«Օդով է գնալիս եղել». Հայանիստում մահացու վրաերթի են ենթարկվել դպրոցի տնօրենը եւ մեկ կին

29/03/2017 schedule21:39

Արարատի մարզի Հայանիստ գյուղում այսօր ողբերգական դեպք է տեղի ունեցել. Mercedes մակնիշի մեքենան գյուղի դպրոցի հարեւանությամբ վրաերթի է ենթարկել մայթով քայլող 63-ամյա Հովհաննես Իսպիրյանին եւ 58-ամյա Ստելլա Մեսրոպյանին:

Հովհաննես Իսպիրյանը դպրոցի տնօրենն է, ով այդ պահին աշխատանքից տուն գնալիս է եղել: «Իսպիրյանը դպրոցի տնօրենն է, Ստելլան ընկերոջս կինը: Մայթով գնալիս են եղել, որ խաչմերուկն անցնեն: Էդ ...-ը արագ, չգիտեմ 200 արագությամբ, թե օդով գնալիս է եղել, եկել, տվել ջարդուփշուր է արել, գնացել: Չենք հասկանում ովքեր են, ինչ է եղել, ինչու: Երբ որ ինձ կանչեցին, արդեն վարորդը փախել էր, մեքենան էր գյուղի մեջտեղում ու հավաքված ժողովուրդ»,- մեզ հետ զրույցում պատմեց Հայանիստի գյուղապետ Բալաբեկ Սարկիսյանը:

Մեր հարցին, թե արդյո՞ք դիտավորյալ սպանությունը հավանական են համարում՝ գյուղապետը պատասխանեց. «Ի՞նչ դիտավորյալ, ես շա՞տ իմանամ ինչ են ուզել, ես եկա, արդեն չկային»:

Ճշտող հարցին՝ արդյո՞ք վրաերթի ենթարկված անձինք սպասվող ընտրությունների հետ որեւէ առնչություն ունեն՝ Սարկիսյանը պատասխանեց. «Ընտրությունների հետ ոչ մի կապ: Մեր գյուղը էդ գյուղը չի, նման կարգի բաներ չկան, էս գյուղում համերաշխ ապրում են: Ոչ մի ընտրությունների ժամանակ էլ նման կարգի բաներ չեն եղել: Մենք մեր գյուղում ժողովրդին մի քանի մասի չենք կիսում ու որեւէ մեկին էլ չենք պարտադրում, որ ինչ-որ բան անի, ամեն մեկն իր խելքը ունի»:

Գյուղապետն այնուամենայնիվ նշեց, որ դպրոցի տնօրենը ՀՀԿ-ական է: «Բայց շատ լավ մարդ է, որեւէ խնդիր չկա, որեւէ մեկի հետ խնդիր չունի»,- հավելեց նա:

Սարկիսյանից տեղեկացանք, որ իր իմանալով Mercedes-ում երկու հոգի են եղել, մեքենան Երեւանի Շենգավիթ համայնքում է հաշվառված:

Shamshyan.com-ի տեղեկություններով վրաերթի փաստի առթիվ Մասիսի քննչական բաժնում հարուցվել է քրեական գործ՝ ՀՀ ք.ր օր.-ի 242 հոդվածի 3-րդ մասի / ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ/, և 244 հոդվածի /ճանապարհատրանսպորտային պատահարի վայրից փախուստի դիմելը/ հատկանիշներով: Ոստիկանությունն ու քննչական բաժինը ձեռնարկում են անհրաժեշտ օպերատիվ- հետախուզական և քննչական համատեղ գորոծողություններ՝ վրաերթ կատարած վարորդին հայտնաբերելու ուղղությամբ:

Հ.Գ. Աշխատանքային ժամի ավարտի պատճառով իրավապահ մարմիններից հնարավոր չեղավ մանրամասներ ճշտել:

Տպել
22060 դիտում

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)