«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

26/09/2017 schedule16:40

Հայաստանում ու աշխարհում մեծ  ճանաչում գտած, Սուպեր Սաքոյի եւ Սպիտակցի Հայկոյի «Մի գնա» երգը յութուբյան պաշտոնական էջում 100 միլիոնից ավելի դիտում ունի (հոլովակը յութուբում տեղադրվել է 2016 թվականի օգոստոսի 17-ին): Երգի հեղինակ Արտակ Արամյանի խոսքով՝ նման դիտելիություն նման ժամանակահատվածում Հայաստանի պատմության մեջ դեռեւս չի արձանագրվել: Armtimes.com-ը զրուցել է երգի հեղինակ, վանաձորցի Արտակ Արամյանի հետ

- Արտակ, ինչպե՞ս ծնվեց «Մի գնա» երգը:

- Երգը ծնվել է 6 տարի առաջ: Այն ժամանակ ես ինքս, փնտրեցի Սուպեր Սաքոյին, որ ինքը կյանքի կոչի, սակայն այնպես ստացվեց, որ կապ չհաստատվեց, հետո «բարի մարդիկ» խանգարեցին…Երգը ես երգեցի, բայց ոչ պրոֆեսիոնալ գործիքավորումով ու 2013թ-ին տեղադրեցի համացանցում: ՌԴ-ից ընկերս խնդրեց, որ երգի, թույլատրեցի, հետո իմ լավագույն երգերի կատարող, սիրված երգիչ Արսեն Հայրապետյանը ցանկացավ երգել, էլի թույլատրեցի: Ու մի օր Սուպեր Սաքոն ֆեյսբուքյան իմ էջին գրեց ու խնդրեց թույլատրել, որ ինքը երգի: Ես, բնականաբար, թույլատրեցի, քանի որ ի սկզբանե երգը գրել էի նրա համար: Չմերժեցի, պրեմիերան արվեց 2016թ-ի օգոստոսին՝ Սպիտակցի Հայկոյի ու Սուպեր Սաքոյի կատարմամբ:

- Նման արդյունքի սպասու՞մ էիք:

- Որ նման բուռն արձագանք կստանար ու անգամ  այն պետությունների կողմից, որոնց հետ անգամ դիվանագիտական հարաբերություններ չունենք, չէի սպասի…անգամ նման մի պետությունում  որոշել են այս երգը տարվա հիթ ճանաչել: Ես ցեղասպանության անմեղ զոհերին նվիրված էլ երգ ունեմ 4 լեզվով…Ես տխուր չեմ, որ Թուրքիայում լսում են այս երգը… Հպարտ եմ, որ նմանատիպ պետություններն են փաստում, որ այս երգը հայկական երգ է: Ես հպարտ եմ, որ այս երգը  իմ ստեղծածն է:

- Ի՞նչ փոխեց «Մի գնա» երգը Ձեր կյանքում:

- Նախ լավ ու դրական էմոցիաներ տվեց ինձ, ստեղծագործելու եւս մեկ ուժ տվեց ինձ:  Ցանկացած ստեղծագործողի համար  ցանկացած արձանագրած հաջողություն նոր ուժ է…

- Ի՞նչ պլաններ կան ապագայում:

Ես պլանավորված չեմ ապրում, տեսնենք, թե ոնց կլինի: Խոսակցություններ են շրջանառվում, թե այս երգից հետո ինձ շքեղ առանձնատուն ու ամենագնաց  են նվիրել, բայց դրանք հերյուրանքներ են: Ինչ գնով, որ երգը վաճառել եմ երգիչների վրա, «Մի գնա»-ից հետո որեւէ փոփոխություն չեմ արել, մինչեւ «Մի գնա»-ն ոնց ապրել եմ, այդպես էլ հիմա եմ ապրում:

- Հեղինակային իրավունքը պահպանվու՞մ է, խախտումներ չեն արձանագրվո՞ւմ:

- Ես երգը լիովին վստահել եմ Սուպեր Սաքոյին, հեղինակային որեւէ իրավունք չի խախտվել: Նման հարցերով ինքն է զբաղվում:

- Ունե՞ք գրած մի այնպիսի երգ, որ գոնե այս երգի 80 տոկոս հաջողությունը ունեցած լիներ այսքան կարճ ժամանակում:

- ՀՀ-ի ոչ մի երգահան, ոչ մի կոմպոզիտոր ու գուսան դեռ չեն գրանցել նույնիսկ այս երգի 20 տոկոսը: Ոչ մի այսպես կոչված աստղ նման հաջողություն չի գրանցել նման կարճ ժամանակահատվածում: Նման նախադեպ չի եղել ոչ դիտելիության, ոչ էլ ճանաչվածության մասով: Հայկական երգերը մեծ մասամբ լսում են միայն հայերը,  բայց համընդհանուր, որ նման տարածում կունենար՝ Սինգապուր, Չինաստան, Թուրքիա ու ոչ միայն…Նման բան չէր եղել: Լրագրողները մի պահ գրեցին, որ մինչեւ թուրք երգիչը չերգեց, երգը հայտնի չդարձավ: Նախ՝ դա աբսուրդ է, եւ երկրորդ, երբ թուրք երգիչը երգեց, յութուբում մեր դիտումների քանակը 23 մլն-ից ավելի էր:

-Ըստ Ձեզ, որն էր երգի հաջողության գաղտնիքը:

- Թիմային աշխատանքը…երգը գրելուց մինչեւ գործիքավորում ու կատարում…սա մեր բոլորիս թիմային աշխատանքի արդյունքն էր, որը ստացվեց:

-Ունե՞ք ավելացնելու ինչ-որ  բան

- Թող «Մի գնան» եւս մեկ շարժառիթ հանդիսանա, որ նախ իմ մասին իմանան, հետո էլ Հայաստանի, ես տարբեր երգեր ունեմ գրած: Ինձ համար հպարտություն է, որ թուրքը բարձրաձայն արտաբերում է Հայաստան անունը, ու թող մեծախոսություն չդիտվի, բայց մի շարք պետություններ էլ այս երգի միջոցով իմացան, որ գոյություն ունի Հայաստան պետություն: Սպիտակ քաղաքի հիմն է իմ գրած երգը, ու երբ մարդիկ ինձ ճանաչեն, այլեւս չեն ասի, թե ես թուրքական մոտիվներով գրող երգահան եմ:

Տպել
9866 դիտում

Խոջալու. ինչպես է դա եղել. ադրբեջանցիները տղամարդավարի պարտվել չգիտեն

Կոալիցիայի ընթացքը. ամեն ինչ էլ հնարավոր է

Ասողին լսող չկա. գրում են ընթերցողները

ԵԼՔ-ն անցկացրեց պատմական լսումներ, որի մասին ԱԺ միջանցքներում միայն շշուկներով էին խոսում

«Գյումրի» բժշկական կենտրոնի բժիշկների ծեծկռտուքի գործով քրեական գործ է հարուցվել

Դանդաղ գործողության իշխանություն. Լիլիթ Ավագյանի հոդվածը

Երեւանը գրավելը զառանցանք չէր. քաղաքագետը՝ Սարգսյանի մյունխենյան բացթողումների մասին

Զինծառայող Ստեփան Ստեփանյանի մահվան նախնական պատճառը թունավորումն է

Սերժ Սարգսյանը չի կարող այս հարցին լուծում տալ․ Արագած Ախոյան

Կրթության տեսչության 12 աշխատակից ահազանգում է գործազուրկ դառնալու մասին

Ողբերգական դեպք Լոռիում. ձորն ընկած մեքենայի մոտ հայտնաբերվել է դի (լուսանկարներ)

Արտավազդ Փելեշյանը 80 տարեկան է. հոբելյանական երեկոյին ներկա է Ս. Սարգսյանը (լուսանկարներ)

«Աէրոֆլոտ օփեն»-ում Տիգրան Պետրոսյանը հարյուր տոկոսանոց արդյունք ունի

Երուսաղեմում ԱՄՆ-ի նոր դեսպանատունը կգործի այս մայիսից

Հայազգի Լիլիթ Խառատյանը հաղթել է «Ռուսաստանի տաղանդները» համառուսաստանյան մրցույթում

3 տարի անց Երեւանում հանդիպեցին ՀՀ եւ Մադագասկարի Արտաքին գործերի նախարարները

Հանրային այգու ծառերը կտրվել են եւ այն դարձել է ազդեցիկ հոր զավակի սեփականությունը

ՀՀԿ-ում խառն են, մոռացել են, որ այս տարի պիտի համագումար անեն

Սիրիայում գնդակոծության թիրախում Դամասկոսի հիվանդանոցներն են

Ներքաղաքական ակտիվ զարգացումներ կլինեն, ի՞նչ է սպասվում ապրիլին ընդառաջ