Ինչպես է ԵՏՄ-ի 170 միլիոնանոց շուկան կուլ տալիս Հայաստանի տնտեսությունը

Այս տարվա առաջին վեց ամիսների ընթացքում ԵՏՄ անդամ Ղրղըզստանից ԵՏՄ անդամ Հայաստան է ներկրվել 3 հազար դոլարի չորացրած լոբի եւ 6 հազար 200 դոլարի ինչ-որ պարարտանյութ: Ընդհանուրը՝ 9.2 հազար դոլար:

Ղրղըզստանը այն «170 միլիոնանոց շուկայի» մի մասն է, որը կոչվում է Եվրասիական տնտեսական միություն, եւ որի անդամն ենք նաեւ մենք: Պետք է նշել, որ Հայաստանից Ղրղըզստան արտահանումը շատ ավելի մեծ է՝ մոտ 424 հազար դոլար: Ընդ որում, անցած տարվա համեմատ արտահանումը ՀՀ-ից Ղրղըզստան աճել է մոտ 3 անգամ: Բայց դա այնքան չնչին ծավալի առեւտուր է, որ ոչ մի կերպ չի կարող «քաղցրացնել» ԵՏՄ-ին մեր անդամակցության դառնահամ հետեւանքները: Իսկ այդպիսիք շատ ավելի շատ են:

2014-ից, երբ Հայաստանը պաշտոնապես անդամակցեց ԵՏՄ-ին, մեր պաշտոնյաները ազատ ամբիոն էին փնտրում, որ խոսեին այն մասին, թե հեսա տեսեք ինչ «գրիմիտներ» ենք անելու ԵՏՄ-ում, հեսա գրավելու ենք ԵՏՄ-ի «170 միլիոնանոց» շուկան...: Բայց թե ինչ եղավ երեք տարի անց, շատ հուզիչ է: Եվ դա արձանագրում է մեր պաշտոնական վիճակագրությունը: Հիմա նայենք, թե ինչպես  ենք գրավում այդ «170 միլիոնանոց» շուկան:

2016 թվականի առաջին կիսամյակում ԵՏՄ անդամ Ռուսաստան արտահանել էինք 175 միլիոն դոլարի ապրանք, այս տարվա նույն ժամանակահատվածում՝ արդեն 221 միլիոն դոլար: Կարծես գրավել ենք ՌԴ շուկան՝ 46 միլիոն դոլարով ավելացրել ենք արտահանումը դեպի ՌԴ: Բայց այդ նույն ընթացքում ավելացել է նաեւ Ռուսաստանից Հայաստան ներմուծումը՝ 457 միլիոն դոլարից հասնելով 570 միլիոն դոլարի: Աճը՝ 113 միլիոն դոլարով: Սա մոտ երկու անգամ ավելի արագ աճ է, քան ՀՀ-ից դեպի ՌԴ արտահանման աճը: Այլ կերպ ասած, ոչ թե մենք ենք գրավել «170 միլիոնանոց» ԵՏՄ անդամ ՌԴ-ի շուկան, այլ հակառակը:

Դեպի ԵՏՄ անդամ մեկ այլ երկիր՝ Ղազախստան արտահանումը Հայաստանից էլի աճել է՝ 1.3 միլիոն դոլարից հասնելով 1.8 միլիոն դոլարի: Այսինքն արտահանումը աճել է կես միլիոն դոլարով: Բայց միեւնույն ժամանակ Ղազախստանից Հայաստան ներմուծումը աճել է երկու անգամ՝ 965 հազար դոլարից հասնելով 1 միլիոն 928 հազար դոլարի: Աճը՝ մոտ մեկ միլիոն դոլար: Այս դեպքում եւս ակնհայտ է, որ ԵՏՄ անդամ Ղազախստանն է գրավել մեր շուկան:    

ԵՏՄ անդամ մեկ այլ երկրի՝ Բելառուսի դեպքում պատկերն ընդհանրապես խայտառակ է: Եթե 2016 թվականի առաջին կիսամյակում Բելառուս էինք արտահանել 4.3 միլիոն դոլարի ապրանք, ապա այս տարի արտահանումը կտրուկ նվազել է ե կազմել 3.2 միլիոն դոլար: Իսկ ահա ներմուծումը Բելառուսից Հայաստան կտրուկ աճել է՝ 10.1 միլիոն դոլարից հասնելով 15.3 միլիոն դոլարի:

Ընդհանուր առմամբ ԵՏՄ անդամ երկրներից դեպի Հայաստան ներմուծումը աճել է 119 միլիոն դոլարով, իսկ արտահանումը Հայաստանից դեպի ԵՏՄ այլ երկրներ աճել է 46 միլիոն դոլարով: ԵՏՄ մյուս անդամ երկրների հետ Հայաստանի փոխադարձ առեւտրի բացասական հաշվեկշիռը անցած տարվա առաջին կիսամյակի համեմատ աճել է 72 միլիոն դոլարով:

Ներկայացված թվերը խոսում են այն մասին, որ ոչ թե Հայաստանն է  գրավել «170 միլիոնանոց» շուկան, այլ տեղի է ունեցել ճիշտ հակառակը՝ «170 միլիոնանոց» ԵՏՄ-ն գրավել է Հայաստանի 3 միլիոնանոց շուկան:

Տպել
1279 դիտում

Պաշտպանության նախարարը հանդիպել է «Դիտակետ» ծրագրի աշխատանքներում ներգրավված անձնակազմին

Երեկ Երեւանում տեղի ունեցած միջադեպի գործով երեք անձ է բերման ենթարկվել

Երրորդմասցի Լյովիկի եւ նրա երկու ընկերների սպանության գործով ընթերական անհետացել է

ՀՀ զինուժը զորավարժություններ է անցկացրել «Սմերչ» համակարգերի մարտական կրակով

Արցախի նախագահ Բակո Սահակյանը ներկայացրել է գերատեսչությունների նորանշանակ ղեկավարներին

Թույլ գնաճային ազդեցություններ. ԿԲ-ն վերաֆինանսավորման տոկոսադրույքը թողել է անփոփոխ՝ 6%

Լոնդոնի մետրոյում տեղի է ունեցել փոքր հզորության պայթյուն

Կիպրոսում վստահեցնում են՝ հայերենը Կիպրոսի պատմության եւ մշակույթի անբաժանելի մասն է

Էրդողանը սպառնում է քրդերին. «Մենք կարող ենք գալ հանկարծակի՝ գիշերը»

Բանակից խուսափած եւ արտերկիր մեկնածները կարող են վճարել 1.8 մլն դրամ եւ վերցնել զինգրքույկ

Արտաշատում ՀՀԿ-ի թեկնածուն կլինի Կարեն Բենիամինյանը

«Կամրջելով պատմությունները». հայ եւ թուրք երիտասարդ լուսանկարիչների նոր համատեղ աշխատանքը

«Հայաստան- Իրաք հարաբերությունների դաշտը խիստ փոխշահավետ է». Դավիթ Լոքյան

«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

Թագը վերադարձրել են Միսս Արմենիայի կազմակերպիչները.«Արտյոմսը» հակարդաձում է հասարակությանը

1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

Փայլանն աջակցություն է հայտնել «Ջումհուրիյեթ»-ի դատավարությունով անցնող թուրք լրագրողներին

Մենք շահագրգռված ենք ներմուծել հայկական մրցունակ ապրանքներ. Իրանի գյուղնախարար

Շարմազանովը Սերգեեւի հետ քննարկել է ԱՊՀ տարածաշրջանում ինտեգրացիոն գործընթացները

«Անհարգալից վերաբերմունք». ԱլԳ Հայաստանի պլատֆորմը քննադատել է վիզա կենտրոնների աշխատանքը