սենց բան մի ասեք». Փաշինյանը՝ քաղաքացուն
ՀՀ սեփականության իրավունքը կվերականգնվի Վայքում գտնվող շուրջ 17 մլն դրամ արժեքով անշարժ գույքի նկատմամբ
Հայաստանում կընդլայնվի ոչխարաբուծությամբ և այծաբուծությամբ զբաղվող շահառուների շրջանակը
Դոդի Գագոն Քոչոյի կուտը կերավ, Կարապետյանն էլ՝ «պուտինկայի». քո սիրտը մեծ ա. քաղաքացին՝ վարչապետին
Ֆենոմեն է, 90-ամյա մարդը մոտենում է և խոսում ազատության մասին, հասկանո՞ւմ եք՝ ինչ արժեք է. վարչապետ
Միրզոյանը ականջիս մի բան ասեց, ամբողջ մամուլով տարածվեց. վարչապետը՝ իր ականջին «բան» ասող քաղաքացուն
Ընտրակաշառք տալու և վերցնելու համար նախատեսած պատիժը կխստացվի. նոր օրենսդրական նախաձեռնություն
«Ուժեղ Հայաստան»-ի համակիրները ծեծել են ՔՊ-ին սատարող անձին. կան ձերբակալվածներ. մանրամասներ
Սիրելի՛ օլիգարխներ, կլինի՞ մի միտք արտահայտեք, որը լիակատար հիմարություն չի լինի. Ռուբինյան
Անչափահաս աղջկան առևանգել, 4 հոգով բռնաբարել են. Վարդան Ղուկասյանի եղբորորդու և մյուսների գործով վերդիկտը
«Հայաստան» դաշինքի Սպիտակի գրասենյակում իրականացվում են քննչական գործողություններ
Վրիպակ է, 2 զրո ավելի է գրվել. Լիլիթ Մակունցը՝ 1 միլիարդ դրամ աշխատավարձ ստանալու մասին
Թրամփն ու Ծինփինը բանակցություններ են ունեցել. ԱՄՆ նախագահը հանդիպումը որակել է «գերազանց»
Երևանում թիվ 5, 15, 31 երթուղիների մի քանի ավտոբուս արգելափակվել է խցանման մեջ, կլինեն ուշացումներ
Հայաստանի հետ հարաբերությունների կարգավորումը ցույց է տալիս տարածաշրջանում խաղաղության Բաքվի ձգտումը. Հաջիև
«Ինտերը» հաղթել է «Լացիոյին» և 10-րդ անգամ նվաճել Իտալիայի գավաթը. տեսանյութ
ԵՄ-ն ջերմորեն ողջունում է Հայաստանի և Թուրքիայի միջև ուղիղ առևտրի մեկնարկը. ԵՄ դիվանագիտության մամուլի խոսնակ
Հասանելի են ընտրությունների մասնակից կուսակցությունների, դաշինքների և թեկնածուների եկամուտների հայտարարագրերը
Երևանի հեռուստաաշտարակի մեդիաֆասադում գովազդի տեղադրման հնարավորություն ունեն բոլոր քաղաքական ուժերը
Ձայն ստանալու համար դիմում են ամեն տեսակ անբարոյական միջոցի. Գորիսում ադրբեջանական ներդրում երբեք չի եղել
Ընտրակաշառքի գործով ձերբակալված 2 անձ կալանավորվել է, ևս 1-ի նկատմամբ խափանման միջոց է ընտրվել տնային կալանքը
Դատախազությունը պահանջում է Աղվան Հովսեփյանի եղբորից բռնագանձել շուրջ 237 մլն դրամ, 3 անշարժ գույք
