Ազգային ժողովը ՀՀ-ԵՄ համաձայնագիրը կվավերացնի ապրիլի 10-ին. Արմեն Աշոտյան

Անցյալ տարվա նոյեմբերին Բրյուսելում ստորագրված Հայաստան-Եվրամիություն շրջանակային համաձայնագիրը Ազգային Ժողովում կվավերացվի ապրիլի 10-ի հերթական նիստում: Այս մասին այսօր՝ մարտի 19-ին հայտարարել է Հայաստանի Ազգային ժողովի արտաքին հարաբերությունների հանձնաժողովի նախագահ Արմեն Աշոտյանը:

Նման հայտարարություն նա արել է Լեհաստանի Սենատի արտաքին հարաբերությունների հանձնաժողովի նախագահ Մարեկ Ռոցկիի հետ համատեղ մամուլի ասուլիսի ժամանակ:

Նրա խոսքով, Հայաստանի եւ Եվրամիության միջեւ ստորագրված համաձայնագիրը ուժի մեջ կմտնի հատվածաբար՝ Հայաստանի կողմից այն վավերացնելու դեպքում: «Ապրիլին Հայաստանի խորհրդարանը վավերացնելու է այն: Կոնկրետ որեւէ ժամկետ ասել չեմ կարող, այն կստորագրվի ապրիլյան խորհրդարանական որեւէ նիստին: Հավանաբար` ապրիլի 10-11-ին, բայց ոչ ապրիլի 1-ին: Ըստ ամենայնի՝ հենց հերթական նստաշրջանին՝ ապրիլի 10-ին»,- նշեց Արմեն Աշոտյանը:

Նա հիշեցրել է, որ Սահմանադրական դատարանը դրական որոշում է կայացրել, որ տվյալ համաձայնագիրը համապատասխանում է Սահմանադրությանը: Աշոտյանը նաեւ ընդգծել է որ հայկական կողմը չի կարող անգամ ամենակարեւոր փաստաթուղթը վավերացնել ընթացակարգերի խախտմամբ:

Հայաստանը Եվրամիության հետ համաձայնագիրը ստորագրեց անցած տարվա նոյեմբերին՝ դառնալով Եվրասիական տնտեսական միության անդամ առաջին պետությունը, որը նաեւ Եվրոպական միության հետ խորացրեց գործակցությունը:

2017 թ-ի վերջին նիստում Կառավարությունը հավանություն տվեց փաստաթղթին եւ առաջիկայում, երբ Սահմանադրական դատարանը եւս դրական եզրակացություն տա, այն որպես օրենքի նախագիծ կուղարկվի Ազգային ժողով՝ ըստ ամենայնի, Արմեն Աշոտյանի գլխավորած արտաքին հարաբերությունների մշտական հանձնաժողով:

Այսօր խորհրդարանում տեղի է ունեցել ԱԺ արտաքին հարաբերությունների մշտական հանձնաժողովի եւ Լեհաստանի Հանրապետության Սենատի արտաքին հարաբերությունների ու Եվրոպական միության հետ կապերի կոմիտեի համատեղ նիստը, որի շրջանակում քննարկվել են ՀՀ-ԵՄ հարաբերությունները, տարածաշրջանային անվտանգության հիմնահարցերը, հայ-լեհական հարաբերությունները, Լեհաստանի հետ վիզաների ազատականացման հարցը եւ այլն։

Նիստի արդյունքում ստորագրվել է եզրափակիչ բանաձեւ, որտեղ ի թիվս շատ հարցերի անդրադարձ է կատարվել նաեւ ԼՂ հակամարտությանն ու ՀՀ-Լեհաստան համագործակցությանը։

Տպել
639 դիտում

Քաղաքական գործիչը ձգտում է առավելագույնի. Արայիկ Հարությունյանն՝ ԱԺ նախագահ լինելու մասին

Լիլիթ Արզումանյանի նշանակման հիմքում փորձն ու գիտելիքներն են. Արայիկ Հարությունյան

Մենք կապ չունենք Զուրաբիշվիլիին ուղղված սպառնալիքների հետ. Վրաստանի ընդդիմություն

«Օրենքով գող» Մերաբ Քալաշովը կհանձնվի Ֆրանսիայի իրավապահներին. նա հետախուզվում է 2015-ից

Ավելի քան 13 երկիր ցանկանում է ռուսական C-400 զենիթահրթիռային համակարգեր գնել

Առեւանգել են 14-ամյա աղջկան եւ սեռական հարաբերություն ունեցել. ՔԿ-ն մեղադրանք է առաջադրել

Սվիտալսկին լսե՞լ է «հստակ գաղափարները». Փաշինյանը հանդիպել էր ԵՄ դեսպաններին

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ