Մոնղոլուհին ՀՀ քաղաքացիություն է ստացել. նա երեխաների հետ ապրում է Անտառամեջ գյուղում

18/04/2017 schedule16:30

Տարիներ առաջ Մոնղոլիայի մայրաքաղաք Ուլան Բատորից Հայաստան տեղափոխված եւ Գեղարքունիքի մարզի Անտառամեջ գյուղում բնակություն հաստատած ընտանիքի մորը` Բայանդոլգոր Օյունչիմեգին, օրեր առաջ Հայաստանի Հանրապետության քաղաքացիություն է շնորհվել:

Երկու երեխաները` 13-ամյա Վարսիկն ու 12-ամյա Արշակը, այդ հաջողությունն ունեցել էին նախորդ տարվա սեպտեմբերին: Բայանդոլգորը, որին հարազատներն ու մտերիմներն ուղղակի Բայինա են ասում, Մոնղոլիայում ամուսնացել է ազգությամբ հայ Հրահատ Երիցյանի հետ: Ընտանիքը որոշ ժամանակ այնտեղ ապրելուց հետո 2011-ին տեղափոխվել է Հայաստան: Բայց տարիներ անց Հրահատ Երիցյանը մահացել է: Բայինան ու նրա երեխաները, որոնց համար Անտառամեջն ու նրա բնակիչները հոգեհարազատ են դարձել, չեն մտածել հեռանալու մասին: Աստիճանաբար վերագտել են իրենց, միմյանց թեւութիկունք դառնալով էլ փորձում են տնտեսությունը զարգացնել եւ կառուցել իրենց ապագան:

«ԵՍ ՀՀ ՔԱՂԱՔԱՑԻ ԵՄ: ՀԱՅԱՍՏԱՆ:»,- ֆեյսբուքյան իր էջում ընկերների հետ ուրախությունն է կիսել Բայինան: Քաղաքացիություն ստանալը նրանցից տարիների ջանքեր է պահանջել: «Ապրիլի 15-ի առավոտյան եմ իմացել, որ արդեն նախագահի թույլտվությունը կա, որ քաղաքացիություն ստանալու իրավունքը տրված է: Պարոն Բիչախչյանը ասաց (խոսքը ՀՀ ոստիկանության անձնագրային եւ վիզաների վարչության պետ Մնացական Բիչախչյանի մասին է- խմբ.) ` որ օրը քեզ հարմար լինի, կգաս, որ երդման արարողության մասնակցես եւ արդեն կարող ես դիմել անձնագրի համար»,- մեր զրույցում պատմեց մոնղոլուհի կինը: Հարցին, թե երբ է պատրաստվում Երեւան գալ, նա ծիծաղելով պատասխանեց. «Երեւի մայիսի թոշակին սպասենք, հետո»: Բայինան, ի դեպ, այնքան լավ է խոսում հայերեն, որ թվում է, թե չկա մի բառ, որը չիմանա:

Ընտանիքին, որ մինչեւ երեխաների քաղաքացիություն ստանալը պետությունից որեւէ աջակցություն չի տրվել, մարտից ընտանեկան նպաստ է վճարվում ու նաեւ ծնողազուրկի թոշակ: Այժմ, երբ մորն էլ քաղաքացիություն է շնորհվել, նա հույս ունի, որ կկարողանա աշխատանք գտնել:

Բայինան մասնագիտությամբ երաժիշտ է: Ուլան Բատորում թողել է երգչուհու իր կարիերան ու հիմա Անտառամեջում հող է մշակում, անասուն պահում: Ասում է`ամուսինը ռադիոֆիզիկ էր, բայց ամեն ինչ ձեռքից գալիս էր: Հիմա տան ամբողջ հոգսը իր փխրուն ուսերին է: Թեպետ երեխաներն էլ շատ են օգնում: «Մի կով ունենք, մի հորթ, երկու ղազ, երկու հնդկահավ: Մեկ էլ մի հատ ավանակ: Մոռացա ավանակին: Մեր տան տրանսպորտն է»,- թվարկեց մոնղոլուհին:

Հայաստանն ու Մոնղոլիան համեմատելով` նա ասում է` տարբերությունը մեծ է. «Երկիրն ուրիշ երկիր է, ամեն ինչն էլ տարբերվում է: Այնտեղ մենք քաղաքում ենք ապրել, ամուսինս աշխատել է: Ինքը ամեն ինչ անում էր, ընդունակ մարդ էր, կրթված: Դրա համար էլ ինչ գործ աներ, իր համար հեշտ էր»:

Այսօր նա նաեւ համագյուղացիների աջակցությամբ է հարմարվել հայաստանյան իրականությանը, նրանցից շատ բան սովորել: Այդ թվում` օղի թորել: Իսկ կա՞ մի բան, որ Անտառամեջի բնակիչներն իրենից են սովորել: «Չգիտեմ ինձնից իրենք ինչ կարող են սովորել: Ես այստեղ հարմարվում եմ, դրա համար էլ ես եմ իրենցից սովորում: Հո իրենք չեն եկել, որ ինձնից մի բան սովորեն... Երեւի սովորում են մոնղոլական ճաշերը: Ես սարքում եմ, հյուրասիրում եմ, իրենք էլ հետաքրքրվում են, մեկ-մեկ կանչում են, ասում են` արի պատրաստի, որ հյուրասիրենք»,- նշում է մոնղոլուհին:

Նրա հայրենի երկրում ավանդույթ կա, որ իրենց յուրդերի` շարժական վրանանման կացարանների դռները միշտ բաց են թողում, որպեսզի անցորդները կարողանան ներս մտել, հանգստանալ, օգտվել իրենց համար դրված ուտելիքից, հետո նոր շարունակեն ճանապարհը:  

«Քաղաքում այդքան չէ, բայց գյուղերում, որտեղ էլ որ գնաք, դուռը փակած չի լինում, որովհետեւ տարածքը մեծ է: Հայաստանի նման գյուղերը մոտիկ-մոտիկ չեն, հեռու են, հազարավոր կիլոմետր գնաս, կարող է մի յուրդ հանդիպի: Եթե մեջը մարդ չլինի, էդ մարդը սոված, ծարավ, ինչ վիճակի գա, կարող է իր պահանջը կատարի, դուրս գա: Սեղանի վրա միշտ թեյնիկով թեյ է դրած, «պեչենիներ», տարբեր ուտելիքներ: Կաթով ինչ կարելի է սարքել, էդպիսի բաները սեղանի վրա միշտ լինում են: Դա Աստծո տված է: Կամ եթե յուրդի բնակիչները տեսնում են մեկը տեղափոխվում է մի տեղից մի տեղ, եթե նույնիսկ հեռու լինի եւ անցնում է, քանի որ տեսել են, տնից թեյ են վերցնում, ուտելիք են վերցնում, գնում այդ մարդուն հյուրասիրում են ու ճամփու դնում»,- պատմեց մոնղոլուհի Բայինան:

Հայաստանյան գյուղերում նույնպես ու այդ թվում Անտառամեջում, թեպետ տների դուռը որպես կանոն բաց է լինում, բայց գյուղից դուրս գալու դեպքում բնակիչները դրանք փակում են: Բայինան եւս այդպես է վարվում:

«Եթե հեռու տեղ գնում ենք, փակում եմ, բայց մեր դուռը փակած-չփակած, նույնն է, «բալկոնը» կիսապատած է»,- ծիծաղում է:

Տպել
8468 դիտում

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները