Վիգե՛ն, մի րոպե՛. ՊՆ նախարարը հունից դուրս է եկել, վարչապետը՝ հանդարտեցրել (տեսանյութ)

Երեկ կառավարությունում տեղի ունեցած վարչապետ-նախարարներ-ուսանողներ քննարկման ժամանակ միջադեպ է գրանցվել, որից հետո պաշտպանության նախարար Վիգեն Սարգսյանը որոշ հարցերի էլ պատասխանել է եւ լքել քննարկումը՝ այլ հանդիպման գնալու պատճառաբանությամբ: 

Տեսանյությում երեւում է, որ դասադուլի կազմակերպիչներից Դավիթ Պետրոսյանը քննարկման ժամանակ փորձել է արձանագրել այն փաստը, որ իրենց նախապես չի ասվել, որ հանդիպմանը ներկա են լինելու  նաեւ նախարարները: «Եղբայր, երբ որ մենք գալիս էինք, դու մեզ չասեցիր, որ  պաշտպանության նախարարն էլ է այստեղ եւ կրթության եւ գիտության նախարարը: Մեզ ասվեց, որ մենք վարչապետի հետ ենք հանդիպում: Այստեղ ես մեկ բան էլ եմ ուզում ֆիքսենք շարժման, մեր նախաձեռնության համար, մենք շար ուրախ ենք այս հանդիպման համար, բայց մենք ստիպված ենք մեր ամեն մի քայլը կանխորոշել եւ միանգամից ուզում եմ ասել, որ սա մենք չենք դիտարկում մեր բոլոր հարցերի պատասխան»,- ասաց Դավիթ Պետրոսյանը` դիմելով հանդիպումը կազմակերպած վարչապետի օգնական Արամ Վարդեւանյանին: Վարչապետ Կարեն Կարապետյանը հետարքրվեց, թե ինչո՞վ է խանգարում ներքեւմ չտեղեկացնելու փաստը եւ նշեց, որ հանդիպելու նախաձեռնությունը եւ նախարարներին հրավիրելու միտքը իրենն է եղել:

«Էս ուղղակի պրոցեսի վրա խաղալու փորձ է, աչքիս վերեւն էլ ունք կա»,- միջամտեց պաշտպանության նախարար Վիգեն Սարգսյանը: «Մի րոպե, Վիգեն, մի րոպե»,-  վարչապետն ընդհատեց նախարարին ու հարց ուղղեց ուսանողներին, թե ի՞նչ կիրառական արդյունք ունի այդ հանագամանքը: «Հիմա արտահայտում ես՝ մենք պետք է ֆիքսենք, չենք համարում, որ սա հանդիպում է: Բա սա ի՞նչ է, մենք մեր գործից կտրված նստած ենք, բա սա ի՞նչ է»,- հարցրեց  Կարեն Կարապետյանը:

Դավիթ Պետրոսյանը հիշեցրեց, որ կրթության նախարարն ասել է, որ եթե  ուսանողները գնացել են ԿԳՆ, էլ ՊՆ-ի հետ քննարկման գնալու կարիք չկա: ՊՆ մամուլի խոսնակ Արծրուն Հովհաննիսյանն էլ լրատվամիջոցներին ասել է, որ ուսանողների հետ հանդիպում նախատեսված չէ: «Այսինքն՝ դուք ասում եք, որ մեր հետ չեք հանդիպելու, այսօր մենք իրար հետ հանդիպում ենք»,- ասաց Դավիթ Պետրոսյանը:

Պաշտպանության նախարարը կտրուկ արձագանքեց. «Դավիթ, դա դեմագոգիա է: Որակավորում եմ նենց, ոնց որ ուզում եմ: Դուք հիմա զբաղվում եք դեմագոգիայով, ճիշտ չի: Ես հասկանում եմ, որ դուք հիմա շատ ոգեւորված եք, բայց պետք է մի բան հաշվի առնեք…»: Կարեն կարապեյանը կրկին ընդհատեց պաշտպանության նախարարին. «Վիգեն, մի րոպե, եկեք…»: Վիգեն Սարգսյանը համառեց. «Չէ, պարոն վարչապետ, մի վայրկյան, մենք մի բան գիտենք…»: Կարեն Կարապետյանը ձեռքը պարզած ընդհատեց Վիգեն Սարգսյանին. «Եկեք մեկս մյուսին հարգենք, եթե եկել ենք ամեն մեկս մեր ասելիքն ասենք ու վեջացնենք, եկեք դադարեցնենք՝ մեկ»: Վիգեն Սարգսյանը սրանից հետո սկսեց սեղանի վրա նյարդային պտտեցնել իր գրիչը:

Վարչապետ Կարեն Կարապետյանը հիշեցրեց, որ նախապես պայմանավորվել էին էմոցիոնալ չխոսել: Դավիթ Պետրոսյանը փորձեց մեղմել իրավիճակը: «Ես ընդունում եմ, եթե սա դեմագոգիա է, կներեք, պոպուլիզմ եմ ես անում, եթե դուք այդպես եք մտածում, եւ քանի որ սա առարկայական չի, ես ընդունում եմ: Արձանագրենք: Սրա հետ կապված՝ էլ չեմ շարունակում»,- ասաց Դավիթ Պետրոսյանը՝ նշելով, որ շարժման ընթացքում իրենք որդեգրել են սկզբունք, որ շարժման  կլինեն հարցեր, որտեղ փոխզիջման կգնան:

Պաշտպանության նախարարը փորձեց արձագանքել, բայց վարչապետ Կարեն Կարապետյանը զգուշացրեց, որ առանց գնահատականների խոսի նախարարը: «Մենք գնահատակ ենք տալիս, երբ որ տեղ է լինում: Երբ որ չի լինում, ի՞նչ գնահատական»,- ասաց Վիգեն Սարգսյանը:

Բովանդակային քննարկման ժամանակ ուսանողներից մեկն էլ նկատեց, որ եթե իրենք 18 տարեկանում չեն ծառայել եւ կրթությամբ են զբաղվել, ապա նշանակում է, որ այդ տարիքում զորակոչվելը չի եղել իրենց պլանների մեջ: Վարչապետը հետարքրվեց, թե ինչու՞ ծառայելը չի մտել իրենց պլանների մեջ, սակայն Վիգեն Սարգսյանը շտապեց պատասխանելլ. «Էդ ուրիշ բան է, եթե չի մտնում, դա ուրիշ խոսակցություն է»: Կարեն Կարապետյանն էլ շարունակեց, որ եթե ուսանողների ծրագրերում չի մտնում չծառայելը, բա ո՞վ պետք է գնա ծառայության:

Դավիթ Պետրոսյանը միջամտեց. «Հիմա ո՞վ է պոպուլիզմ անում, դուք հիմա մանիպուլացնում եք»: Վիգեն Սարգսյանն արձագանքեց. «Դուք, եթե ձեր խնդիրը ձեր չծառայելն է, ես ձեր հետ քննարկելու բան չունեմ»: Պաշտպանության նախարարը նկատեց, որ ուսանողներից Հայկը ասել է, որ իր պլանների մեջ չի մտել ծառայելը, հակառակ դեպքում կծառայեր: Դավիթ Պետրոսյանը հակադարձեց. «Ձեր պլանների մեջ մտնում է՞ր, դուք ձեր պլանների մասին 18 տարեկանում ամբողջովին իմացել ե՞ք կամ ով որ իր պլանների մասին ամբողջովին չիգիտի, նա քննադատման ենթակա է՞»:

Նախարարն ասաց, որ եթե պետք է ուսանողների անձնական դեպքերը քննարկեն, ապա չի կարծում, որ այդ քննարկմանը պետք է վարչապետն ու երկու նախարար մասնակցեն: Ուսանողները փորձեցին Վիգեն Սարգսյանին հարցեր ուղղել, սակայն վարչապետն  ասաց, որ Լեւոն Մկրտչյանն ու Վիգեն Սարգսյանը ժամը 5-ին հանդիպումներ ունեն: «Ես ձեզ հետ 15-20 րոպե կշարունակեմ, եւ խնդրենք մեր գործընկերներին՝ իրենք…»,- խոսքը կիսատ թողեց Կարեն Կարապետյանը, շրջվեց դեմքով Վիգեն Սարգսյանը եւ հասկացրեց, որ պետք է դուրս գան քննարկումից: Պաշտպանության նախարարն էլ արագ նայեց ժամացույցին եւ պատրաստվեց հեռանալ:

Ստորեւ քննարկման վերը նկարագրված հատվածի տեսագրությունն է:

Տպել
21654 դիտում

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն

Արտահերթ ընտրությունները սահմանադրական ճգնաժամի հաղթահարման միակ ճանապարհն է, խախտված է ԱԺ մեծամասնությունը. ԲԴԽ նախագահ

«Քվազի-համամասնական» ցուցակներն ապացուցեցին իրենց մանիպուլյատիվ բնույթը. Արարատ Միրզոյանը՝ Վենետիկի հանձնաժողովում

Դուք պետք է տեսնեք, որ դուք հաղթեցիք, ոչ թե փողը կամ լավ ախպերությունը. Ն. Փաշինյանը՝ Կապանում

«Քոնթուր Գլոբալ Հիդրո Կասկադ» ՓԲԸ-ի կողմից կազմակերպված աճուրդի մասին հրապարակային ծանուցում

Ի հիշատակ Արա Գյուլերի թուրք վիրտուոզ ջութակահարը նվագել է Կոմիտասի «Կռունկ»-ը

Նա պետք է ծառայի ժողովրդին, այլ կերպ լինել պարզապես չի կարող. Ն. Փաշինյանը՝ Հունան Պողոսյանի նշանակման մասին

Հունան Պողոսյանը հորս չի հարվածել. Շահեն Հարությունյան

Եւս մի նոր կուսակցություն է ստեղծվում, որը կմասնակցի առաջիկա խորհրդարանական արտահերթ ընտրություններին