Սադրիչների խումբն առաջնորդել է Ճոյտը. ինչպես է սպանվել Էջմիածնի ԵԿՄ փոխնախագահը

Լուսանկարում՝ ձախից Հակոբ Հակոբյանը, աջից՝ սպանված Նվեր Հովհաննիսյանը

Երեկ՝ ապրիլի 23-ի երեկոյան, սպանվել է Երկրապահ կամավորականների միության Էջմիածնի տարածքային բաժանմունքի փոխնախագահ 46-ամյա Նվեր Հովհաննիսյանը: Վերջինը ժամը 18:55-ին կրծքավանդակի աջ կեսի կտրած-ծակած վերք ախտորոշմամբ տեղափոխվել է Էջմիածնի հիվանդանոց, սակայն նրա կյանքը փրկել չի հաջողվել. երեք ժամ անց հիվանդանոցում մահացել է:

ՀՀ ոստիկանության հասարակայնության հետ կապերի եւ լրատվության վարչությունից մեր հարցին ի պատասխան ասացին, որ դեպքի հանգամանքները պարզվում են: Նշենք, որ դեպքի առթիվ հարուցվել է քրեական գործ՝ ՀՀ քրեական օրենսգքրի 104 հոդվածի 1-ին մասով (դիտավորյալ սպանություն): Քրեական գործի շրջանակներում, մեր տեղեկություններով, դեռ ձերբակալված չկա:

Նվեր Հովհաննիսյանի սպանության շուրջ տեղեկություններ շրջանառվեցին, թե նրան սպանել են ցուցարարները: Ըստ այդմ՝ Նվեր Հովհաննիսյանը խոչընդոտել է ցուցարարների երթը, ինչի ժամանակ էլ ցուցարարներից մեկի միջեւ վեճ է եղել, վերջինս էլ դանակով հարվածել է նրան: Այս տեղեկությունը, սակայն, այսօր հերքեց թե՛ ԵԿՄ խոսնակ Վարդան Վարդանյանը եւ թե Էջմիածնի քաղաքապետարանը՝ պնդելով, որ Նվեր Հովհաննիսյանին սպանել են սադրիչները, որոնց հետեւում կանգնած է ՀՀԿ-ական նախկին պատգամավոր Ճոյտ մականունով հայտնի Հակոբ Հակոբյանը:

Մեր զրույցում Էջմիածնի քաղաքապետարանի լրատվության բաժնի պետ Մարիամ Պողոսյանը մանրամասներ պատմեց դեպքից: Նա նախ ուշադրություն դարձրեց այն հանգամանքի վրա, որ դեպքը տեղի է ունեցել Սերժ Սարգսյանի հրաժարականից ժամեր հետո: «Դեպքի առթիվ որոշ մարդիկ տարածում են ակնհայտ ապատեղեկատվություն, թե իբր Նվեր Հովհաննիսյանը խոչընդոտել է բողոքող ցուցարարների երթը, որպեսզի չգնան Երեւան, հաշվի չառնելով, որ դեպքը տեղի է ունեցել Սերժ Սարգսյանի հրաժարականից ժամեր անց, երբ որեւէ երթ չի եղել եւ խոսք լինել անգամ չի կարող երթը խոչընդոտելու մասին: Դեպքը տեղի է ունեցել երեկ երեկոյան 18:50-ի սահմաններում, այսինքն՝ Սերժ Սարգսյանի հրաժարականից հետո որեւէ ցույց չէր կարող լինել, որին կարող էին խոչընդոտել: Այս օրերին էջմիածինցիները ակտիվ ցույցեր են անցկացրել, եւ Էջմիածնի քաղաքապետարանը ոչ մի խոչընդոտում չի կատարել, երբեւէ չի խոչընդոտել մարդկանց ազատ կամարտահայտման դրսեւորումները, ցանկացած ցուցարարի կարող եք հարցնել»,- մանրամասնեց Մարինե Պողոսյանը: Հարցին, թե այդ դեպքում ովքե՞ր են կանգնած Նվեր Հովհաննիսյանի սպանության ետեւում եւ ո՞վ է նրան սպանել, Պողոսյանը պատասխանեց, որ կարող է ասել, թե ինչ իրավիճակ է եղել: Նրա ներկայացմամբ՝ այդ ժամին տոնակատարություն է եղել, սադրիչների խումբ է եկել եւ փորձվելով օգտվել առիթից, ցուցարարներին կոչ են արել անօրինական գործողություններ կատարել, սադրիչներից մեկն էլ դանակահարել է Նվեր Հովհաննիսյանին: «Նա ոչ թե տոնակատարությանն է մասնակցել, պարզապես հեռվում կանգնած է եղել, երբ սադրիչների խումբը եկել է»,- հավելեց Պողոսյանը: Դիտարկմանը, որ շրջանառվող տեղեկությունների համաձայն՝ սադրիչների հետեւում կանգնած է ՀՀ ԱԺ նախկին պատգամավոր Հակոբ Հակոբյանը, այս մասով ի՞նչ տեղեկություններ կան, Մարինե Պողոսյանը պատասխանեց, որ խմբի մեջ է եղել Հակոբյանը. «Փորձել են անօրինական կոչերով հանդես գալ»:

Ավելի ուշ Էջմիածնի քաղաքապետարանը Նվեր Հովհաննիսյանի սպանության դեպքի առթիվ հայտարարություն տարածեց՝ կրկին պնդելով, որ սադրիչներին առաջնորդում էր նախկինում եւս նման աշխատաոճով աչքի ընկած, քրեական անցյալ ունեցող, պետությունից հարկեր թաքցնելու, այլ մեքենայությունների համար մի քանի անգամ դատարանի օրինական վճռով մեղավոր ճանաչված նախկին պատգամավոր Հակոբ Հակոբյանը՝ Ճոյտ մականունով հայտնի: «Քաղաքապետարանի հստակ դիրքորոշումն է, որ իշխանության բոլոր մարմինները պետք է անվերապահ կատարեն իրենց պարտականությունները, չի կարելի թույլ տալ երկրում անիշխանության մթնոլորտ, ամեն տեսակի կասկածները պետք է հաստատվեն կամ փարատվեն դատարանների, այլ իրավասու մարմինների որոշումներով: Չի կարելի թույլ տալ, որ հեղափոխությունից հետո ջրի երես բարձրանա փրփուրը: 
Էջմիածնի քաղաքապետարանը կոչ է անում չտրվել սադրանքներին, չլսել սադրիչների կեղծ կոչերը, զերծ մնալ անօրինական գործողություններից եւ սթափ գնահատել ստեղծված իրավիճակը, չդառնալ գործիք սադրիչների եւ հանցագործների ձեռքին»,- նշված է հայտարարությունում:

Դեպքին այսօր լրագրողների հետ զրույցում անդրադարձել է նաեւ ԵԿՄ վարչության նախագահ Մանվել Գրիգորյանը: «Կարամ ասեմ, որ մի խումբ, ոչ թե շարժման խումբ, մի խումբ ճոյտականներ հարբած գնացել են քաղաքապետարանի մոտ»։ Մանվել Գրիգորյանի խոսքերով՝ Նվեր Հովհաննիսյանը ապրիլյան պատերազմի ժամանակ ականապայթունային վնասվածք էր ստացել, ընդգծելով, որ իր օգնականը երկու դանակի հարված է ստացել, որոնցից մեկը՝ սրտին, մյուսը՝ թոքին. «շատ ցավալի է»,- ասաց նա:

Նշենք, որ Նվեր Հովհաննիսյանը Էջմիածնի քաղաքապետ Կարեն Գրիգորյանի կողմնակիցն է: Գաղտնիք չէ, որ Ճոյտ մականունով հայտնի Հակոբ Հակոբյանի եւ Կարեն Գրիգորյանի հարաբերությունները հատկապես քաղաքապետի ընտրությունների ժամանակ լարված են եղել: Էջմիածնի քաղաքապետի ընտրությունները մշտապես անցել են լարված մթնոլորտում՝ կրակոցների ներքո: Թե Հակոբ Հակոբյանը ինչ դերակատարություն է ունեցել Նվեր Հովհաննիսյանի սպանության եւ սադրիչների հետ փորձեցինք պարզել անձամբ նրանից, սակայն վերջինիս հեռախոսահամարն անհասանելի էր:

Նվեր Հովհաննիսյանը մասնակցել է նաեւ Արցախյան պատերազմին, ամուսնացած է, ունի երկու դուստր:

Տպել
9448 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ