ԵԼՔ-ը թանկացումների թեմայով արտահերթ նիստ կնախաձեռնի. Սուրեն Պապիկյան

Փետրվարի 5-ին ԵԼՔ դաշինքը անցկացնելու է իր երկրորդ երթը՝ ընդդեմ թանկացումների: Հանրահավաքը մեկնարկելու է ժամը 18։00-ին՝ «Մոսկվա» կինոթատրոնի (Շառլ Ազնավուրի) հրապարակից, որից հետո նախատեսվում է երթ՝ Շառլ Ազնավուր հրապարակ-Աբովյան փողոց-Հանրապետության հրապարակ-Ամիրյան փողոց-Մաշտոցի փողոց-Սայաթ Նովա փողոց-Աբովյան փողոց-Շառլ Ազնավուր հրապարակ երթուղիով:

Կայանալիք երթի, իրազեկման ակցիաների ու հետագա քայլերի հետ կապված մեր հարցերին պատասխանեց ԵԼՔ դաշինքի անդամ, Քաղաքացիական պայմանագիր կուսակցության վարչության փոխնախագահ Սուրեն Պապիկյանը.

- Պարոն Պապիկյան, ըստ Ձեզ՝ հունվարի 19-ին կայացած երթը որքանո՞վ էր ստացված, եւ այս անգամ ինչպե՞ս եք պատրաստվում փետրվարի 5-ին նախատեսված երթին:

- Անցած անգամվա երթի որակումը կարող է հասարակությունը տալ, որովհետեւ դա արվել է նրա համար, որ հասարակությունն արձագանքի երկրում ստեղծված իրավիճակին: ԵԼՔ-ը խորհրդարանական ընդդիմություն է, երկրում ստեղծվել է մի իրավիճակից, որ հունվարի մեկից եւ նախորդող ամիսներից բարձրացել են առաջին անհրաժեշտության ապրանքների գները, ու մեր չարձագանքելը նորմալ չէր լինի: ԵԼՔ-ը կատարել է իր քայլը՝ սպասելով հասարակության արձագանքին: Որպես առաջին վաստակ՝ համարում ենք նորմալ, որովհետեւ հասարակության արձագանքը բավականին դրական էր: Այս անգամ էլ պատրաստվում ենք նույն կերպ. իրազեկում ենք, խոսում ենք մարդկանց հետ, բարձրաձայնում ենք, թե ինչ խնդիրներ կան՝ ակցիզային հարկի, հարկային բեռի, կուտակային կենսաթոշակի, բոլոր-բոլորի մասին: Ինչքան շատ մարդ ներգրավվի մեր ցույցերին, երթերին, այնքան հեշտ կհասնենք մեր նպատակին՝ կչեղարկենք հարկային օրենսգրքի փոփոխությունները: Հիմա պատրաստվում ենք առաջիկայում նախագիծ ներկայացնել Ազգային ժողով՝ արտահերթ նիստ հրավիրելու օրակարգով:

- Իսկ մարզերում իրազեկում անու՞մ եք, թե՞ միայն Երեւանում:

- Մարզեր դեռ չենք հասել, որովհետեւ նախնական ազդակ Երեւանն է տալիս, դրա համար սկսել ենք այստեղից: Հիմա ամսի 5-ի երթը ցույց կտա՝ որքանով է նպատակահարմար, որ մեր ռեսուրսը տրամադրենք նաեւ մարզերին: Իհարկե, մարզերում գտնվող մեր տարածքային կազմակերպությունները իրազեկման փոքրիկ ակցիաներ անում են, պաստառներ են փակցվում եւ այլն: Բայց առաջիկայում ավելի լայնամասշտաբ քայլեր կլինեն, թե ոչ, դա կերեւա երթից հետո: Իսկ քանակի առումով՝ վստահ ասել չեմ կարող, թե այս անգամ նախորդից շատ մարդ կգա: Հասարակության առաջ ԵԼՔ դաշինքի պարտավորությունն է արձագանքել երկրում ստեղծված իրավիճակին: Մենք միայն ինը պատգամավորով չենք կարող խնդիրը լուծել, դրա համար դիմել ենք հասարակության օգնությանը:

- Միայն երթե՞ր եք անելու: Ի՞նչ քայլեր եք նախապատրաստել երթից հետո: Հնարավո՞ր է՝ նստացույց սկսեք:

- Ոչինչ բացառել չենք կարող: Բայց ասեմ, այսօր մենք արդեն պլանավորել ենք, թե երբ ինչ գործողություն կկատարենք: Առաջին պլանավորածը երկուշաբթի օրը կայանալիք երթն է, իսկ արդեն երեքշաբթի Ազգային ժողովում կներկայացվի արտահերթ նիստ հրավիրելու օրենքի նախագիծը, որի համար այլ ֆրակցիաների պատգմավորներ եւս պիտի ստորագրեն փաստաթուղթը: Խորհրդարանական մյուս ընդդիմությունը՝ Ծառուկյան խմբակցությունը, կամ գուցե նաեւ իշխանական խմբակցությունը, որտեղ ժողովրդի կողմից ընտրված մարդիկ կան, եթե տեսնում են այս խնդիրը, պիտի արձագանքեն, ստորագրեն, արտահերթ քննարկվի հարցը: Իսկ եթե արտահերթ նիստ, քննարկում չլինի, այդ ժամանակ կասենք մեր հետագա քայլերի մասին:

- Ձեզ իրենց աջակցությունը հայտնե՞լ են այլ կուսակցություններ կամ կազմակերպություններ:

- Մենք բազմիցս հայտարարել ենք, որ սա ԵԼՔ-ի պայքարը չէ, սա հասարակության պայքարն է: ԵԼՔ-ը նախաձեռնել է, մենք բաց ենք, բոլորը կարող են միանալ, միայն ուրախ կլինենք, մենք սահմանափակումներ չենք դրել: Մենք ոչ մեկին չենք դիմել եւ արձագանք, որպես այդպիսին, չենք էլ ակնկալել, ոչ էլ հատուկ մասնակցության հայտ ենք ուղարկել: Սա քաղաքացիական պայքար է, չեմ բացառում, որ կարող են տարբեր կազմակերպություններից կամ կուսակցություններից միանալ: Իսկ իրազեկումը շարունակելու ենք մինչեւ վերջին օրը: Այսօր պատրաստվում ենք Արաբկիր վարչական շրջանում անցկացնել իրազեկման երթեր՝ բարձրախոսով, թռուցիկներով, վաղն էլ արդեն Նոր Նորքի զանգվածում

                                                                           ՀայԱրփի Բաղդասարյան

Հարցազրույցը տպագրվել է «Հայկական ժամանակ» օրաթերթի փետրվարի 2-ի համարում:

Տպել
3019 դիտում

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան