Ընգեր, պա բռատսկի մորթում ենք. հրապարակվեցին քրեական հեղինակությունների գաղտնալսումները

2016 թվականի նոյեմբերի 13-ին Շենգավիթ վարչական շրջանում գործող «Լիա» գեղեցկության սրահին կից նկուղում տեղի ունեցած աղմկոտ սպանության գործով այսօր դատարանում հետազոտվեց քրեական  հեղինակություններ Նորատուսցի Ալիկի եւ Չարբախցի Գեղամի հեռախոսային խոսակցությունները:

Ի դեպ՝ նախաքննական մարմինը վերծանել է հիշյալ անձանց viber-ի խոսակցությունները: Խոսակցության ժամանակ էլ վերջիններս բողոքում են կապից, ինչպես նաեւ wifi-ից:

2016 թվականի նոյեմբերի 13-ին Շենգավիթ վարչական շրջանում գործող «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գեւորգ Ավետիսյանը տեղում մահացել է, իսկ հրազենային վիրավորում ստացած 38-ամյա Մուշեղ Մուշեղյանը եւ 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաեւ Մուշեղ Մուշեղյանը:

Սույն քրեական գործով մեղադրվում են քրեական հեղինակություններ Ալիկ Բանդուրյանը (Նորատուսցի Ալիկ), նրա թիկնապահ, Բդո մականունով հայտնի Արմեն Գասպարյանը եւ Չարբախցի Գեղամ մականունով հայտնի Պետրոս Իսրայելյանը:

Հեռախոսային խոսակցություններում պարբերաբար հայհոյանքներ էին հնչում, վիրավորական արտահայտություններ: Խոսակցություններից պարզ է դառնում, որ նախքան դեպքը Նորատուսցի Ալիկը, Չարբախցի Գեղամը եւ Արմեն Գասպարյանը (Բդո) փորձել են պարզել Մուշեղ Մուշեղյանի տան տեղը: Տան տեղը պարզելու համար գործին խառնել են անգամ բարձրաստիճան ոստիկաններից մեկի փեսային:

Հեռախոսային խոսակցություններում նաեւ լսվում էր, թե ինչպես է քրեական հեղինակություն Զապ մականունով հայտնի Անդրանիկ Սողոյանը Նորատուսցի Ալիկի խնդրանքով գեղեցկության սրահին կից նկուղից հանել մեկ այլ քրեական հեղինակություն «Բանգլադեշցի Վիրաբիկ» մականունով հայտնի Վիրաբ Գասպարյանին: Հայհոյանքներն այնքան շատ էին, որ դատական նիստի ընթացքում առաջարկվեց, որ ոչ թե ձայնագրությունների սղագրությունները հրապարակվեն, այլ՝ ձայնագրությունը, որովհետեւ գրեթե ամեն նախադասության մեջ վիրավորանքներ պարունակող արտահայտություններ, սեռական բնույթի հայհոյանքներ կային:

Այդ խոսակցություններից պարզ դարձավ, որ Մուշեղ Մուշեղյանի հետ այդ օրը գեղեցկության սրահին կից նկուղում եղել է հինգ հոգի, իսկ Չարբախցի Գեղամի հետ՝ «50 ավտո»: Նորատուսցի Ալիկը պարբերաբար Չարբախցի Գեղամին հորդորում է «սատկացնել» Մուշեղ Մուշեղյանին. «Վիրաբիկին կանչի, առանձին ասա տղերքը դրան սպանում են. բայց Գեղամ, կիսատ-պռատ չծեծեն էլի դրան... նենց են ծեծում, որ հիվանդանոց էթա էլի, այսինքն: Ընգեր պա բռատսկի մորթում ենք»,- դիմելով Չարբախցի Գեղամին՝ ասում է Նորատուսցի Ալիկը, ինչին Գեղամը դրական է արձագանքում. «Սաղի հմար ենք տփում, ախպեր ջան»: Հեռախոսային խոսակցության ընթացքում Նորատուսցի Ալիկը, սակայն չի հանգստանում, պարբերաբար կրկնում է. «Գեղամ, ծեծելուց ասում ես նենց ծեծեն, սաղ ջարդեն, էլի... բայց ասա բիտեքով, ախպերավարի»: Գեղամը պատասխանում է, որ իրենց մոտ հա՛մ դուբինկա կա, հա՛մ լապատկի կոթ: «Բիտեքով ասա ոտերը ջարդեք»: Նորատուսցի Ալիկի հետ խոսակցության ընթացքում Չարբախցի Գեղամը հեռախոսը փոխանցում է Մուշեղի հետ նկուղային հարկում գտնվող քրեական հեղինակություն Վիրաբ Գասպարյանին: Նորատուսցի Ալիկը նրան ասում է, որ տարածքից գնա, նշում է, որ այդ մասին տեղյակ է նաեւ Զապը. «Դրանից հեռու ոչ մի ձեւ պաձերշկա չանես»,- դիմելով Վիրաբիկին՝ ասում է Ալիկը: Կարճ ժամանակ անց նրանց խոսակցությանը միանում է նաեւ Զապը եւ կրկին հորդորում Վիրաբիկին, որ տարածքից գնա. «Դու դրանից յան տու, ապեր»,- ասում է Զապը: 

Դեպքից հետո արդեն Չարբախցի Գեղամին է զանգահարում Նորատուսցի Ալիկի թիկնապահը՝ Բդո մականունով Արմեն Գասպարյանը եւ նրանից հետաքրքրվում, թե ինչ իրավիճակ է: Ի պատասխան՝ Գեղամն ասում է. «Բդո ջան, մորթինք, իրեք հոգի մեր կողմից խփնվել ա, էտի մեռածի նման մարդ ա, թեւ-ոտը ջարդել ենք»,- այսպիսին էր նրանց հեռախոսային խոսակցությունը: Ապա Բդոն փորձում է պարզել, թե «Սուրբ Աստվածամայր» բժշկական կենտրոնում, ինչպես նաեւ դիահերձարանում քանի դիակ կա, այդ կերպ նրանք փորձել են հասկանալ, թե արդյո՞ք Մուշեղ Մուշեղյանը սպանվել է, թե՞ ոչ: Խոսակցություններից մեկում մի տղամարդ, գործով ամբաստանյալ Արմեն Գասպարյանին` Բդոյին ասում է, որ էլ չզանգի իր համարին: «Ցավդ տանեմ, մի զանգի էլ էս համարին, խփին սաղիս, մեզի խփին, մարդ մեռավ զենքով»: Ենթադրվում է, որ այս խոսակցությունը եղել է «Լիա» գեղեցկության սրահին կից նկուղում կատարված սպանություններից հետո:

Ի դեպ, գաղտնալսվել է նաեւ Չարբախցի Գեղամի որդին՝ Գոռ Իսրայելյանը: Վերջինս դեպքից հետո զանգահարել է ինչ-որ մեկին եւ հետաքրքրել, թե ինչպես կարող են ինքն ու հայրը գնալ երկրից:

Այսօր դատարանում հետազոտվեցին նաեւ սույն գործով իրեղեն ապացույցները, մասնավորապես՝ հետազոտվեցին գործում առկա երկու դանակները, պարկուճները, «Մակարով» տեսակի ատրճանակը եւ սկավառակները:

Սույն գործով հաջորդ դատական նիստը տեղի կունենա մարտի 20-ին:

Տպել
24012 դիտում

Կալանավորներին եւ դատապարտյալներին զրկել են հեռախոսային խոսակցություններից. ՄԻՊ-ը դիմել է ՍԴ

ՀՀ-ում ստեղծված իրավիճակը սոսկ իշխող կուսակցության փոփոխություն չէ. գնում ենք նոր ընտրությունների

Հայ-թուրքական սահմանը հատած 16-ամյա թուրք տղան ազատ է արձակվել կալանքից, գործը կարճվել է

Մշակույթի նախարար Լ. Մակունցը Նյու Յորքի Մետրոպոլիտեն թանգարանում մասնակցել է «Արմենիա» ցուցահանդեսի բացմանը

Նիկոլ Փաշինյանը եւ Միշել Աունը քննարկել են հայ-լիբանանյան հարաբերությունների հետագա զարգացմանը վերաբերող հարցեր

ԱԳ նախարարը ուշադրություն է հրավիրել ՀՀ-ի ու Արցախի հետ սահմանին իրավիճակը լարելու Ադրբեջանի փորձերի վրա

Կառավարության ղեկավարը մասնակցել է ՄԱԿ-ի Զարգացման ծրագրի կազմակերպած քննարկումներին

Նիկոլ Փաշինյանը հանդիպում է ունեցել Աֆրիկյան միության կոմիտեի նախագահ Մուսա Ֆակիի հետ

Հայաստանի եւ Իրանի միջեւ առկա է վստահության բարձր մակարդակ. Հասան Ռոհանին՝ Ն. Փաշինյանին

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը