Կարապետյանի կառավարության օրոք մարդիկ արտագաղթում են`տանելով իրենց տեղաշորերը. քաղաքագետ

Սեպտեմբերի 13-ին լրանում է վարչապետ Կարեն Կարապետյանի ղեկավարման մեկ տարին: Կառավարության ղեկավարն այս օրերին խոստանում է իր կազմով (նախարարություններ, առընթեր մարմիններ) հաշվետվություն ներկայացնել մեկամյա գործունեության վերաբերյալ: Սակայն, մինչ այդ քաղաքական ուժերն արդեն գնահատական են տալիս վարչապետի կառավարության աշխատանքին եւ միաժամանակ առաջարկում վարչապետի 2018 թվականի իրենց թեկնածուին:

Քաղաքագետ Գագիկ Համբարյանն armtimes.com-ի հետ զրույցում վերլուծելով Կարեն Կարապետյանի ղեկավարած կառավարության մեկ տարվա գործունեությունը, ասում է, որ նա հերթական վարչապետն է, որը որեւէ փոփոխության չի կատարում երկրի տնտեսությունում:

«Կարեն Կարապետյանին չհաջողվեց հասարակության համար շեշտակի արդյունքների հասնել: Հասարակությունը կրկին դժգոհ է երկրի սոցիալ-տնտեսական վիճակից: Սպասելիքները վարչապետից ավելին էին, իհարկե, իշխանությունները հայտարարում են, որ երկրում տնտեսական աճի միտումներ կան, բայց քանի որ հասարակությունն այդ աճը իր մաշկի վրա չի զգում, ուրեմն նրա համար բացարձակ միեւնույն է, թե որտեղ է այդ աճը: Այն կլիներ աճ, եթե բարձրանային թոշակները, նպաստները, ստեղծվեին աշխատատեղեր, բայց որքան կարելի է նկատել՝ դրանցից ոչ մեկը չի իրականացվել: Սրան զուգահեռ, ավելացել են նաեւ արտագաղթի տեմպերը, դրա վառ օրինակը Երեւանից եւ Գյումրիից Ռուսաստան մեկնող ավտոբուսների մեծ քանակն է: Մարդիկ Հայաստանը չեն լքում ժամանակավորապես, այլ իրենց հետ տեղաշոր են տանում: Սա նշանակում է, որ մարդիկ Հայաստանը լքում են ընդմիշտ: Կարեն Կարապետյանին շատ գործեր չի հաջողվել իրականացնել, որովհետեւ սոցիալ-տնտեսական վիճակի հետ կապված փոփոխությունների հետ կապ ունի նախագահը: Կարեն Կարապետյանը որքան էլ ուզում է հայտարարի, որ Հայաստանում բոլոր ներդրողները, գործարարները կարող են ազատ գործել, պետք է ասեմ, որ այդպիսի բան չկա: Շարունակվում են մենաշնորհները, ապրանքների գները աճում են, եւ դրա պատճառը միայն մենաշնորհն է»,-ասում է քաղաքագետը:

Դեռ Կարապետյանի անունը որպես վարչապետի թեկնածու շրջանառվելու օրերին հասարակության մեջ ձեւավորվեց այն կարծիքը, որ Կարեն Կարապետյանը գալիս է նախընտրական շրջանում (ԱԺ ընտրություններ) բարձրացնելու ՀՀԿ-ի վարկանիշը: Քաղաքագետը կարծում է, որ դա վերջինիս ինչ-որ չափով հաջողվել է:

«Կարապետյանն այն եզակի անձանցից է ՀՀԿ-ում, որ քիչ թե շատ ունի ռեյտինգ հասարակության մեջ: Հանրապետական կուսակցության վերնախավը բավականին չսիրված է հասարակության կողմից, եւ Սերժ Սարգսյանն այդ մասին շատ լավ գիտի: Կարեն Կարապետյանը շատ լավ անձ էր, որի միջոցով  Ազգային ժողովի ընտրություններից առաջ Հանրապետական կուսակցությունը շատ լավ փիառ կազմակերպեց: Ամեն դեպքում Կարեն Կարապետյանին չեմ մեղադրի, քանի որ Հայաստանում պետք է փոխվի այն համակարգը, որը գոյություն ունի»,-նշում է Գագիկ Համբարյանը:

Թե ով կլինի ՀՀ վարչապետի պաշտոնում 2018 թվականին, քաղաքագետը դժվարանում է պատասխանել: Թեեւ, ըստ նրա, այս հարցում պաշտոնական Երեւանը պետք է հաշվի նստի Մոսկվայի հետ:

«Կարեն Կարապետյանին բերեցին, որպեսզի զսպի հասարակության բողոքը, քանի որ այն «Սասնա ծռերի» դեպքից հետո ահագնանում էր, եւ պետք էր թույլ չտալ, որ տեղի ունենա «Սասնա ծռեր-2»-ը: Կարող ենք ենթադրել, որ Կարեն Կարապետյանը կարող է մնալ վարչապետ, բայց ցավով պետք է նշեմ, որ իրավիճակն այն աստիճանի է հասել, որ Հայաստանի ներքաղաքական իրավիճակի վրա ազդեցություն ունի Ռուաստանը: Ոչ ոքի համար էլ նորություն չէ, որ Կարապետյանը Ռուսաստանի մարդ է համարվում, եւ այն ժամանակ, երբ Սերժ Սարգսյանը ցանկանում էր պատժել Կարապետյանին այն բանի համար, որ նա հրաժարվեց Երեւանի քաղաքապետի պաշտոնից, Պուտինը Սերժ Սարգսյանին շատ հմտորեն հասկացրեց`ձեռքերը հեռու պահել Կարապետյանից»,-ասում է Գագիկ Համբարյանը:

Տպել
7504 դիտում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը