Անպատժելիության մթնոլորտը նկատելի է. վագրի թռիչքներ չեմ տեսնում

06/12/2017 schedule16:00

Տպագրվել է «Հայկական Ժամանակ» օրաթերթի՝ 2004 թվականի դեկտեմբերի 4-ի համարում

Հարցազրույց ԱԺ պատգամավոր, ՀՖՖ նախագահ Ռուբեն Հայրապետյանի հետ:

- Պարոն Հայրապետյան, ՀՀ ԱԳ նախարարի հայտարարությունը, թե մեր տնտեսությունը զարգանում է վագրի թռիչքներով, արդեն թեւավոր խոսք է դարձել: Դուք, որպես խոշոր գործարար, մեր տնտեսության վագրային թռիչքները տեսնո՞ւմ եք:    

- Իհարկե՝ ոչ. եւ ինձ խիստ անհասկանալի է, թե այդ թռիչքները նա որտեղ է չափել ու եզրակացրել, որ դրանք վագրային են: Ես ո՛չ որպես գործարար, ո՛չ էլ որպես տնտեսագետ՝ մեր տնտեսության մեջ զարգացման նման թռիչքներ չեմ տեսնում: Ուստի, խորհուրդ կտայի արտգործնախարարից ճշտել, թե որտեղից նրան տնտեսության զարգացման նման անհասկանալի չափորոշիչներ:

- Գործարար խավը մի տեսակ տանգապի մեջ է. բոլորը խոսում են ներքաղաքական լարվածության եւ սպասվելիք ինչ-որ ցնցումների մասին: Ներքաղաքական պրոցեսներն ինչպե՞ս են անդրադառնում գործարար աշխարհի վրա:   

- Բնականաբար, ցանկացած ներքաղաքական լարվածություն ուղղակի ազդում է բիզնեսի թե՛ ներսի, թե՛ դրսի ներդրողների վրա: Այդուհանդերձ, այսօր առկա ներքաղաքական իրավիճակը ես ավելի շատ պայմանավորում եմ նրանով, որ քաղաքական դաշտից բացակայում է ընդդիմությունը: Եւ ընդդիմադիր դաշտի այս դատարկությունն է ներքաղաքական լարվածության պատճառը: Ու քանի դեռ այդ դաշտը թափուր է, այս լարվածությունը չի թուլանալու, որովհետեւ տարբեր ուժեր, այդ թվում՝ իշխանական, պարբերաբար փորձելու են ժողովրդահաճո հայտարարություններով  նվաճել նաեւ այս պահին դատարկ ընդդիմադիր դաշտը:

- ՀՅԴ ներկայացուցիչները հայտարարում էին, որ թե՛ հանրապետականը, թե՛ մեծամասնականով ընտրված պատգամավորները «պասադկա» կանեն այնտեղ, որտեղ կասեն իրենք: Ըստ էության՝ իրենք հաղթեցին, քանզի, մեր տեղեկություններով, Քոչարյանը բոլորին պարտադրել է ընդունել ՀՅԴ-ի առաջարկած՝ ԸՕ-ում ընտրակարգերի 70-30 տոկոս համամասնությունը: 

- Եթե խոսքը պասադկաներին է վերաբերում, ապա նման հայտարարություն անողներն իրենք շատ լավ պասադկա անող են ու կարող են տարբեր տեղերում հանգիստ պասադկա անել: Մեծամասնականով ընտրված մի պատգամավոր էլ ես եմ, եւ որեւէ մեկը ինձ չի կարող պարտադրել որեւէ տեղ պասադկա անել: Կոնկրետ տվյալ համամասնությանը ես դեմ եմ քվեարկելու, քանզի իմ տեսակետը հետեւյալն է՝ կա՛մ պահպանել գործող համամասնությունը, կա՛մ գնալ ընդհանրապես 100 տոկոսանոց համամասնական տարբերակի: Պարզապես իմաստ չեմ տեսնում մեծամասնական ընտրատարածքները մեծացնելու մեջ, որը լուրջ լարվածության եւ բախումների պատճառ է դառնալու:

- Որոշ գործարարներ պնդում են, որ 100 տոկոսանոց համամասնականի դեպքում իրենք միավորվելու են մի կուսակցության մեջ: Նաեւ ասում են, որ այդ դեպքում որոշ ավանդական կուսակցություններ չեն կարողանա հաղթահարել անգամ  5 տոկոսի արգելանքը:

- Մենք չենք էլ թաքցնում, որ գործարարներով համախմբվելու, մեր կուսակցությունն ենք ստեղծելու, եւ ես ձեզ վստահեցնում եմ, որ որեւէ՝ ավանդական, թե ոչ ավանդական կուսակցություն, չի կարողանալու հաղթել գործարարների այդ միասնությանը:

- Դուք այն գործարարներից եք, որ խոսեցիք հայ-թուրքական սահմանի բացման անհրաժեշտության մասին: Սակայն, կան ուժեր, որոնք վստահ են, որ մինչեւ Մասիսը մեզ չտան, այդ սահմանը չպետք է բացվի:

- Ես կրկին պնդում եմ, որ մենք մեր բոլոր հարեւանների հետ պետք է ունենանք նորմալ հարաբերություններ: Ինչ վերաբերում է Մասիսին, ապա թող այդ մարդիկ գնան՝ Մասիսն առնեն ցանկապատի մեջ ու այդ  ցանկապատով յոլա գնան: Ճիշտ է, ցանկալի կլիներ, որ մեր պատմական հայրենիքի սահմանները վերականգնվեին, բայց պետք է վերջապես հասկանալ ու ընդունել, որ աշխարհում այլեւս նոր սահմանների գծում, սահմանների վերաձեւում լինել չի կարող. որեւէ մեկը նման բան թույլ չի տա: Դա պետք է ընդունել ու փորձել հարեւանների հետ պահպանել  նորմալ հարաբերություններ: Ովքեր դեմ են հայ-թուրքական սահմանի բացմանը՝ հիշեցրեք, թե ինչ վիճակի մեջ հայտնվեցինք, երբ փակվեց Վերին Լարսը: Ու եթե հանկարծ Պարսկաստանը եւս որոշի սահման փակել, պատկերացնո՞ւմ եք, թե ինչ կլինի երկրի վիճակը: Միշտ պետք է ունենալ ալտերնատիվ ճանապարհներ, իսկ դա ունենալու համար պետք է հարեւանների հետ նորմալ հարաբերություններ հաստատել:

- Չե՞ք նկատել, որ հաճախ օլիգարխների եւ բարձրաստիճան բազմաթիվ պաշտոնյաների ապրելակերպն ու արարքներն անցնում են բեսպրեդելի սահմանը, որը պատճառ է երկրում տիրող անպատժելիության մթնոլորտի:    

- Համաձայն եմ այդ կարծիքին. իրոք, անպատժելիության մթնոլորտը նկատելի է, նաեւ նկատելի է, որ ժողովուրդը սկսել է զզվել լավ ապրողներից: Սակայն, յուրաքանչյուր մարդ՝ լինի դա օլիգարխ, պաշտոնյա, թե հասարակ քաղաքացի, ինքը պետք է որոշի իր ապրելակերպի եւ բարոյականության սահմանները: Չեմ կարծում, որ պետությունը կամ իշխանություններն են բեսպրեդելի սովոր մարդկանց կոչ անում լինել այդպիսին:

- Այդուհանդերձ, եթե բեսպրեդելի մեկ արարքը չի պատժվում, դրան հետեւում են հաջորդները:

- Այդ մտքին եւս չհամաձայնել չեմ կարող. բեսպրեդելը, ում կողմից էլ թույլ տրվի, պետք է ստանա իր արժանի պատիժը:

- Դառնանք ֆուտբոլին. արդյո՞ք մեր ֆուտբոլը ճիշտ  ուղիով է ընթանում:

- Ֆուտբոլն այն ասպարեզն է, որտեղ արդյունքը հնարավոր չէ տեսնել անհապաղ կամ մեկ տարի անց: Այն, ինչ այսօր ես անում եմ՝ դրա արդյունքները երեւալու են  տարիներ անց: Իսկ ես այսօր հիմքեր եմ դնում, որպեսզի մենք ունենանք ապագայի ֆուտբոլ, եւ հաստատ ունենալու ենք:

- Այդուհանդերձ, կարծիքներ են հնչում, որ մեր բոլոր պարտությունները, այդ թվում՝ աթենքյան օլիմպիադայում, պատճառ են այն բանի, որ մարդկանց մեջ կոտրվել է հանուն սեփական երկրի հաղթելու մղումը:

-Ասվածի մեջ ճշմարտություն, իհարկե, կա: Սակայն, ես չեմ կարծում, որ պարտությունների պատճառը միայն այդտեղ պետք է փնտրել: Հարցին պետք է սթափ նայել. մեր բյուջեով ինչքա՞ն ենք ծախսում բոլոր  սպորտաձեւերի վրա: Մենք այդ հարցերին մատների արանքով ենք նայում եւ մոռանում ենք, որ ո՛չ սպորտկոմիտեն, ո՛չ էլ օլիմպիական կոմիտեն չունեն անհրաժեշտ գումարներ: Մինչդեռ, մեդալ բերելու համար մեծ գումար է պետք ծախսել. սպորտսմենին 200 դրամ օրապահիկ տալով՝ մենք մեդալ բերել չենք կարող:           

Նաիրա Զոհրաբյան

Տպել
1114 դիտում

Երեկ Շիրակի մարզում վնասազերծվել են կարկտաբեր ամպեր, կատարվել է 600 կրակոց

Վթարի պատճառով 7 ժամ ջուր չի լինելու Գեղարքունիքի մարզոի որոշ համայնքներում

Իրանի նախագահը հայտարարել է Թուրքիայի հետ համատեղ կործանիչ արտադրելու հնարավորության մասին

Ուկրաինայում ՀՀ դեսպան Անդրանիկ Մանուկյանը հրաժարական է տալիս

Այսօր ջերմաստիճանը կբարձրանա, սակայն անձրեւն ու ամպրոպը երեկոյան ժամերին կշարունակվեն

Դպրոցի ավարտական քննություններն այսուհետ կլինեն միասնական եւ դրանք կվերահսկի ԳԹԿ-ն

Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը (տեսանյութ)

Ոստիկանության պետի հրամանով 8 ծառայողների սպայական կոչումներ են շնորհվել

Դավիթ Բեկի և Հունան Ավետիսյանի փողոցների խաչմերուկի լուսացույցները կտեղափոխվեն ու կփոխվեն

Սուրբ Կարապետ վանքի հարևանությամբ գտնվող ավազահանքում փլուզում է տեղի ունեցել. կա զոհ

Առողջապահության նախարարը կմեկնի Քատարի Պետություն

Ն. Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի