12 ամիս կտրվի գիշերային ակումբները շենքերից հանելու համար. փաբերը կմնան

Գիշերային ակումբները բազմաբնակարան շենքերին հարող հատվածներից հանելու վերաբերյալ վարչապետ Կարեն Կարապետյանի նախորդ տարի տված հանձնարարականից հետո օրենսդրական նախաձեռնության փաթեթ է պատրաստվել: Մի շարք օրենքներում փոփոխություններ կատարելու նախագիծն այժմ գտնվում է նախարարական կոմիտեում, եւ մի քանի օր հետո այն կհայտնվի կառավարության նիստի օրակարգում: Փաթեթի մշակմամբ զբաղվող աշխատանքային խմբում մի քանի ամիս է ներգրավվել է վարչապետի ավագ օգնական Արամ Վարդեւանյանը: «Հայկական ժամանակ»-ին տված հարցազրույցում Վարդեւանյանը որոշ մանրամասներ ներկայացրեց, թե ի՞նչ մեխանիզմներով են գիշերային ակումբները, կարաոկեները եւ այլ ժամանցի վայրերը դուրս բերվելու բազմաբնակարան շենքերից, եւ ի՞նչ լուծումներ են մշակվել, որպեսզի եւ բնակիչները գոհ մնան եւ գործարարները չտուժեն:

- Պարոն Վարդեւանյան, մենք գիտենք, որ մի քանի ամիս է ինչ դուք աշխատանքային խմբում եք, մինչդեռ հանձնարարականը մեկ տարի առաջ է տրվել: Վարչապետի հանձնարարականի վերաբերյալ ի՞նչ քայլեր են կատարվել մինչ օրս:

- 2017 թվականի հուլիսին ես ստացա ցուցում վարչապետից՝ մասնակցել աշխատանքներին: Խոսքը գնում էր օրենքի մշակման մասին: Մենք մեր գործընկերների հետ բավականին հետաքրքիր օրենսդրական աշխատանք ենք կատարել: Նոյեմբերի երկրորդ կեսին մենք արդեն ունեցանք օրենքի նախագիծը: Նախագիծը նախարարական կոմիտեում երեկ է քննարկվել:

- Ո՞ր օրենքում եք փոփոխություններ նախաձեռնել, թե՞ օրենսդրական փաթեթ է:

- «Առեւտրի եւ ծառայությունների մասին» օրենք ունենք, որով կարելի է ասել, ամբողջությամբ կարգավորվում են հանրային սննդի օբյեկտների, ծառայություն մատուցող օբյեկտների գործունեությունը: Փոփոխություններ ենք նախաձեռնել այդ օրենքում, «Վարչական իրավախախտումների մասին» օրենսգրքում, «Տեղական տուրքի մասին» օրենքում, «Տեղական ինքնակառավարման մարմինների մասին» օրենքում եւ «Երեւան քաղաքի մասին» օրենքում:

- Տնտեսվարողներին խիստ պատի՞ժ է սահմանվելու:

- «Վարչական իրավախախտումների վերաբերյալ» օրենսգրքով ենք այդ հարցը կարգավորել: Հեստապարային ակումբների տեղակայումը (ստրիպտիզ-բարերը-խմբ.) բազմաբնակարան շենքի բնակելի եւ ոչ բնակելի տարածքներում, ինչպես նաեւ պատմամշակութային հաստատությունների, հիվանդանոցների, պետական եւ ՏԻՄ-երի վարչական շենքերի տարածքներում օրենքի ուժով արգելվելու է: Խոսքը ոչ միայն հեստապարային ակումբների, այլեւ՝ դիսկոտեկների, կարաոկեների, շոգեբաղնիքների մասին է: Բազմաբնակարան շենքի բնակելի եւ ոչ բնակելի տարածքներում արգելելու ենք նման տեսակի ծառայություն մատուցող օբյեկտների գործունեությունը:

- Փաբերը, ռեստորանները չե՞ն մտնում այդ արգելքի տակ:

- Մենք ուսումնասիրում ենք, եւ լուծումը փորձել ենք տալ հաշվի առնելով՝ համաչափությունն ու ոսկե միջինը: Պատկերացնում ենք, որ ցանկացած քաղաք, տրամաբանական է, որ ունենում է սրճարաններ, ռեստորաններ: Բայց մենք պետք է հաշվի առնենք, որ այն օբյեկտներում, որոնք տեղակայվում են բազմաբնակարան շենքերում, ինչն էլ ենթադրում է՝ մարդկանց շատ ավելի մեծ հոսք, վարքագծային դրսեւորումներ են լինում, որ պարունակում են ակնհայտ ռիսկ վարչական կամ ընդհուպ մինչեւ քրեորեն հետապնդելի արարքների կատարման:

-Մենք գտել ենք, որ սրճարանի, ռեստորանի կամ փաբի աղմուկն էկվիվալենտ չէ այն աղմուկին, այն ռիսկայնությանը, որն առկա է գիշերային ակումբների, կարաոկենետրի, դիսկոտեկների գործունեության պարագայում:

Մենք հաշվի ենք առնում լռության պահպանման վերաբերյալ այժմ գործող վարչական իրավախախտումների վերաբերյալ օրենսգրքի կարգավորումները: Այդ հարցին լուծում ենք տալու օրենսգրքում փոփոխություններով: Այսօրվա կարգավորումները, որոնցով, աղմուկի համար առաջին անգամ որպես պատասխանատվության միջոց է սահմանվում նախազգուշացումը, ակնհայտորեն մեղմ է: Մենք պատկերացնում ենք, որ շատ ավելի խիստ պետք է լինի մոտեցումը: 23:00-ից ցանկացած օբյեկտի կամ նույնիսկ անձի կողմից լռության կարգի խախտումն առաջացնելու է լուրջ հետեւանքներ:

- Ենթադրենք՝ օրենքն ընդունվում է 2018 թվականին: Ո՞ւր են գնում գիշերային ակումբները, եւ մնացած ժամանցի օբյեկտները:

- Մենք նախատեսում ենք անցումային ժամկետ: Խոսքը գնում է օրենքն ընդունելուց հետո 12-ամսյա ժամկետի մասին: Ցանկացած նմանատիպ օբյեկտի սեփականատեր համայնքի ղեկավարի, քաղաքաշինության կոմիտեի հետ կարող է ընտրել իր օբյեկտի համար ցանկացած այլ վայր կամ փոխել իր գործունեության տեսակը, կամ էլ փակել: Դա իր որոշելիքն է: Մեկ տարի ժամկետը լավ լուծում է եւ կարծում եմ՝ մտահոգություն ունենալ պետք չէ: Մենք օրենքով նաեւ կնախատեսենք, որ նման օբյեկտի տեղափոխումը կամ ցանկացած այլ լուծում չպետք է լինի ի հաշիվ քաղաքացիների հանգստի իրավունքի: Բազմաբնակարան շենքից նման օբյեկտի գտնվելու հեռավորությունը հետագայում կսահմանվի ենթաօրենսդրական ակտերով՝ ավագանու որոշում եւ այլն:

- Քանի՞ գիշերային ակումբ, կարաոկե եւ շոգեբաղնիք կա, որ գտնվում է բազմաբնակարան շենքի տարածքում:

- Խոսքը գնում է 22 օբյեկտի մասին՝ 10 հեստապարային ակումբ, 2 դիսկոտեկ եւ 10 կարաոկե: Մի հետաքրքիր տվյալ էլ ասեմ: Երեւան քաղաքից դուրս մենք նման օբյեկտ չունենք, որը տեղակայված լինի բազմաբնակարան շենքի բնակելի կամ ոչ բնակելի տարածքում: Երեւան քաղաքից դուրս մենք նման խնդիր չունենք:

- Իսկ բիզնեսմենները, որոնք նման ծառայությունների մատուցմամբ են զբաղվում չե՞ն դժգոհում, թե այս ինչ եք անում, հազիվ մի կարաոկե ենք բացել եւ աշխատում ենք:

- Պատահական չէ, որ հանձնարարականը տրվել է տնտեսական զարգացման եւ  ներդրումների նախարարությանը: Նախարարությունն ուղղակի կապն ապահովողն է գործարար միջավայրի եւ տնտեսվարողների միջեւ: Տարված աշխատանքների ժամանակ դիմադրություն կամ կոշտ մոտեցում այս հարցով չի եղել, որովհետեւ յուրաքանչյուր նման գործունեություն ծավալող անձը պետք է իմանար, որ խնդիր ունի նաեւ բաժնային սեփականության հետ: Եթե մեր հասարակության իրավագիտակցության մակարդակը ավելի բարձր լիներ, ապա հավատացած եղեք մի քանի դատական գործ էինք ունենալու, որով վիճարկվելու էր նման օբյեկտների առհասարակ տեղակայման որոշումը բազմաբնակարան շենքերի տարածքներում՝ անկախ այս օրենքի լինելուց կամ չլինելուց:

Տպել
8493 դիտում

Քեյնը խաղավարտին հաղթանակ կորզեց Անգլիայի համար ֆուտբոլի ԱԱ 1-ին խաղում

Սփյուռքի նախարարությունը Մ. Գրիգորյանի գործունեության մասին տեղեկությունները կփոխանցի ՀՔԾ

Հուսով եմ՝ Սալահը վաղը կխաղա. Էկտոր Կուպեր

Աուտիզմով հիվանդ տղային շարունակում են փնտրել. հարուցվեց քրգործ՝ սպանության հատկանիշներով

Խուզարկվել է Մ. Գրիգորյանի թիկնապահի տունը. հայտնաբերվել է ատրճանակ, փամփուշտներ

Որոշ հեռուստաընկերություններ հակապետական քարոզչություն են իրականացնում. վարչապետ

Բրյուսովի անվան համալսարանի պահեստից յուրացումներ կատարելու համար մեղադրանք է առաջադրվել

ԱԺ պատգամավոր Մանվել Գրիգորյանի ահռելի ունեցվածքը. հայտարարագրվել է հայտնաբերվածի մի մասը

Նրան պետք է զրկել բոլոր կոչումներից. Ռոբերտ Աբաջյանի պապը՝ Մանվել Գրիգորյանի մասին

Իրանում ՀՀ դեսպան Արտաշես Թումանյանը հանդիպել է Իրանի ԱԳ նախարարի տեղակալի հետ

Քննարկվել են ՀՀ կառավարության և Գերմանական զարգացման բանկի համագործակցության հարցեր

Վարչապետն ընդունել է Եվրոպական խորհրդարանի պատգամավորների պատվիրակությանը

Մանվել Գրիգորյանին փչացրել եւ նյութապաշտ են դարձրել Ս. Սարգսյանը եւ Քոչարյանը. պատգամավոր

Օնիկ Գասպարյանը նշանակվել է ԶՈՒ գլխավոր շտաբի պետի առաջին տեղակալ

Մ. Գրիգորյանի տանը 71 մլն դրամ, 80 հազար դոլար, 67 հազար եվրո է եղել. նոր մանրամասներ

Ընտրակաշառք բաժանելու եւ լրագրողներին բռնության ենթարկելու կարճված գործը վերաբացվել է. ՀՔԾ

Մ. Գրիգորյանին պատկանող հանգստյան գոտուց տեղափոխում են նաեւ քարայծերին ու եղնիկին

Նախագահը նշանակել է հինգերորդ բանակային կորպուսի նոր հրամանատար. այլ նշանակումներ ՊՆ-ում

ՊՆ առաջին բանակային կորպուսի հրամանատարն ազատվել է պաշտոնից, նոր նշանակում է արվել

Մ. Գրիգորյանի ամառանոցում գտնվող վագրը հյուծված է, նրան տեղափոխում են կենդանաբանական այգի