Միջադեպ դատարանում. հայտնի լեզվաբան Մեյթիխանյանը շշով հարվածեց ամբաստանյալի դեմքին. վիդեո

Հայտնի լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության գործով այսօր տեղի ունեցած դատական նիստի ընթացքում միջադեպ տեղի ունեցավ:

Այն պահին, երբ մեղադրող դատախազը հրապարակում էր գործով ամբաստանյալների մեղադրական եզրակացությունը, հայտնի լեզվաբան Փառանձեմ Մեյթիխանյանը՝ սպանվածի կինը, որը դահլիճից դուրս էր եկել, ներս մտավ եւ պլաստիկե շշով մոտիկից հարվածեց գործով ամբաստանյալ Յուրի Հակոբյանի դեմքին: Լարված իրավիճակ ստեղծվեց: Ամբաստանյալները սկսեցին գոռալ: Նրանց շտապ հեռացրին դահլիճից, ինչից հետո ամբաստանյալների հարազատները սկսեցին վիրավորել Մեյթիխանյանին:

Վերջինս, ամբաստանյալին հարվածելուց հետո մոտեցավ իր համար նախատեսված աթոռին, ձեռքը դրեց գլխին, ակնհայտ էր, որ իրեն վատ էր զգում: Ամբաստանյալների հարազատները գոռում էին, որ պետք է քրեական գործ հարուցեն Մեյթիխանյանի նկատմամբ: Դատարանում իրավիճակը փորձում էին վերահսկել մեղադրող դատախազներն ու կարգադրիչները: Նախագահող դատավոր Աննա Դանիբեկյանը լքեց նիստերի դահլիճը: Կարգադրիչներին մեծ դժվարությամբ հաջողվեց ազատել դատական նիստերի դահլիճը. Փառանձեմ Մեյիթխանյանի սեղանին մնացել էր ջրով շիշը, որով հարվածել էր Յուրի Հակոբյանին եւ դեղին հաբեր (վալերիանկա): Նշենք, որ հայտնի լեզվաբանը նիստերի դահլիճը լքեց այն բանից հետո, երբ մեղադրող դատախազը նկարագրում էր սպանված Եղիշե Խաչատրյանի վնասվածքները, նկարագրում ամբաստանյալների գործողությունները սպանության օրը:

Յուրի Հակոբյանի պաշտպան Արման Նադիրյանը մեր զրույցում անդրադառնալով միջադեպին ասաց, որ իր տպավորոթյամբ Մեյթիխանյանի թիրախը հենց Յուրին էր: «Չեմ հասկանում՝ ինչի: Այսօր կարող եմ ենթադրել, մենք բոլորս էլ հասկանում ենք, որ Յուրին անմեղ տեղն է պատասխանատվության ենթարկվում, ապօրինի քրեական հետապնդում է իրականացվում ու իրենք լավ հասկանում են, որ եթե Յուրիի անմեղությունը հաստատվի, ապա ամբողջ գործի վրա դա բացասական ազդեցություն է ունենալու: Յուրին հատուկ էր ընտրված»,- ասաց պաշտպանը: Մեր հարցին, թե այդ հարվածից վնասվածքներ ստացե՞լ է, Նադիրյանը պատասխանեց, որ խոսել է պաշտպանյալի հետ, վերջինս խուսափել է այդ հարցին պատասխանել. «Ցանկություն չհայտնեց, որ բժշկական հետազոտության ենթարկվի, միգուցե հաշվի առնելով եղելությունը: Կնայենք, եթե բարդություններ լինեն, բնականաբար, կդիմենք»,- ասաց նա: Մեր հարցին, թե ի՞նչ ընթացք կստանա այս միջադեպը, պաշտպանը նշեց, որ շատ տհաճ երեւույթ էր. «Նախ անհարգալից վերաբերմունք էր հենց դատարանի նկատմամբ, ապա՝ դատարանում ներկա գտնվող բազմաթիվ անձանց: Սա չի նշանակում, եթե անձը տուժողի իրավահաջորդ է, ապա ինքը վերագրի իրեն ամենաթողություն եւ ինքը որոշի՝ ով է մեղավոր, ով՝ անմեղ ու անգամ բռնություն գործադրի: Սա, ըստ իս, անթույլատրելի է: Սրա հետ կապված մենք կմիջնորդենք դատարանին, որպեսզի դատական սանկցիա կիրառի՝ քրեական դատավարության օրենսգրքով սահմանված կարգով, իսկ մնացած զարգացումների հետ կապված կքննարկենք եւ համապատասխան որոշում կկայացնենք»,- եզրափակեց Յուրի Հակոբյանի պաշտպանը:

Մինչ այս միջադեպը Էրեբունի եւ Նուբարաշեն վարչական շրջանների ընդհանուր իրավասության դատարանը վերանայեց իր որոշումը եւ թույլատրեց լրատվամիջոցներին տեսանկարահանում եւ լուսանկարահանում իրականացնել առանց ժամանակի սահմանափակման, սակայն առանց լուսարձակման եւ ձայնային էֆեկտների:

Դատավոր Աննա Դանիբեկյանը դատավարության մասնակիցներին տեղեկացրեց, որ դատարան է ստացվել Հատուկ քննչական ծառայությունից գրություն, որով դատարանին հայտնել են, որ գործով պաշտպանության միջոց կիրառված վկա Արմեն Վաչագանի Սարգսյան կեղծանվամբ, հաղորդում է ներկայացրել ՀՔԾ՝ իր նկատմամբ իրավապահ մարմինների աշխատակիցների կողմից ենթադրաբար կատարված ոչ իրավաչափ գործողությունների վերաբերյալ: Այս կապակցությամբ ՀՔԾ-ում հարուցվել է քրեական գործ:

Գրությամբ նաեւ ՀՔԾ-ից դատարանին հայտնել էին, որ վկան «shamshyan.com» կայքի միջոցով տեղեկություն է տարածել եւ բացահայտել իր ինքնության վերաբերյալ տվյալները:

Այս կապակցությամբ դատարանը դատավարության մասնակիցների կարծիքը հարցրեց, թե արդյոք նպատակահարմա՞ր է հետագայում եւս շարունակել պահպանել նրա պաշտպանության միջոցը: Տուժողի իրավահաջորդի ներկայացուցիչ Ինեսսա Պետրոսյանը կարծիք հայտնեց, որ պետք է շարունակել պահպանել: Մեղադրող դատախազները նույնպես նույն կարծիքին էին:

Սրա հետ կապված ամբաստանյալ Արարատ Նիկողոսյանի պաշտպան Լիպարիտ Սիմոնյանը նշեց, որ քանի որ վկան բացահայտել է իրեն, հետեւաբար անհրաժեշտություն չկա փակ վկայի կարգավիճակում նրան պահելու: Նա եւս մեկ անգամ միջնորդեց պաշտպանական կողմին տրամադրել վկայի վերաբերյալ գործում առկա նյութերը՝ դրանց ծանոթանալու եւ արդյունավետ պաշտպանություն իրականացնելու նպատակով: Նշենք, որ պաշտպանները այս միջնորդությունը ներկայացրել են մի քանի անգամ, որը դատարանի կողմից մերժվել է:

Ամբաստանյալ Արտաշես Չիչոյանի պաշտպան Երեմ Սարգսյանն էլ կարծիք հայտնեց՝ եթե դատարանի համար կարեւոր է, որ պաշտպանական կողմը կարողանա օգտվել իր իրավունքներից եւ արդյունավետ պաշտպանություն իրականացնել, իսկ դատարանն էլ արդար դատաքննություն ապահովի, ապա այս տվյալից հետո, որը դատարանը ստացել է, անմիջապես պետք է վերացվի վկայի նկատմամբ պաշտպանության միջոցը եւ նյութերը տրամադրվեն պաշտպանական կողմին:

Քանի որ վկան խոչընդոտել է իր նկատմամբ կիրառված պաշտպանության միջոցի կիրառմանը, կատարել է գործողություններ, որոնք բովանդակազրկում են կիրառված պաշտպանության միջոցը, հետեւաբար դատարանը որոշեց դադարեցնել վկայի նկատմամբ կիրառված պաշտպանության միջոցը եւ վկայի ցուցմունքները ամբողջությամբ տրամադրել պաշտպանական կողմին:

Այնուհետեւ դատաքննությունը սկսվեց. մեղադրող դատախազը սկսեց հրապարակել գործող ամբաստանայլների մեղադրական եզրակացությունը, սակայն միջադեպի պատճառով այն ընդմիջվեց:

Այս գործով հաջորդ դատական նիստը տեղի կունենա մայիսի 3-ին

Հիշեցնենք, որ 2016 թ. հունիսի 4-ին՝ ժամը 23:00-ի սահմաններում, Նուբարաշենի խճուղի 5/1 հասցեի դիմաց, ըստ մեղադրանքի, Խաչիկ Կոսյանն ու իր ընկերները վիճաբանել են 58-ամյա Եղիշե Խաչատրյանի հետ երթեւեկության կանոնները խախտելու համար դիտողություն անելու պատճառով, ապա 75-ամյա մոր ներկայությամբ հայհոյել ու բռնություն գործադրել նրա նկատմամբ՝ բազմաթիվ հարվածներ հասցնելով նրա կենսական կարեւոր օրգանի՝ գլխի, նաեւ՝ կրծքավանդակի եւ որովայնի շրջաններում։ Ստացած մարմնական վնասվածքներից Խաչատրյանը տեղում մահացել է:

Տպել
27428 դիտում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է