Արթուր Ալեքսանյանը՝ աշխարհի 2017թ չեմպիոն. 3-րդ չեմպիոնությունն աշխարհի առաջնություններում

21/08/2017 schedule21:33

Ռիո 2016-ի չեմպիոն, Հայաստանի հունահռոմեական ոճի ըմբշամարտի հավաքականի անդամ Արթուր Ալեքսանյանը դարձավ աշխարհի 2017 թ. չեմպիոն: Քիչ առաջ Փարիզում ընթացող մրցաշարի եզրափակչում նա 3:1 հաշվով առավելության հասավ ռուս Մուսա Եվլոեւի նկատմամբ:

Մինչեւ այդ 1/16 եզրափակչում նա 3:1 հաշվով հաղթել էր իրանցի Սեյեդմոստաֆա Սալեհիզադեին, 1/8 եզրափակչում՝ ամերիկացի Թրեյսի Հենքոքին (10:1), քառորդ եզրափակչում` վրացի Ռեւազի Նադարեիշվիլուն (6:2), իսկ կիսաեզրափակչում՝ ուզբեկ Ռոստամ Ասակալովին (8:0):

98 կգ քաշային կարգում բրոնզե մեդալակիրներ դարձան Ռեւազի Նադարեիշվիլին եւ հունգարացի Բալազ Քիսը:

Սա Արթուր Ալեքսանյանի 3-րդ անընդմեջ չեմպիոնությունն է աշխարհի առաջնություններում: Նա ոսկե մեդալով է վերադարձել նաեւ 2014 եւ 2015 թթ. աշխարհի առաջնություններից:

Այսօր՝ օգոստոսի 21-ին, Հայաստանի հունահռոմեական ոճի ըմբշամարտի հավաքականն աշխարհի առաջնությունում ներկայացրել են նաեւ Եվրոպայի 2016 թ. չեմպիոն 71 կգ քաշային Վարշամ Բորանյանը, Կարապետ Չալյանը (75 կգ) եւ Արթուր Շահինյանը (85 կգ):

Նրանցից մեդալ նվաճելու ամենաիրական հնարավորությունն ուներ Չալյանը: Քառորդ եզրափակչում նրան հաղթած (2:1) սերբ Վիկտոր Նեմեսը եզրափակիչ էր դուրս եկել, եւ նա բրոնզե մեդալի համար պայքարելու հնարավորություն էր ստացել, սակայն սփոփիչ գոտեմարտում պարտվեց իրանցի Սաիդ Աբդվալիին (0:3): Բորանյանը պարտվեց հենց մեկնարկային գոտեմարտում: Նա 2:3 հաշվով զիջեց եգիպտացի Իբրահիմ Ղանեմին: Իսկ Շահինյանը պայքարը լքեց 1/16 եզրափակչում` պարտվելով բուլղարացի Նիկոլայ Բայրյակովին (2:1): Քանի որ հայ ըմբիշներին հաղթած ըմբիշները եզրափակիչ չհասան, նրանք բրոնզե մեդալի համար պայքարելու հնարավորություն չստացան:

Ըմբշամարտի աշխարհի առաջնությունը մեկնարկել է այսօր՝ օգոստոսի 21-ին, եւ ավարտվելու է 26-ին:

Տպել
3051 դիտում

Ոչնչացվել են խաղաղ ու անմեղ մարդիկ. Բելառուս խորհրդարանականներն այցելել են Ծիծեռնակաբերդ

Բաքուն Նախիջեւանում գրոհիչ ավիացիա է կուտակել, քաղաքացիականների հավաքագրումն է փորձարկում

ՀՀ-ՌԴ ռազմավարական համագործակցությունը՝ «բարձր վստահության քաղաքական երկխոսության» ներքո

Սերժ Սարգսյան ընդունել է Լավրովին եւ ստացել Պուտինի ջերմ ողջույնները

Որոշ մանկապարտեզներ կգործեն առանց տնօրենների. «պուլտո՞վ» են կառավարվելու

Հայ ժողովուրդը շատ ջերմ ընդունեց ինձ. Սեբուն տպավորված է հայ հանդիսատեսից

Ես ունեմ ստույգ ինֆորմացիա, ձեզ է հանդիպել Սերժ Սարգսյանը. Արամ Մանուկյան

Օրենքն արդեն ընդունվել է. պաշտպանության հանձնաժողովի նախագահը՝ տարկետման կլոր սեղանի մասին

Հնչեց Հայկ Մելիքյանի վիրտուոզ նվագը Խաչատրյանի փառատոնի շրջանակներում

Մոսկվան շատ լավատես չէ ԼՂ հակամարտության արագ կարգավորման հարցում. Լավրով

ՀՀ-ն ոչնչացնելու է 140 միավոր զինտեխնիկա. Գերմանիան ՆԱՏՕ-ի միջոցով 1.3 մլն եվրո կհատկացնի

Վարորդներին հորդորում ենք նշված մարզեր երթեւեկել բացառապես ձմեռային անվադողերով. Սուրենյան

ԱԺ-ի դիմաց կայանված մեքենան բռնկվել է վառելիքի արտահոսքի պատճառով. ԱԻՆ

Իմ որդին 15 տարեկան է, պաշտոն էլ չի ստացել. Կորյուն Նահապետյան

Լեւոն Արոնյանի կինը վարչապետին օգնելու է օտարերկրյա ներդրումների ներգրավման հարցում

3 տարի արտերկրից անօրինական ներմուծել են բջջային հեռախոսներ, պլանշետներ ու իրացրել դրանք

Պայթյուն՝ Բաղրամյան պողոտայում. տեսանյութ. Araratnews

Ես ընտրել եմ Քրիստ Մարուքյանին ու շատ փոշմանել. Արկադի Փելեշյան

Վանաձորի ավագանին արտահերթ նիստում հաստատեց Արկադի Փելեշյանի նշանակումը. լուսանկարներ

Պոլսո հայոց պատրիարքի տեղապահը նամակ է գրել Թուրքիայի նախագահին