Վարչապետը համբերեց, համբերեց ու հենց ՀՅԴ նախարարի «վրա» հունից դուրս եկավ

Կառավարության այսօրվա նիստում վարչապետ Կարեն Կարապետյանին դուր չեկավ այն, որ կառավարության որոշումները ներկայացնող պաշտոնատար անձինք պարբերաբար մեկ կամ երկու օր ժամանակ էին խնդրում, որպեսզի աշխատեն նախագծերի վրա:

Առաջինը նախագահի աշխատակազմի ղեկավար Արմեն Գեւորգյանն էր, որը աշխատանքի եւ սոցիալական հարցերի նախարար Արտեմ Ասատրյանի ներկայացրած որոշումից հետո վարչապետից ժամանակ խնդրեց, քանի որ նախագահականի իրավաբանական վարչությունը դիտողություններ ուներ նախագծի վերաբերյալ: Կարեն Կարապետյանը չառարկեց:

Արդարադատության նախարար Դավիթ Հարությունյանը ներկայացրեց որոշման մի նախագիծ, որից հետո տնտեսական մրցակցության պաշտպանության հանձնաժողովի նախագահ Արտակ Շաբոյանը երկու օր ժամանակ խնդրեց: Ըստ նրա, առաջարկություններ ունի հանձնաժողովը: Կենտրոնական բանկի նախագահ Արթուր Ջավադյանն էլ իր հերթին մեկ օր ժամանակ խնդրեց նախագծի վրա աշխատելու համար: Վարչապետն այս դեպքում էլ համաձայնվեց:

Կառավարության աշխատակազմի ղեկավար Վահե Ստեփանյանը որոշման մի նախագիծ ներկայացրեց, սակայն նիստերի դահլիճում աղմուկ էր: Կարեն Կարապետյանն ընդհատեց Ստեփանյանին եւ ասաց. «Եկեք զեկուցողին լսենք, հա՞»: Վահե Ստեփանյանն ավարտեց զեկուցումն ու 3 օր ժամանակ խնդրեց վարչապետից 4 գերատեսչությունների հետ ճշգրտումներ անելու համար: «Դե, էլի սկսում ենք նույն պատմությունը, էլի սկսում ենք նույն պատմությունը: 3 օր, մեկ օր, երեք օր, բերեք առանց այդ հարցերի: Ճիշտ է, մենք այսօր էքստրեմալ ռեժիմով ենք աշխատելու, որպեսզի Սահմանադրությանը համապատասխանեցնենք, բայց ռեգուլյար դա չի կարելի, չէ՞»,- դժգոհեց վարչապետը:

Կրթության եւ գիտության նախարար Լեւոն Մկրտչյանի կողմից ներկայացված նախագծից հետո վարչապետ Կարեն Կարապետյանն արդեն հունից դուրս եկավ: «Մեկ-երկու օր պարզապես խնդրում ենք աշխատանքային իրավաբանական խմբագրական բաներ կար կառավարության աշխատակազմում, զուտ ձեւակերպումների խնդիր են եւ երեկ պաշտպանության նախարարության հետ խնդիր ունեինք, զուտ բժշկական ծառայության…..»,- ասաց Լեւոն Մկրտչյանը, որից հետո վարչապետն ընդհատեց նախարարին: «Այ այդ զուտ-երը այնպես արեք, որ չլինի: Երկար քննարկել ենք, բերել ենք, զուտ, զուտ»,- զայրացավ Կարեն Կարապետյանը: ՀՅԴ-ական նախարարը կրկին բացատրեց ժամանակ խնդրելու անհրաժեշտությունը եւ նշեց, որ իրավաբանական վարչությունը լավ դիտողություններ է արել նախագծի վերաբերյալ: «Բոլոր լավ դիտողությունները կառավարության նիստի ընթացքում են կատարվում, մինչեւ այդ հնարավոր չի՞ անել»,- ասաց Կարեն Կարապետյանը:

Տպել
3706 դիտում

Դուք Ձեր թիմի հետ ձախողել եք. Արմեն Գրիգորյանի պատասխանը Վիգեն Սրագսյանին

Մի քիչ լավ չստացվեց «Շիրակի» պահը. Արտակ Եդիգարյանը՝ «Ալաշկերտի» չեմպիոնության մասին

Մարզպետների կազմն ամբողջությամբ կփոխվի. Նիկոլ Փաշինյան

Արմեն Սարգսյանը դատավորներ է նշանակել

Տարոն Մարգարյանի հրաժարականի դեպքում նոր քաղաքապետին կընտրի գործող ավագանին

ՊԵԿ հասարակայնության հետ կապերի բաժնի պետը պաշտոնից հեռանալու որոշում է կայացրել

Էռնեկյանի ընկերությունը սննդի մատակարարից դժգոհություն չի ունեցել. տուժածները լավանում են

Նաիրա Զոհրաբյանն ԱԺ-ում հանդիպել է Հայաստանում Իտալիայի նորանշանակ դեսպանի հետ

Արա Բաբլոյանը ընդունել է Դեմետրիս Սիլուրիսի գլխավորած պատվիրակությանը

Յուրա Մովսիսյանը չի գա ՀՀ հավաքական

Լիլիթ Մակունցն այցելել էր Արցախ եւ հանդիպել Բակո Սահակյանի եւ Սերգեյ Շահվերդյանի հետ

«Սոճուտ» դենդրոայգու անբարեկարգ ճանապարհը խանգարում է տուրիզմի զարգացմանը (լուսանկարներ)

Ամասիայում ԵՄ դեսպան Պյոտր Սվիտալսկին ու ՀՀ ՏԿԶ նախարարը բրդից թել են մանել

Ա. Սարգսյանի ուղերձը Սերգեյ Մերգելյանի ծննդյան 90-ամյակին նվիրված գիտաժողովի մասնակիցներին

«Արամ Խաչատրյան» մրցույթի ժյուրին շատ խիստ է գտնվել դիմողների նկատմամբ

ՀՀ նախագահի նստավայրում երդվեցին բոլոր նախարարներն ու փոխվարչապետերը (թարմացված)

ՀՀ նախագահն այսօր ընդունել է Կիպրոսի Ներկայացուցիչների պալատի նախագահ Դեմետրիս Սիլուրիսին

Հանուն արդարության, թե՞ ընդդեմ թուրքերի. Քնեսեթը կքննարկի Ցեղասպանության ճանաչման հարցը

1-ին փոխվարչապետի թիմը միս ու արյուն է ստանում. Միրզոյանը ներկայացրեց իր թիմին

Ովքեր կփոխարինեն Երեւանի ավագանուց հեռացած անդամներին. Դավիթ Խաժակյանը հայտնել է անունները