Մոսկվա-Օրսկ ինքնաթիռն ընկել է չվերթից րոպեներ անց. զոհվել է 71 հոգի (լրացված)

22:40 Հայտնաբերվել է ինքնաթիռի սեւ արկղերից մեկը: Չվերթի պարամետրերը գրանցած արկղի վիճակը գնահատվել է բավարար: Առատ ձյան պատճառով աղետի վայր ժամանող փրկարարները ստիպված են ճանապարհն անցնել ձյունագնացներով:

Մարմինների ճանաչումը տեղի կունենա Մոսկվայի փորձաքննությունների բյուրոյում, իսկ անճանաչելի մարմինները կնույնականացվեն ԴՆԹ անալիզների միջոցով:

Ինքնաթիռի մասնատված կտորները իրարից կիլոմետրերով հեռու են գտնվում: Տեղի բնակավայրերի ականատեսների խոսքերով, ինքնաթիռի ընկնելու ժամանակ ուժգին պայթյուն է եղել, այնուհետ հիմնական մասը բռնկվել է, պայթյունի վայրում 12 մետրանոց փոս է գոյացել:

Որոնողական աշխատանքները կատարվում են բավական դժվարին պայմաններում, խանգարում է քամին, առատ ձյունը, գետինը սառած է, իսկ ինքնաթիռի մասերը՝ տարբեր տեղերում:

20:45 Զոհված 2 հայերն էլ ռուսական քաղաքացիություն ու անձնագիր ունեն, այդ պատճառով էլ հերքվել է ինքնաթիռում զոհված հայերի մասին տեղեկատվությունը: Որպես օտարերկրացի, ինքնաթիռում եղել է միայն 1 անձ՝ ազգությամբ Ադրբեջանցի:

20:35 Զոհերից 2-ը երեխաներ են, ամենափոքրը 5 տարեկան է, երկրորդը՝ 13:

ՌԴ նախագահ Պուտինը հետաձգել է իր այցը Սոչի, ինչպես նաեւ մի շարք հանդիպումներ՝ ավիաաղետի պատճառով: 

Քանի որ շրջանառվում են մի շարք վարկածներ, որոնցից մեկը ինքնաթիռի տեխնիկական անսարքությունն է, անցկացվում է «Սարատովի ավիաուղիներ» ընկերության բոլոր ինքնաթիռների ոչ պլանային արտակարգ  ստուգում:

20:20 ՌԴ տրանսպորտի նախարար Սոկոլովի հաղորդմամբ, զոհերի մարմինները ճանաչելու համար պահանջվելու է գենետիկ հետազոտություն:

20:15 Սոչիի  բնակիչ Մաքսիմ Կոլոմեյցովը վերջին պահին վերադարձրել է այս նույն չվերթի համար գնված իր տոմսը՝ ծագած անձնական խնդիրների պատճառով: Նա պատրաստվել է թռչել Օրսկ՝ ծննդյան տարեդարձն ընկերների հետ տոնելու համար, ստացվում է՝ վերջինս այս ավիաաղետի միակ փրկված ուղեւորն է:

Ինքնաթիռի բոլոր ուղեւորները ապահովագրված են, «Ալֆա-ապահովագրություն» ընկերությունը բոլոր զոհվածների ընտանիքներին կփոխհատուցի 100 հազարական ռուբլի: Եվս 1 միլիոն ռուբլի յուրաքանչյուր ընտանիքին կտրվի որպես պետական աջակցություն:

19:40 Ռուսաստանում վաղը՝ փետրվարի 12-ը ազդարարվել է սգո օր:

19:30 ՌԴ ԱԻ ծառայության կայքը հրապարակվել է զոհերի ամբողջական ցանկը, համաձայն որի, բացի երկրորդ օդաչուից, ազգությամբ հայ է նաեւ ուղեւորներից մեկը՝ Վարսիկ Սեւոյանը: Այսպիսով, ինքնաթիռում 2 հայ է եղել: Զոհվել են նաեւ 2 երեխաներ: Մի քանի լրատվամիջոցներ ուղիղ հեռարձակմամբ ցուցադրում են որոնողական աշխատանքների ընթացքը:

ԶԼՄ-ների փոխանցմամբ, ականատեսները հայտնել են, որ ինքնաթիռի թեւի հատվածում ինչ-որ բան է պայթել, այնուհետ օդանավն ընկել է: Որոնողական աշխատանքների վայրում սաստիկ ձյուն է, քամի ու վատ տեսանելիություն: 

18:45 ՌԴ ԱԻ ծառայությունը հրապարակել է կործանված ինքնաթիռի անձնակազմի անդամների ցուցակը: Նրանցից մեկը՝ ինքնաթիռի երկրորդ օդաչուն, ազգությամբ հայ է՝ Սերգեյ Ղամբարյանը: Քննարկվող վարկածը, թե օդում ինքնաթիռը հարվածել է ՌԴ փոստային ծառայության ուղղաթիռին,  հերքվել է: Փոստային ծառայության փոխանցմամբ, թյուրըմբռնման պատճառը տարածքում թափված հարյուրավոր նամակներն են, որը 20 կգ-ոց ուղեբեռ է եղել նույն Ан-148 ինքնաթիռում:

18:22 ՌԴ վարչապետ Դմիտրի Մեդվեդեվի հրամանով, ՌԴ տրանսպորտի նախարարի գլխավորությամբ ստեղծվել է պետական հանձնաժողով՝ ինքնաթիռի անկման ու կործանման պատճառների ուսումնասիրման ու քննության համար: Օրսկի ու Մոսկվայի Դոմոդեդովո օդանավակայաններում արդեն հավաքվել են վթարված ինքնաթիռի զոհերի մեծ թվով հարազատներ: Նրանց հետ աշխատում են հոգեբաններ, բժիշկներ, քահանա: Չնայած տեղացող ձյանը, ՌԴ ԱԻ ծառայության ղեկավար Վլադիմիր Պուչկովը հայտնել է, որ զոհերի մարմինների որոնողական աշխատանքները շարունակվելու են շուրջօրյա:18:05 Հայտնի է դարձել, որ ինքնաթիռի 71 զոհվածներից 60-ը Օրենբուրգի շրջանի բնակիչներ են: Օրսկի օդանավակայանում, որտեղ պետք է վայրէջք կատարեր ինքնաթիռը, ստեղծվել է օպերատիվ շտաբ, Մոսկվայում ու Օրենբուրգում գործում է թեժ գիծ, օգնության համար աղետի վայր են մեկնելու նաեւ քաղաքային ու շրջանային բուժաշխատողներ: Ан-148 ուղեւորատար ինքնաթիռը գործարկվել է 2010 թվականին: Քիչ ուշ կհրապարակվի զոհերի ցանկը:

17:35 Հրապարակվել է առաջին տեսանյութը՝ աղետի վայրից, ինքնաթիռը հայտնաբերվել է  մասնատված: ՌԴ նախագահ Վլադիմիր Պուտինն ու Մոսկվայի քաղաքապետ Սերգեյ Սոբյանինը ցավակցություններն են հայտնել զոհերի հարազատներին:

17:20 Որոնողական աշխատանքների համար աղետի վայր է մեկնել ռուսական փրկարար ծառայության մի քանի ուղղաթիռ, ժամանել է Օրենբուրգի շրջանի նահանգապետը, դատախազության կողմից սկսվել է քննություն: Որպես աղետի նախնական վարկած նշվում են վատ եղանակային պայմանները կամ օդաչուի սխալը: Ժամանել է նաեւ ՌԴ տրանսպորտի նախարար Մաքսիմ Սոկոլովը, արդեն դեպքի վայրում են Մոսկովյան աղետների կենտրոնի 7 բուժբրիգադ:

Ан-148 ուղեւորատար ինքնաթիռը, օդ բարձրանալով Մոսկվայի Դոմոդեդովո օդանավակայանից, րոպեներ անց կորել է ռադարների էրկրաններից: Ինքնաթիռն ընկել է ենթադրաբար Ռամենսկի շրջանում: Այս մասին տեղեկացնում է ՌԴ ԱԻ ծառայությունը:

Ինքնաթիռն իրականացրել է թռիչքը դեպի Օրսկ, անկման ենթադրյալ տարածք են մեկնել փրկարար ծառայության ուժերը, տեղում հայտնաբերվել են ինքնաթիռի բեկորները:

Ռուսական լրատվական կայքերի փոխանցմամբ, «Սարատովի ավիաուղիներ» ընկերության ինքնաթիռում եղել է 71 հոգի՝ 65 ուղեւոր եւ անձնակազմի 6 անդամներ: Անձնակազմի անդամների հետ կապ հաստատել չի հաջողվում, ԱԻ ծառայության փոխանցմամբ, ինքնաթիռի անձնակազմը չի արձագանքում:

Հայտնվում է նաեւ, որ ուղեւորների շարքում մանկահասակ երեխա կա, ինքնաթիռը շահագործվում է 7 տարի:

Tass գործակալության փոխանցմամբ, ինքնաթիռի ընկնելու հետեւանքով ողջ մնացածներ չկան:

Տպել
14089 դիտում

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Ադրբեջանի դիրքորոշումը չի նպաստում Լեռնային Ղարաբաղի շուրջ երկխոսությանը. Բեռլին

Գազի մատակարարման դադարեցումներ կլինեն Քանաքեռ -Զեյթունում եւ Ֆիոլետովո համայնքում

Ակտաուի կոնվենցիան՝ արտաքին քաղաքականության ցուցիչ

Պատրաստվել տեւական պայքարի. Իրանի նախագահը կոչ է անում դիմակայել ԱՄՆ-ին

Մեգանը ու Հարին կհետեւեն խիստ կանոնների, եթե որոշեն երեխա ունենալ

ՀՀ-ն ու ՌԴ-ն քննարկելու են ռազմական ոլորտում համագործակցության իրավական հարցերը

ԱՄՆ-ը, Իսրայելն ու ՌԴ-ն համամիտ են Սիրիայից ու Իրաքից Իրանի զորքերի դուրս բերման հարցում

Նռնակ են նետել Զովասարի մշակույթի տան տնօրենի տան ուղղությամբ. կասկածյալը ՊՆ աշխատակից է

Չենք խառնվում ՀՀ ներքաղաքական իրադարձություններին. Դավիթ Բաբայան