Պայթյունավտանգ օբյեկտ՝ Եղվարդում. բնակիչները դեմ են «Արմօյլ»-ի նախագծին (տեսանյութ)

Երեւան քաղաքից մի քանի կիլոմետր հեռավորության վրա՝ Կոտայքի մարզի Եղվարդ քաղաքի վարչական տարածքում, «Արմօյլ» ընկերությունը մեծ թափով շինարարություն է սկսել: Նախատեսված է իր տեսակի մեջ առաջին նավթամթերքի վերամշակման գործարանը կառուցել Հայաստանում: Գործարանի կառուցմանը դեմ են Եղվարդի Նատի անունը կրող թաղամասի բնակիչները՝ մոտ 80 ընտանիք, որոնց տներից մոտ 50 մետր հեռավորության վրա է կառուցվում գործարանը:

Բնակիչները armtimes.com-ի խմբագրություն էին դիմել նամակով եւ կցել էին մի քանի տասնյակ բնակչի ստորագրություն: Նույն նամակն ուղարկվել է նաեւ վարչապետին, բնապահպանության նախարարին, գյուղատնտեսության նախարարին, նախագահի վերահսկողական ծառայությանը եւ ԱԺ նախագահին:

Այսօր այցելեցինք Եղվարդ համայնք: Բնակիչները շինհրապարակի հարեւանությամբ՝ իրենց տների կողքին սպասում էին մեզ, եւ վրդովված ներկայացրեցին խնդիրը: «Նախորդ տարվանից սկսել են: Ոչ բնակիչներին, ոչ ոքի տեղյակ չեն պահել՝ ինչ գործունեություն են ծավալելու»,- ասաց թաղամասի բնակիչներից Արթուր Թումասյանը՝ նշելով, որ շինարարությունը սկսելուց հետո այս տարի երեք ամսով կասեցվել են շինաշխատանքները, որից հետո նորից սկսել են: Կասեցման պատճառների մասին էլ բնակիչները որեւէ բան չգիտեն, միայն վստահ են, որ իրենց տների մոտ կառուցվող շինությունը շինարարական նորմերին չի համապատասխանում: «Եթե նախատեսվում է յուղի արտադրություն, մենք բնակիչներով պետք է տեղյակ լինենք՝ յուղի արտադրությո՞ւն է, թե՞՝ ոչ: Կամ եթե յուղի արտադրություն լինի, բնակիչներ են ապրում, երեխաներ են ապրում, հրդեհավտանգ է: Պայթյուն եղավ, ծուխ եղավ, յուղն այրվելու է երեխաներին ի՞նչ ենք անելու»,- ասաց Արթուր Թումասյանը:

Եղվարդի բնակիչ Հրաչ Սամսոնյանն էլ նշեց, որ որեւէ մեկին չեն տեղեկացրել, թե ինչ է կառուցվում: «Տեսեք՝ հազարավոր տոննաներ՝ բնակավայրի մեջ»,- ասաց Հրաչյա Սամսոնյանը: Նույն թաղամասի բնակիչ Զոյա Հարությունյանն էլ շարունակեց. «Ես մարդ եմ չէ՞, ուզում եմ, ասենք, հանգստանամ, եթե ոչ մի բան էլ չլինի արդեն այս տրակտորի ձայնն ինձ հերիք է: Բերում են լցնում են հողը, ամբողջ օրը փոշի ենք կուլ տալիս, լողանում ենք սեւ ցեխ է թափվում մեր վրայից»,- նշեց Հարությունյանը: Բնակիչները պահանջում են դադարեցնել շինարարությունը եւ առաջարկում են, որպեսզի նավթամթերքի վերամշակման գործարանը տեղափոխեն այլ վայր:

Հավաքվածներից մեկն էլ շինարարության սկսման օրինականության մասին է հարց բարձրացնում: «Սովորաբար, եթե շինարարությունն ընթանում է, նախ փակում են տարածքը, կողքը գրված է լինում, թե ինչ կառույց է, ինչ տեսք է ունենալու եւ ինչի համար է ծառայելու, ոչ մի բան չկա: Մենք չգիտենք էլ, թե ինչի դեմ ենք պայքարում, ուղղակի ասեկոսեների վրա ենք հիմնված՝ կամ պահեստավորման կետ է լինելու կամ վերամշակում: Երկուսն էլ անընդունելի տարբերակներ են»,- ասաց Ժենյա Մկրտումյանը:

Դիտարկմանը, որ բնակիչների ստորագրություններով նամակում նշված էր, որ «Արմօյլ» ընկերության այս գործարանի ներդրողներից մեկը ԱԺ պատգամավոր Գագիկ Ծառուկյանն է, բնակիչներից Արթուր Թամասյանն արձագանքեց. «Մենք այդ տեղեկությունները չենք կարող համարել հավաստի, բայց համոզված ենք, որ այն ժամանակ, երբ կառույցը կանգնել է եւ չեն շարունակել շինարարությունը, իմացանք, որ Գագիկ Ծառուկյանը 50 տոկոս ներդրում ունի այս բիզնեսի մեջ, այդ ժամանակ շարունակվեց շինարարությունը»:

Եղվարդի քաղաքապետ Նորայր Սարգսյանը տեղին չի համարում բնակիչների անհանգստությունը եւ չի կիսում նրանց կարծիքը: «Այն կարծիքը, որ այդ տարածքում կառուցվում է նավթամշակման գործարան, իրականությանը չի համապատասխանում: Այնտեղ կառուցվում են պահեստներ, ինքնին վերամշակման գործարան չի»,- armtimes.com-ի հետ զրույցում ասաց քաղաքապետը՝ նշելով, որ կառուցապատողի նախագիծը փորձաքննություն է անցել, դրական եզրակացություն է ստացել եւ բոլոր փաստաթղթերը շինարարության համար կառուցապատողի մատ կան:

Նորայր Սարգսյանի խոսքով՝ ներդրողի հետ քաղաքապետարանը պայմանավորվածություն է ունեցել, որ գործարանի կառուցումից հետո պետք է աշխատատեղերի մի մասը լրացվի Եղվարդի բնակիչներով: «Ես խնդրել եմ, որ մաքսիմում աշխատողները պետք է լինեն մեր համայնքի բնակիչները: Այդ պայմանավորվածությունը կառուցապատողի հետ ի սկզբանե ունեցել ենք»,- ասաց Եղվարդ համայնքի ղեկավարը՝ նշելով, որ ներդրողի տվյալներով, երբ սկսեն ամբողջ հզորությամբ աշխատել 250 աշխատատեղ են ունենալու: Քաղաքապետը դատելով շինաշխատանքների տեմպից կարծում է, որ հաջորդ տարի գործարանը կաշխատի:

Անդրադառնալով քաղաքաշինական նորմերի խախտմանը, որ ցուցանակ տեղակայված չէ տարածքում, Նորայր Սարգսյանն ասաց, որ սկզբում շինհրապարակը փակ էր, բայց երբ շինաշխատանքները դադարել են ցուցանակն ու պարիսպը հանվել է: Քաղաքապետն իրենց թերությունն էլ է տեսնում այդ հարցում:

Հարցին, տեղյա՞կ եք ովքեր են ներդրողները, քանի որ բնակիչներն ասում են, որ Գագիկ Ծառուկյանն է ներդրողներից մեկը, քաղաքապետը պատասխանեց. «Ես նման տեղեկությունների չեմ տիրապետում, որովհետեւ նախագծերը պատվիրել է այդ ընկերությունը (Արմօյլ), աշխատանքները կատարում է այդ ընկերությունը, թե հիմա ով մասնակցություն ունի որեւէ կազմակերպություն կամ անհատ, ես տեղեկություն չունեմ»:

«Արմօյլ» ընկերության պաշտոնական կայքից էլ տեղեկանում ենք, որ Եղվարդ քաղաքում շարունակվում են «Արմօյլ» ընկերության նավթամթերքի վերամշակման գործարանի մեծամասշտաբ շինարարական աշխատանքները: «Գործարանի բացումը պլանավորվում է կատարել 2017թ.-ին, այդ իսկ պատճառով շինարարական աշխատանքները ընթանում են ամբողջ ուժով: Շուտով Հայաստանի Հանրապետությունը կունենա միջազգային ստանդարտների համապատասխան նավթամթերքի տեղական արտադրանք, որը հանդիսանում է «Արմօյլ» ընկերության հիմնական նպատակներից մեկը»,- նշված է ընկերության կայքում: Մենք փորձեցինք «Արմօյլ»-ից տեղեկանալ, թե արդյո՞ք բնապահպանական խնդիրներ չի առաջացնի գործարանը, արդյո՞ք հենց նավթամթերքի մշակմամբ են զբաղվելու, եւ ճի՞շտ են այն լուրերը, որ ներդրողներից մեկը ԱԺ պատգամավոր Գագիկ Ծառուկյան է: Ընկերությունից խոստացան մեր հարցերին պատասխանել ավելի ուշ:

Ազգային Ժողովի «Ծառուկյան» խմբակցության պատգամավոր, «Գագիկ Ծառուկյան» բարեգործական հիմնադրամի տնօրեն Իվետա Տոնոյանը մեր զրույցում ասաց, որ ոչ Գագիկ Ծառուկյանը, ոչ էլ իր ընկերությունները ներդրումներ չեն կատարել «Արմօյլ» ընկերությունում:

Առավել մանրամասն՝ տեսանյութում:

Տպել
7225 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ