Նույն ռեակցիան կարող է լինել պամպերսի հանդեպ. բժիշկը՝ կատետրից փոքիկի մաշկն այրվելու մասին

Երեւանի «Սուրբ Աստվածամայր» բժշկական կենտրոնի տնօրեն Նիկոլայ Դալլաքյանը հավաստիացնում է, որ երկու տարեկան փոքրիկի ձեռքի մաշկի հետ կապված խնդիրները լուրջ չեն, սպասելի են եւ մի քանի օրվա ընթացքում հետ կզարգանան:

Երեխայի մայրը՝ Արմինե Եղիազարյան-Կոբելյանը, ֆեյսբուք սոցիալական ցանցում երեկ ահազանգել էր, որ տղան բուժում է ստացել նշված բժշկական կենտրոնում, բայց կատետրի հետեւանքով ձեռքի վրա առաջացել է այրվածք: Մայրը դա պատճառաբանել է երեխայի նկատմամբ անփույթ ու անմարդկային վերաբերմունքով:

«Երեխային ծնողները քիչ առաջ բերել էին հիվանդանոց, ես՝ նաեւ որպես Հայաստանի գլխավոր մանկական վիրաբույժ, նրան զննել եմ: Երեխայի մոտ՝ բուն երակի մեջ տեղադրված կատետրի հետ կապված բարդություններ չեն եղել, այսինքն՝ երակի բորբոքում (ֆլեբիտ) կամ ենթամաշկային այս կամ այն դեղի թափանցում: Երեխայի մոտ մաշկային փոփոխությունները ի հայտ են եկել կպչուն սպեղանու՝ լեյկոպլաստիրի պատճառով: Կոնտակտային դերմատիտ է կոչվում՝ մաշկի կոնտակտային բորբոքում ՝ պայմանավորված կպչուն սպեղանու հանդեպ երեխայի գերզգայնությամբ: Տեղային բուժման կարիք ունի: Մի քանի օր տնային պայմաններում բուժում անցկացնելու պարագայում այդ բոլոր երեւույթները հետ կզարգանան»,- մեզ հետ զրույցում ասաց Նիկոլայ Դալլաքյանը:

Դիտարկմանը, թե երեխայի հետ տեղի ունեցածն անուշադրությա՞ն հետեւանք չէ, որից հնարավոր կլիներ խուսափել, եթե առաջացող մաշկային խնդիրը շուտ նկատվեր, տնօրենը պատասխանեց. «Ընդհանրապես ներերակային կատետր տեղադրվում է, որպեսզի երեխային մի քանի անգամ չծակեն եւ լրացուցիչ տրավմայի չենթարկեն: Դրա համար կատետրը դրվում է միանվագ, կպչուն սպեղանին էլ դրա վրայից ամրացված է լինում, որ տեղաշարժ չլինի: Հետո մասնագետը հետեւում է, եթե բուն կատետրի երակի մեջ տեղակայման հետեւանքով առաջանում է բորբոքում՝ ֆլեբիտ, տրոմբ եւ այլն, կամ խցանվում է այդ կատետերը, նոր տեղափոխում են: Բնականաբար՝ րոպեն մեկ կամ ամեն օր կպչուն սպեղանին չեն պոկում: Երբ որ ավարտել են կաթիլայինը, երակից կատետրը հանել են, սպեղանին էլ պոկել են, մաշկային փոփոխությունները ի հայտ են եկել: Օրինակ նույն ալերգիկ ռեակցիաները կարող են լինել պամպերսի հանդեպ: Ցանկացած նման երեւույթ, ինչ խոսք, ծնողների համար լուրջ սթրես է, լուրջ մտահոգություն է, բայց բժշկական տեսանկյունից էլեմենտար լուծվող խնդիր է: Բուն երակի հետ կապված որեւէ բարդություն չի եղել, ու փառք Աստծո»:

Տպել
3255 դիտում

Եվրամիությունը 3 մլն եվրո է հատկացնում Հայաստանում սիրիացի փախստականներին

Իտալական ընկերությունը հերաքրքված է Սիսիան-Քաջարան ճանապարհահատվածի շինարարությամբ

ԵՄ-ն ողջունում է ՀՀ կառավարության քայլերը կոռուպցիայի դեմ պայքարում. ԱԳՆ

Արտաբույնքի նախկին ղեկավարը 600.000 դրամով ապօրինի գնել է համայնքապետարանի մանկապարտեզը

Սիրիական բանակը տասնյակ գյուղեր է ազատագրել Դամասկոս նահանգում

Անվտանգության մարտահրավերները Հայաստանի համար շարունակում են մնալ առաջնային. Շարմազանով

Մեծ Բրիտանիայի դեսպանն աջակցություն է առաջարկել Հայաստանի կառավարությանը

Արգելել քաղաքական նպատակներով բարեգործական ակցիաները. ԸՕ-ի մասին՝ Ժառանգության առաջարկները

Անհուսալի վարկեր ունեցողների համար տույժ-տուգանքները ներելու օրինագիծն ԱԺ-ում ընդունվեց

Փաշինյանի որոշմամբ՝ Լիանա Ղալթախչյանը նշանակվել է վարչապետի աշխատակազմի ղեկավարի տեղակալ

Ոչ այս կողմ է ծայրահեղացնել պետք, ոչ այն. ՊՆ խոսնակը Ադրբեջանի հայտարարությունների մասին

Փաշինյանը պաշտոններից ազատել է Շիրակի մարզի երկու փոխմարզպետների

Մոսկվա-Երեւան չվերթի օդանավը հազիվ է խուսափել մեկ այլ ինքնաթիռի հետ բախվելուց

Ազատումներ Լոռու մարզպետարանի աշխատակազմում. քաղաքապետի որդին եւս ազատվել է պաշտոնից

Վահրամ Բաղդասարյանի անվան հետ կապվող ընկերությանը կառավարությունն արտոնություն տվեց

Հրացան, փամփուշտներ, մարիխուանա. երեկ օրենքով գողեր են ձերբակալվել

Նախարարի կարգավիճակով խնդիրներն ավելի արագ են լուծվում. Թանդիլյանը՝ սկզբունքների մասին

Ստեփանակերտում ասացին զինվորների արկղերը շտաբներ չտանեք, տեղ չի հասնի, ուղիղ զորամաս տարեք

Վերջին շրջանում փողոցում եմ եղել, աշխատանք չեմ ունեցել, մի կերպ եմ ապրել. Դավիթ Սանասարյան

Որեւէ մեկի վրա աչք չենք փակելու. Դավիթ Սանասարյանը ՊՆ-ում ստուգումներ է անելու