Ես ոչ վկա եղել եմ, ոչ էլ կլինեմ. ոստիկանությունը անկարող եղավ գտնել քրեական հեղինակությանը

ՀՀ ոստիկանության աշխատակիցները այդպես էլ «չկարողացան» բերման ենթարկել քրեական հեղինակություն Բանգլադեշցի Վիրաբիկ մականունով հայտնի Վիրաբ Գասպարյանին եւ Երրորդմասցի Լյովիկի սպանության գործով ամբաստանյալ Սարգիս Հախանումյանի (Տլե) եղբորը՝ Դավիթ Հախանումյանին:

Նրանք 2016 թվականին Շենգավիթ վարչական շրջանում գործող «Լիա» գեղեցկության սրահին կից նկուղում տեղի ունեցած աղմկոտ սպանության գործով վկայի կարգավիճակ ունեն:

2016 թվականի նոյեմբերի 13-ին Շենգավիթ վարչական շրջանում գործող «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գեւորգ Ավետիսյանը տեղում մահացել է, իսկ հրազենային վիրավորում ստացած 38-ամյա Մուշեղ Մուշեղյանը եւ 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաեւ Մուշեղ Մուշեղյանը:

Սույն քրեական գործով մեղադրվում են քրեական հեղինակություններ Ալիկ Բանդուրյանը (Նորատուսցի Ալիկ), նրա թիկնապահ, Բդո մականունով հայտնի Արմեն Գասպարյանը եւ Չարբախցի Գեղամ մականունով հայտնի Պետրոս Իսրայելյանը:

Շենգավիթ վարչական շրջանի ընդհանուր իրավասության դատարանի դատավոր Նելլի Բաղդասարյանն էլ կարծես բոլոր միջոցները սպառված համարելով՝ որոշեց հրապարակել Վիրաբ Գասպարյանի եւ Դավիթ Հախանումյանի՝ նախաքննության ընթացքում տված ցուցմունքները:

Մինչ այդ, սակայն, դատարանը հրապարակեց ՍԵԿՏ համակարգից ստացված պատասխանը, որից պարզ դարձավ, որ Վիրաբ Գասպարյանը եւ Դավիթ Հախանումյանը Հայաստանում են: Ապա դատարանը հրապարակեց ոստիկանության տեսուչների հերթական արձանագրությունը, համաձայն որի՝ բերման ենթարկելու նպատակով իրենք այցելել են Վիրաբ Գասպարյանի բնակարան, սակայն նրան այս անգամ էլ չեն հայտնաբերել: Վիրաբ Գասպարյանի հայրն ասել է, թե որդին Արցախում է, որի հետ, սակայն, մեկ ամիս է՝ չի խոսել: Ապա Վիրաբ Գասպարյանի հայրը ոստիկաններից պահանջել է այլեւս իրենց չանհանգստացնել: Նույն գործողությունները ոստիկաններն արել են նաեւ Դավիթ Հախանումյանի պարագայում. այցելել են նրա բնակարան, եւ օ՜  զարմանք, Հախանումյանն էլ բնակարանում չի եղել, տան անդամների խոսքով՝ Դավիթը Կապանում է: Հետեւաբար, ոստիկանները անկարող են եղել նրանց բերման ենթարկել, ոստիկանների միջոցները բավականացրել են միայն «վկայի բնակարան-գնալ-գալ-արձանագրություն կազմել» օպերացիայի համար: Բայց եթե քրեական հեղինակության փոխարեն լիներ, օրինակ, համաշխարհային մակարդակով «հանցագործ» ակտիվիստ, ոստիկանությունը «սարեր» շուռ կտար նրան դատարան բերման ենթարկելու համար:

Ի զարմանս ոստիկանների՝ մեզ այսօր հաջողվեց կապ հաստատել քրեական հեղինակություն Բանգլադեշցի Վիրաբիկի հետ եւ նրան մի քանի հարց ուղղել: Վերջինս մեր զրուցում զարմացավ այն փաստից, որ դատարանը իրեն է փնտրում. «Էդ ինձ ինչի՞ պիտի փնտրի դատարանը»: Մեր դիտարկմանը, որ նա աղմկոտ գործով վկա է, եւ փնտրելու պատճառը դա է, ասաց. «Ազիզ ջան, ես երբեք ոչ վկա եղել եմ, ոչ էլ վկա կլինեմ»: Իսկ երբ հետաքրքրվում էինք, թե այդ ինչպե՞ս է նախաքննության ընթացքում վկա եղել, Գասպարյանը անջատեց խոսափողը:

Ըստ գործի նյութերի՝ Բանգլադեշցի Վիրաբիկը եղել է դեպքի վայրում, սակայն այժմ ամբաստանյալի աթոռին հայտնված քրեական հեղինակություն Նորատուսցի Ալիկը, մեկ այլ քրեական հեղինակություն Զապի միջոցով սպանությունից առաջ հանցանքի վայրից հեռացրել է նրան: Իսկ Դավիթ Հախանումյանը եղել է դեպքի վայրից քիչ հեռու:

Դատարանը հրապարակեց Վիրաբ Գասպարյանի՝ նախաքննության ընթացքում տված ցուցմունքը, համաձայն որի՝ ինքը մտերիմ է եղել Ճըվճվ Արո մականունով հայտնի Արա Վարդանյանի հետ: Ըստ այդմ՝ նա դեպքի օրը պատահաբար հանդիպել է Վարդանյանին եւ դեպքի օրը սպանված Մուշեղ Մուշեղյանին (Նրան դեմքով է ճանաչել, նա էլ է բանգլադեշցի եղել): Վարդանյանը Վիրաբ Գասպարյանին տեղեկացրել է, որ Չարբախ պետք է գնան, նա էլ ասել է, որ այդ ուղղությամբ է գնում եւ կհասցնի Վարդանյանի ցույց տված շենքի մոտ: Խոսքը «Լիա» գեղեցկության սրահի տարածքի մասին է, որտեղ, ինչպես հայտնել է Վիրաբ Գասպարյանը, ինքը հավաքված մարդիկ եւ մեքենաներ չի տեսել: Ապա Վիրաբ Գասպարյանը նշել է, թե Վարդանյանին եւ Մուշեղյանին նշված հասցե հասցնելուց հետո թողել, հեռացել է: Այնինչ, ըստ մեղադրական եզրակացության՝ Նորատուսցի Ալիկը, մեկ այլ քրեական հեղինակություն Զապի միջոցով հանցանքի վայրից հեռացրել է Մուշեղ Մուշեղյանի հետ դեպքի վայրում գտնվող, քրեական հեղինակություն հանդիսացող Վիրաբ Գասպարյանին գեղեցկության սրահի նկուղային հարկից, որի նպատակը եղել է հակառակ կողմի մարդաքանակը նվազեցնելը, Մուշեղյանի առողջությանը վնաս հասցնելու գործընթացում հնարավոր խոչընդոտները վերացնելը:

Հրապարկվեց նաեւ Դավիթ Հախանումյանի նախաքննական ցուցմունքը: Ըստ նրա ցուցմունքի՝ ինքը ծանոթ է եղել «Ճըվճվ Արո» մականունով հայտնի Արա Վարդանյանի որդու՝ Սերժ Վարդանյանի հետ: Հախանումյանը Սերժիկ Վարդանյանի հետ ծանոթացել է իրեն պատկանող կարաոկե ակումբում: Վարդանյանը նրան 700 հազար դրամ գումար է պարտք եղել, հանդիպել են, այդ գումարը վերադարձնելու շուրջ զրուցել, ու Վարդանյանի որդին մեքենան վարել է դեպի «Լիա» գեղեցկության սրահի տարածք: Ըստ այդմ՝ ինքը դեպքի օրը եղել է «Լիա» գեղեցության սրահի տարածքում, սակայն իր՝ այնտեղ եղած ժամանակահատվածում ծեծկռտուք չի տեսել եւ չի լսել կրակոցի ձայներ:

Թե ինչ նպատակով էր Սերժ Վարդանյանը գնացել այնտեղ, վկան, ըստ իր նախաքննական ցուցմունքի, չգիտի: Հախանումյանը գրել է նաեւ, որ հասնելով «Լիա» գեղեցության սրահի նկուղային հարկ՝ այնտեղ հավաքված մարդիկ է տեսել, հասկացել, որ նրանք ինչ-որ հարց են քննարկում, ներս չի մտել եւ փոքր- ինչ այնտեղ մնալուց հետո Սերժ Վարդանյանի հետ հեռացել է:

Նշենք, որ այս աղմկոտ սպանության պատճառը, ըստ դատաքննության ընթացքում պարզված հանգամանքների՝  Ճըվճվ Արոյի 2000 դոլարի «վազվրատն» է եղել:

Դատարանում այսօր ցուցմունք տալու էր եկել նաեւ վկա Ռուբեն Խաչատրյանը: Վերջինս այս գործի շրջանակում նախկինում մեղադրյալի կարգավիճակ է ունեցել, եղել է կալանավորված, սակայն նախաքննության ավարտին նրա նկատմամբ քրեական հետապնդումը դադարեցվել է: Ռուբեն Խաչատրյանը բարձրաստիճան ոստիկանի փեսա է: Խաչատրյանը դատական նիստերի դահլիճ մտավ իր երկու ներկայացուցիչների հետ:

Նշենք, որ վկան կարող էր ցուցմունք տալուց հրաժարվել, քանի որ այս գործով ունեցել է մեղադրյալի կարգավիճակ: Վկա Խաչատրյանը, սակայն այլ մարտավարություն էր ընտրել: Նա, ասաց, որ ամբաստանյալներից ճանաչում է միայն Չարբախցի Գեղամ մականունով հայտնի Պետրոս Իսրայելյանին, իսկ մյուս ամբաստանյալներին՝ Նորատուսցի Ալիկին եւ նրա թիկնապահ, Բդո մականունով հայտնի Արմեն Գասպարյանին ճանաչում է «հրատարակչություններից»:

Ռուբեն Խաչատրյանը, պարզվեց, այն երջանիկներից է, որ մոռացել է դեպքի հետ կապված ցանկացած հանգամանք: Մեղադրողները նման հանգամանքը մեկնաբանեցին որպես ցուցմունք տալուց հրաժարում, «չեմ հիշումը» որպես էական հակասություն եւ դատարանին միջնորդեցին հրապարակել վկայի նախաքննական ցուցմունքները, սակայն դատարանը միջնորդությունը մերժեց:

Վկաների հարցաքննությունն ավարտված համարելով, դատարանն այսօր հետազոտեց գործում առկա գրավոր ապացույցները, դեպքի առթիվ նշանակված բազմաթիվ փորձաքննությունների եզրակացություններ: Ըստ գործում առկա փաստաթղթերի՝ դեպքի վայրից  արյան հետքեր են հայտնաբերվել, եւ արյան փորձանշումների ԴՆԹ-ները համապատասխանում են  Մուշեղ Մուշեղյանին եւ Գեւորգ Ավետիսյանին բնորոշ ԴՆԹ-ներին:

Հրապարակված փորձաքննության համաձայն՝ Մուշեղ Մուշեղյանի մահվան պատճառը որովայնի շրջանում ստացված կտրող-ծակող եւ հրազենային վնասվածքներն են:

Գործում առկա են նաեւ խոսակցությունների գաղտնալսումներ, որոնք կհրապարակվեն հաջորդ դատական նիստին: Հենց այդ գատնալսումներց մեկն էլ ապացույց է հանդիսացել Նորատուսցի Ալիկին կալանավորելու:

Նորատուսցի Ալիկի հարզատներից մեկը որոշել էր մի քանի ժամ փակել Շենգավիթ վարչական շրջանի ընդհանուր իրավասության դատարանի մուտքը: Ինչը կարգադրիչներից եւ ոչ մեկը մի քանի ժամ «տեսնել» չկարողացավ:

Տպել
4872 դիտում

Բակո Սահակյանը ներկա է գտնվել Մարտունու նռան փառատոնին

Էջմիածնում բերման ենթարկվածներ չկան. ոստիկանությունը պարզաբանում է Դ. Գրիգորյանի հայտարարությունը

«Երևան 2800». հոբելյանական օրը մանուկները նշել են Մանկական զբոսայգում

Ն. Փաշինյանը մասնակցել է Արամ Ա Մեծի Տանն Կիլիկիո Կաթողիկոսի ձեռնադրման 50-ամյակի Սուրբ Պատարագին

Ժամը 11-ին ՏԻՄ ընտրություններին մասնակցել է ընտրողների 9.33%-ը. ամենաակտիվը Կապանն է, ամենապասիվը՝ Արմավիրը

Ինչպես է Կերչի սարսափելի ողբերգության հեղինակը կրակում, ապա գործի գցում պայթուցիկ սարքը (տեսանյութ)

Երևանի քաղաքապետ Հայկ Մարությանը հանդիպել է Ամմանի կառավարիչ Օմար Էլ Լոուզիի հետ

Պաշտպանի աշխատակազմն իրականացնում է Հայաստանի համայնքներում տեղի ունեցող ընտրությունների անկախ դիտարկում

Երեւանն ապրում է նոր ժամանակների շնչով, միշտ զարմացնում է իր դասական գեղեցկությամբ ու կոլորիտով. Արա Բաբլոյան

Շնորհավոր տոնդ, Երևան, սիրում եմ քեզ. Նիկոլ Փաշինյանի շնորհավորանքը

Շահումյան հրապարակից մեկնարկող հեծանվավազքին ներկա կգտնվի Երևանի քաղաքապետ Հայկ Մարությանը

Պետք է կարողանանք համախմբել մեր համազգային ներուժը համահայկական օրակարգի շուրջ. հանդիպում Լիբանանի հայ համայնքի հետ

Երևան ժամանած պատվիրակություններն այցելել են Ծիծեռնակաբերդի հուշահամալիր

Երեւանն այսօր տոնում է 2800-ամյա հոբելյանը

Հայաստանի 49 համայնքում այսօր ՏԻՄ ընտրություններ են. 4 համայնքում քաղաքապետ կընտրեն

Երեք տարի անց. ռուսները խոստովանում են

Պահը ճակատագրական է, չնայած անունը Սարդարապատ չէ

Ազնիվ է, հոգատար, շնորհալի եւ զարմանալի չէ, որ հայտնվել է կալանքի տակ

Այդ ու՞ր՝ առանց ռեյտինգի. Լիլիթ Ավագյանի հոդվածը

Գյումրիում գտնված նորածինների մայրը հրաժարվել է երեխաներից