ՇՊՀ-ում ՀՀԿ-ական ռեկտորն ընկերոջը պրոռեկտոր է նշանակել, վտանգված է Ֆարմանյանի քրոջ պաշտոնը

ՀՀԿ-ական Սահակ Մինասյանի կողմից ղեկավարվող Շիրակի պետական համալսարանում սկանդալային իրավիճակը չի հանդարտվում: Քիչ առաջ համալսարանի դասախոս Գագիկ Համբարյանի Ֆեյսբուքի էջից տեղեկացանք, որ ռեկտոր Մինասյանի հետ տարաձայնությունների եւ վիրավորանքների պատճառով սեփական դիմումի համաձայն աշխատանքից ազատվել է ուսումնական գծով պրոռեկտոր Բագրատ Պողոսյանը:  Բարձրացված աղմուկի պատճառով Սահակ Մինասյանը Բագրատ Պողոսյանին նշանակել է բնագիտամաթեմատիկական ֆակուլտետի դեկանի ժ/պ:

ՇՊՀ-ում ստեղծված իրավիճակի շուրջ armtimes.com-ը զրուցեց բուհի մյուս պրոռեկտոր Անահիտ Ֆարմանյանի հետ: Նա տեղեկարեց, որ չգիտի, թե Պողոսյան ինչ պատճառով է հրաժարվել պաշտոնից:

«Ես էլ եմ առավոտ տեղեկացել, որ Բագրատ Պողոսյանը իր դիմումի համաձայն դուրս է եկել աշխատանքից: Երեկ ամբողջ օրը Բագրատի հետ աշխատել ենք, եւ ես նրա մոտ չեմ տեսել աշխատանքից դուրս գալու ցանկություն: Նա շատ դաստիարակված մարդ է, հնարավոր չէ նրանց լսել՝ կշտամբանք եղել է, թե՝ ոչ:  Ես չգիտեմ, թե ինչ են նրանք խոսել եւ որն է դուրս գալու պատճառը»,- ասաց նա:

Հարցին, թե համալսարանում դեռ շարունակվում է պահպանվել լարված իրավիճակը, Ֆարմանյանն ասաց.

«Ինչպե՞ս եք պատկերացնում, որ այսքան մեծ կառույցում ցնցումներ լինելուց հետո մթնոլորտը լարված չլինի: Այսօրվա Բագրատի ազատման պատճառով էլ ամբողջ վարչական մասը լալիս է»:

Ստեղծված իրավիճակի վերաբերյալ Շիրակի պետական համալսարանը պաշտոնական հաղորդագրություն է տարածել՝ Պողոսյանի անունից, որում ասվում է.

«Տեղեկացնում եմ, որ իմ աշխատանքից ազատվելու մասին հրապարակումները չեն համապատասխանում իրականությանը: Պրոռեկտորի պաշտոնից ազատվելու որոշումը կայացրել եմ ես, այդ մասին դեռևս ուսումնական տարեսկզբին բազմիցս խնդրել եմ ռեկտորին: Ցանկանում եմ առավել շատ ժամանակ տրամադրել գիտական գործունեությանը, մասնակցել միջազգային ծրագրերի: Իսկ ֆակուլտետի դեկանի պաշտոնին համաձայնվել եմ, քանի որ վերջինս համեմատաբար թեթև ծանրաբեռնված աշխատանք է: Բացի այդ հնարավորություն կունենամ ուսանողների հետ ծավալել գիտամանկավարժական աշխատանք»:

Պողոսյանը armtimes.com-ի հետ զրույցում չցանկացավ մանրամասնել, թե ինչու է ազատման դիմում գրել, միայն նշեց, որ իր փոխարեն պրոռեկտոր է նշանակվել բնագիտամաթեմատիակակն ֆակուլտետի դեկանը: Մեր աղբյուրների փոխանցմամբ վերջինս ռոկտոր Սահակ Մինասյանի մտերիմն է:

«Սահակ Մինասյանը մեկ օրվա մեջ՝ երեկ իրիկուն Բագրատին ազատել է աշխատանքից: Այդ հայտարարությունը, որ տարածել են, թե ուզում է գիտության ոլորտում աշխատել, դա ի՞նչ է նշանակում, վերցնել մեծ ֆակուլտետը, որտեղ կա 2-3 ամբիոն եւ 100 դասախոս: Այստե՞ղ է ավելի հեշտ աշխատել, թե՞ լինել պրոռեկտոր, որի դեպքում ունի 8 օգնական: Դա զուտ պաշտոնական էջ է, որը վերահսկվում է Մինասյանի կողմից: Մինասյանը ցանկություն ունի ուսումնական պլանի թերությունների համար մեղադրել Բագրատին, որ հետո ասի՝ տեսք, պատժեցի, պաշտոնից հանեցի: Բագրատը երեք երեխա ունի, միայն ինքն ու կինն են աշխատում, խնամքին է նաեւ մայրը: Կնոջ աշխատավարձը շատ քիչ է, եթե հիմա Բագրատը կրճատվի աշխատանքից, վատ կլինի իր համար, դար համար ստիպված դեկանի աշխատանքը ընդունել է, բայց այդտեղ էլ քիչ կմնա»,- ասաց մեր աղբյուրը:

Պողոսյանի փոխարեն պռոռեկտոր նշանակված Երվանդ Սերոբյանի մասին մեր աղբյուրն ասաց.

«Նա Մինասյանի ընկերն է, բերվել է շատ արագ համալսարան, կանոնադրությունը շատ արագ փոխվել է: Նա հինգ տարվա ստաժ չունի: Մեկ այլ կանոնադրություն խախտելով էլ փոխպրոռեկտոր է նշանակվել Ավետիսյան Նազելին, բայց նման հաստիկ չկա»,- հայտնում է մեր աղբյուրը:

Մինասյանը մեր զանգերին չպատասխանեց: Armrimes.com-ն արդեն գրել էր այն մասին, որ Սահակ Մինասյանը վայելում է ՀՀԿ-ական պատգամավոր Արման Սահակյանի բարձր հովանավորությունը, որի արդյունքում էլ իր քավորին, սանիկին եւ այլ հարազատների աշխատանքի է ընդունում բարձր աշխատավարձերով:

Մեր աղբյուրը նաեւ տեղեկացրեց, որ Մինասյանը աշխատանքից ցանկանում է ազատել նաեւ ՀՀԿ-ական պատգամավոր Սամվել Ֆարմանյանի քրոջը՝ պրոռեկտոր Անահիտ Ֆարմանյանին: Այս տեղեկության վերաբերյալ սակայն չկարողացանք Անահիտ Ֆարմանյանից մեկնաբանությւոն ստանալ: Նա այլեւս չպատասխանեց մեր զանգերին:

 

Տպել
4826 դիտում

Համացանցում ծաղրում են Քիմի 3-րդ երեխայի անունը

Սոչիում դրամ շորթելու գործով ձերբակալվել է «Ռոբսոն»-ից հարցազրույց վերցրած բլոգերը

Երեւանի Սարյանի պուրակում գործող նկարների տոնավաճառը փակման վտանգի տակ է

Մարգարիտա Սիմոնյանը պատմել է, թե ինչու է Պուտինն իրեն վստահում

ՀՀ ՊՆ-ն ժամանակ է խնդրել. Հացպանյանին կհուղարկավորե՞ն Եռաբլուրում

ՀՀԿ-ն չի մասնակցի Մարտի 1-ի 10-րդ տարելիցի երթին, փոխարենը՝ ուշադիր կհետեւի

Եվրատեսիլյան Wiwibloggs կայքում «Դեպի եվրատեսիլ»-ի առաջատարը Թամար Կապրելյանն է

ՀՀ վարչական վերաքննիչ դատարանում դատավորների նոր կազմ է նշանակվել

ԿԲ-ն հուշագիր է ստորագրել Արժեթղթերի հանձնաժողովների միջազգային կազմակերպության հետ

25-ամյա Կամոյի եւ 20-ամյա Հռիփսիմեի ընտանիքում եռյակ է ծնվել՝ Գոհարը, Աշոտը եւ Ալենը

Facebook-ը ԵՄ-ի երկրներում 3 կենտրոն կբացի ու արհեստական ինտելեկտի մշակումներով կզբաղվի

Արմեն Սարգսյան մարդը, դիվանագետը բարձր տպավորություն է թողել մեզ վրա. Դավիթ Բաբայան

Կարտոֆիլը կառավարությունը չի թանկացրել, գյուղացին է թանկացրել. Աղվան Վարդանյան

ԵԼՔ-ը կհանդիպի ՀՀԿ-ի նախագահի թեկնածու Արմեն Սարգսյանի հետ. Արարատ Միրզոյան

Մենք քեզ երբեք չենք մոռանա. ՄՅՈՒ-ի երկրպագուները շնորհավորել են Մխիթարյանի ծննդյան օրը

Քաղաքացուն «բոշա» ասելու համար Վիգեն Սարգսյանի դեմ բողոք կուղարկվի Էթիկայի հանձնաժողով

ՍԱՊԾ-ն թույլատրել է Շիրակում եւ Սյունիքում երկու արտադրամասի վերսկսել աշխատանքը

Չգիտեմ՝ առավելությու՞ն է, թե՞ թերություն, Արմեն Սարգսյանի Հայաստանում չապրելը. Վարդանյան

Ամուլսարի ոդիսականը. ովքե՞ր են Լիդիանի «անկախ» փորձագետները․ ՀԲՃ

Մխիթարյանն իր ծննդյան օրը եղել է Լոնդոնում. բարձր տրամադրություն է ունեցել. թարմացվող