15-ամյա տղային դանակահարելու պատճառը զինվորական համազգեստն է եղել. դանակահարողը սեկտա՞նտ է

Լուսանկարում՝ 15-ամյա Վանը

Ապրիլի 1-ին պատանիների համար տոնական Սուրբ Զատիկն ավարտվել է դանակահարությամբ:

Ժամը 19։40-ի սահմաններում՝ «Կոնգրես» հյուրանոցային համալիրի դիմաց, Կոմյագուց համադասարանցիների հետ դուրս գալիս, դանակահարվել է 15-ամյա Վան Բաղրամյանին: Վերջինս «Սուրբ Աստվածամայր» բժշկական կենտրոն է տեղափոխվել «կրծքային եւ գոտկային ծակած վերք» ախտորոշմամբ: Նրան դանակահարողին ոստիկանները նույն օրը հայտնաբերել են եւ բերման ենթարկել ոստիկանության բաժին: Մի քանի ժամ անց, սակայն 35-ամյա Արգամ Հ...-ն ազատ է արձակվել:

Դեպքը շատ անսպասելի է տեղի ունեցել. Վանի հետ դեպքի պահին եղել է նրա 13-ամյա քույրը եւ 7 համադասարանցիները:

Մեր զրույցում դանակահարված պատանին պատմեց, որ այդ օրը՝ ապրիլի 1-ին, համադասարանցիների հետ Սուրբ Զատիկը նշելու են գնացել, ժամը 19:00-ի սահմաններում տուն գնալիս են եղել, փորձել են անցնել մայթը, երբ Արգամ Հ.-ն մոտեցել է իրեն ու դանակի երկու հարված հասցրել: «Հարվածեց թոքի եւ որովայնի հատվածում: Երկու վայրկյան հետո հասկացա՝ ինչ է կատարվում, արյուն էր գալիս, շրջվեցի, տեսա, որ իր մոտ դանակ կա, փախա դիմացի փողոց, ոտքս սայթաքեց, ես ընկա, հետո տեսա, որ ինքը հետեւիցս գալիս էր, որ հաջորդ հարվածը հասցներ, փախա մինչեւ դիմացի այգին, որտեղ սպասեցի բժիշկներին ու ոստիկաններին»,- պատմեց Վանը: Մեր հարցին ի պատասխան նա ասաց, որ իր հետ գտնվող ընկերները սկզբում կարծել են, թե ապրիլմեկյան կատակ է, սակայն երբ տեսել են փախչող Վանին, հասկացել են, որ իրավիճակը լուրջ է, ոստիկանություն եւ հիվանդանոց են զանգահարել, իսկ նրանցից մեկն էլ վազել է դանակահարողի հետեւից, սակայն չի հասցրել նրան բռնել: Արդեն հիվանդանոցում, Վանին հաջողվել է պարզել դանակահարողի ինքնությունը: Ըստ այդմ՝ Արգամ Հ.-ն Արագածոտնի մարզի Օշական գյուղից է: «Ոստիկանությունում պարզվեց, որ ինքը համասեռամոլ է, սեկտանտ-հավատացյալ, իր ֆեսյբուքյան էջն էլ ուսումնասիրելիս դա ապացուցվեց»,- ասաց դանակահարված տղան:

Տուժածի ընտանիքին հաջողվել է պարզել, որ Արգամ Հ.-ն Ֆրանսիայում է ապրել, սակայն նրան արտաքսել են Հայաստան: 15-ամյա պատանու հորը՝ Միքայել Բաղրամյանին, զայրացրել է այն հանգամանքը, որ որդուն դանակահարող անձն ազատության մեջ է: «Մենք իրենց անձամբ երբեւէ չենք ճանաչել, ուղղակի հետաքրքրվել ենք, որ Օշականից է, Ֆրանսիայից դեպորտ են արել: Ոչ մի տեղ գրանցված չէ: Նախնական տեղեկություններով, դեպորտ են արել մարդ խփելու համար, բայց դրանք տեղեկություններ են, որոնք պետք է ստուգվեն»,- ասաց հայրը:

15-ամյա պատանուն դանակահարելուց հետո մամուլում հրապարակումներ եղան, թե 35-ամյա Արգամ Հ.-ն պատանուն հարվածել է անպարկեշտ հայտարարություններ անելու համար: Ինչպես նաեւ գրել էինք, որ ըստ Արգամ Հ.-ի խոստովանական ցուցմունքի՝ նա 15-ամյա երեխային կասկածել է համասեռամոլության մեջ: Այս հրապարակումները զայրացրել են տուժածի հորը: «Իմ ամբողջ զայրույթն այն է, որ ապատեղեկատվություն է եղել, երեխան, նախ՝ մենակ չի եղել, այգում պտտվել են, ես եմ թույլ տվել որոշ ժամանակով: Ժամը 7-ի կողմերը զանգեցին, ասացին՝ սենց դեպք է պատահել: Ընկերներն են առաջին օգնությունը ցույց տվել, մարդ չի հասկացել՝ ինչի համար է տեղի ունեցել»,- ասաց Միքայել Բաղրամյանը:

Դեպքի օրը 15-ամյա Վանը զինվորական համազգեստով է եղել, ըստ իր խոսքերի՝ սիրում է այդպես հագնվել. «Եթե վերցնենք այն հանգամանքը, որ երեխան զինվորական հագուստով է եղել, ապա նա դանակ է բարձրացրել հայ զինվորի վրա»,- ասաց հայրը, ապա հավելեց. «Շատ վատ եմ վերաբերվում այն հանգամանքին, որ դանակահարողն ազատության մեջ է, սա ի՞նչ անպատկառություն է, եթե մեկը պեչենի է գողանում, նրան տանում ազատազրկում են, կոնկրետ փաստեր գիտեմ, որ մարդուն 2.5 տարի դատում են անհիմն, հետո ասում են՝ ներողություն եմ խնդրում: Իսկ տվյալ դեպքում, երբ դեպքից 20 րոպե հետո բռնվել է, ազատ են արձակում»,- ասաց Բաղրամյանը: Պարզվեց, որ Արգամ Հ-ի վերաբերյալ նույն օրը երեք ահազանգ է ստացվել ոստիկանություն: «Ես ոստիկանության աշխատակիցներին հարցրի՝ բա լավ ո՞նց բռնեցիք իրեն, ոստիկանության աշխատակիցն ասաց, որ երեք ուրիշ ահազանգ ենք ստացել, որ այսպիսի մարդ կա, դանակով քաղաքում պտտվում է: Հետաքննիչի պատմելով՝ նա ցուցմունք է տվել, խոստովանել, որ ինքն է խփել, հետո հայտնաբերել են այդ գործիքը, ինչով որ խփել է. խորությունը 4 սմ է երկու վերքերի ու բավական լայն: Նա նպատակադրված է եղել ինչ-որ մարդ խփելու»: Տուժածի հայրը նաեւ ասաց, որ որդուն դանակահարելուց հետո Արգամ Հ.-ն վազել է անգամ մյուս երեխաների հետեւից: Դեպքի շուրջ բացատրություններ են տվել նաեւ ականատես պատանիները: «Երեխաներն ընկճված են այն հանգամանքից, որ նա ազատության մեջ է...ես սպասում եմ, թե իրավապահ մարմինները ինչ քայլեր են ձեռնարկելու»,- ասաց նա՝ հավելելով, որ արդեն իսկ հետաքննիչները նրան փոխանցել են, որ հյուրանոցի դիմացի տեսախցիկները չեն աշխատում, որովհետեւ շինարարություն է ընթանում, այնինչ, ըստ Միքայել Բաղրամյանի՝ հյուրանոցի շուրջբոլորը տեսախցիկներ են:

15-ամյա պատանու մայրը՝ տիկին Հասմիկն էլ ասաց, որ երբ հիվանդանոցում ոստիկանին հարցրել է, թե ինչն է եղել որդու դանակահարության պատճառը, ոստիկանն ասել է, որ պրովոկացիոն է եղել զինվորի համազգեստը. «Ինքը հարվածել է զինվորականին, ըստ երեւույթին, ինքը ինչ-որ խնդիրներ է ունեցել զինվորականների հետ ու երիտասարդ զինվոր է ցանկացել սպանել»,- ասաց տիկին Հասմիկը:

15-ամյա Վանը սովորում է «Արեգնազան» կրթահամալիրում, մասնակցել է մի շարք միջազգային փառատոնների՝ ներկայացնելով հայ-ավանդական մշակույթը:

ՀՀ ոստիկանության հասարակայնության հետ կապերի եւ լրատվության վարչությունից մեր հարցին ի պատասխան ասացին, որ դեպքի առթիվ ոստիկանությունում հետաքննություն է կատարվում: Սա նշանակում է, որ մինչ հետաքննության ավարտը Արգամ Հ.-ն շարունակելու է գտնվել ազատության մեջ, իսկ քրեական գործ հարուցելուց հետո էլ դեռ հարց է՝ 15-ամյա պատանուն դանակահարած անձը կհայտնվի՞ ճաղերի ետեւում, թե՝ ոչ:

Նյութը տպագրվել է «Հայկական ժամանակ» օրաթերթի ապրիլի 5-ի համարում:

Տպել
15220 դիտում

Բրյուսելում կայանալիք հանդիպումը ինչի կարող է դրդել Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին