Դավթաշենում ծառերը հատվել են Ռուբեն Գեւորգյանի դստերը պատկանող տարածքում (ֆոտո)

Երեւանի Դավթաշեն վարչական շրջանում այսօր հատված ծառերը գտնվել են մասնավորին պատկանող տարածքում: Այս մասին armtimes.com-ի հետ զրույցում ասաց նույն վարչական շրջանի ղեկավար Ռուսլան Բաղդասարյանը` անդրադառնալով այսօր էլեկտրոնային լրատվամիջոցներում տարածված լուրին, որի համաձայն՝ մեծ թվով ծառեր են հատվել Երեւանի Դավթաշեն վարչական շրջանում:

«Ինձ հայտնի է, որ քաղաքացին իր սեփական տարածքում իր սեփական ծառերը կտրել է: Ես հիմա դիմելու եմ բնապահպանության տեսչությանը, թող գան պարզեն՝ իրավունք ունե՞ր, թե՞ իրավունք չուներ: Տարածքը սեփականության վկայականով պատկանում է մասնավորին»,- ասաց Ռուսլան Բաղդասարյանը՝ նշելով, որ կդժվարանա ասել, թե տվյալ տարածքն իրավաբանական անձի է պատկանում, թե՝ անհատի:

«Չեմ կարող ասել, քանի որ փաստացի սեփականության վկայականն իմ ձեռքի տակ չէ: Բայց վստահ գիտեմ, որովհետեւ իրենք այդ տարածքի համար գույքահարկ են վճարում: Սեփականություն է միանշանակ»,- նշեց վարչական շրջանի ղեկավարը:

ՀՀ ԲՆ բնապահպանության եւ ընդերքի տեսչական մարմնի մամուլի խոսնակ Վրույր Պեպանյանն armtimes.com-ի հետ զրույցում ասաց, որ տեղյակ են խնդրի մասին եւ հանձնարարվել է տեսչության Երեւանի ստորաբաժանմանը զբաղվել դրանով:

Armtimes.com-ին հայտնի դարձավ, որ ծառերը հատվել է Դավթաշենի «Դեյզի» անունը կրող այգու տարածքում, որը տարիներ շարունակ պարսպապատ է եղել, եւ քաղաքացիների մուտքը արգելված: Այդ այգին նախկինում պատկանել է համայնքին, սակայն նախկին թաղապետ, ԱԺ նախկին պատգամավոր Ռուբեն Գեւորգյանի թեթեւ ձեռքով այն սեփականաշնորhվել է: Տարածքի սեփականատերը, մեզ հասած տեղեկություններով, վերջինիս դուստրն է՝ Արմինե Գեւորգյանը: Այգուն կից էլ գործում է վերջինիս պատկանող «Reebok sports club»-ը: Այս տարվա ամռանը Սերժ Սարգսյանը մասնակցել է ակումբի բացմանը՝ Ռուբեն Գեւորգյանի եւ այլ անձանց հետ:

Ի դեպ, Ռուբեն Գեւորգյանի պաշտոնական կենսագրության մեջ այդ այգում մասին հիշատակում էլ կա. «Կատարել է մի շարք բարեգործություններ. Դավթաշենում կառուցել է «Սրբոց Նահատակաց» եկեղեցին, հիմնել է «Դեյզի» այգին, ստեղծել անապահով ծերերի ճաշարան»:

Տպել
4122 դիտում

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում

Կառավարման ավտոմատացված համակարգերի համակարգիչների 40%-ից ավելին գրոհի է ենթարկվել. Կասպերսկի

Կալանավորներին եւ դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ

Հայաստանի եւ Իրանի միջեւ առկա է վստահության բարձր մակարդակ. Հասան Ռոհանին՝ Ն. Փաշինյանին

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ