18:30-ին հաղթական հանրահավաք. Նիկոլ Փաշինյան. թարմացվող

15:53- «Նախ, ձեր ցավը տանեմ:

Երկրորդ, վերջին 24 ժամվա մեջ ես եղել եմ կատարյալ մեկուսացման մեջ, այսինքն ես հիմա չգիտեմ բազմաթիվ ինֆորմացիաներ: Հիմա ես ձեզնից ինչ եմ խնդրում: Ինձ հնարավորություն եք տալիս՝ ես 2 ժամով մեկուսանամ, գործընկերներիս հետ հասկանամ ինֆորմացիանԽնդրում եմ, ինձ 2 ժամ տվեք հասկանամ ինչ է կատարվում, լուծեմ կալանքի տակ գտնվող մեր մյուս ընկերների հարցը: Հիմա տեխնիկայի մեքենան է գալու, խնդրում եմ՝ ճանապարհ կտաք: 18:30-ին այստեղ հաղթական հանրահավաք»,- ասաց Նիկոլ Փաշինյանը:

,- ասաց Նիկոլ Փաշինյանը:

15:50- ԱԺ պատգամավոր Սասուն Միքայելյանը նույնպես բարձրացավ հարթակ:

15:46- ԱԺ պատգամավոր Նիկոլ Փաշինյանը, Արարատ Միրզոյանը Հանրապետության հրապարակում հարթակին են:

15:40- Նիկոլ Փաշինյանի մասնակցությամբ երթը հասավ Հանրապետության հրապարակ:

15:39- Նիկոլ Փաշինյանին երթի ընթացքում միացավ նրա կինը՝ Աննա Հակոբյանը:

15:29- Նիկոլ Փաշինյանի մասնակցությամբ երթն ընթանում է դեպի Հանրապետության հրապարակ:

15:29- Զիվորականներն այստեղից լքեցին քաղաքաիներին:

15:03 - Քիչ առաջ պարզվեց, որ Արարատի մարզից Երեւան եկող ճանապարհը փակած քաղաքացիները Սերժ Սարգսյանի կողմնակիցները: Արարատի մարզից եկող մեքենաները հետ են ուղարկում: 

14:37 – Մի խումբ մեքենաներ Նորագավիթում փակել են Արարատի մարզից Երեւան եկող ճանապարհը:

14:23- Երեւանում երթերից մեկի շարքերում մեքենաներով երաժշտություն են միացրել:

13:53- Երեւանում ցուցարարները ոստիկանության Շենգավիթի բաժնի մոտ են, որտեղ երեկվա դրությամբ պահվում էին ԱԺ պատգամավորներ Սասուն Միքայելյանը եւ Արարատ Միրզոյանը:

13:48- Վանաձորում հանրահավաք է:

13:43- Գեղարքունիքում քաղաքացիներն ասում են, որ ճանապարհը չեն բացի, քանի դեռ ԱԺ ձերբակալված պատգամավորներին բաց չեն թողել: 

13:33- Գեղարքունիքում քաղաքացիները փակել են ճանապարհը, թույլ չեն տալիս՝ զբոսաշրջիկներով ավտոբուսներն անցնեն: 

13:31- Մարդիկ պարբերաբար մոտենում են ու սնունդ, խմիչք փոխանցում խաղաղ բողոքի ակցիայի մասնակիցներին:

13:28- Բողոքի խաղաղ ակցիայի մասնակիցները բացականչում են. «Ազատ, անկախ Հայաստան»:

13:27- Լուսանկարներ երթից

ծ

13:18- Երթ է Արշակունյաց պողոտայում: Զինվորականներն այնտեղ են: Մարդիկ քայլում են ծածանելով ՀՀ դրոշը:

13:15- Զինվորները երթի ժամանակ

13:10- Երթում զինվորականների թիվը մեծացել է:

13:02- Գեղարքունիքում քաղաքացիները միջպետական ճանապարհ են փակել են: Պահանջում են ազատել Նիկոլ Փաշինյանին:

12:36 – Երթ է ընթանում նաև Տիգրան Մեծի պողոտայով:

12:28 – Ցուցարարները շարժվում են Չարենց և Նար-Դոս փողոցներով: Վարդանանց փողոցից նրանց միացավ մեկ այլ երթ:

12:11- Երթի մասնակիցները երգում են «Մեր հայրենիքը»:

12:10- Եթի մասնակիցներն ասում են, որ իրենց նկատմամբ գործադրված բռնությանը պետք չէ պատասխանել:

12:08- Երթի մասնակիցները պահանջում են ազատ արձակել ԱԺ պատգամավոր Նիկոլ Փաշինյանին:

11:53- Երթին մասնակցում են զինվորական համազգեստով երիտասարդներ:

11:20- Խաղաղ անհնազանդության ցույցերը Երեւանի փողոցներում շարունակվում են, գործողությունները քիչ-քիչ ավելի մեծ թափ են առնում, շարունակ նոր խմբեր են միանում ցուցարարներին: Արդեն ահազանգեր կան ոստիկանական բռնությունների ու խաղաղ ցույցը ուժով ցրելու փորձերի մասին:

Բողոքի գործողությունները շարունակվում են նաեւ ՀՀ մարզերում:

10:48- Դասադուլ են հայտարարել Երեւանի գրեթե բոլոր բուհերը: Փողոցները լի են ուսանողական առանձին խմբերով, որոնք մաս-մաս, համախմբված փակում են փողոցներ: Բժշկականի ուսանողները փողոցում են սպիտակ խալաթներով:

10:43- Երեւանի թիվ 18 դպրոցի մոտ դասադուլ է հայտարարված:

10:40- Երեւանի տարբեր հատվածներում ակտիվ գործողությունները շարունակվում են, Հաղթանակի կամուրջն այս պահին՝ մեքենաների ու մարդկանց կուտակումներ:10:18- Չնայած այն հանգամանքին, որ Սերժ Սարգսյանի վարչապետության դեմ մղվող պայքարը գլխատված է ու հեռացված են շարժման հիմնական կազմակերպիչներն ու համակարգողները, սակայն շարժումը շարունակում է ժողովրդական ինքնաբուխ բնույթ կրել:

Ժամը 8:15-ից, նախատեսվածի նման, երիտասարդությունը կրկին սկսեց անհնազանդության գործողությունները, նրանց են միանում այլ քաղաքացիներ:

Ոստիկանության ուժեղացված ծառայությունը եւս շարունակվում է: Նրանք ժամանակ առ ժամանակ մոտենում են ցուցարարների առանձին խմբերին, փորձում ցրել նրանց, որոշ ժամանակ անց խումբը կրկին հավաքվում է: