Զբաղված եք դեզինֆորմացիայի տարածմամբ. Նիկոլ Փաշինյանը՝ Արման Սաղաթելյանին

Վարչապետի թեկնածու, ԱԺ պատգամավոր, ԵԼՔ խմբակցության ղեկավար Նիկոլ Փաշինյանը նշեց, որ ԱԺ ՀՀԿ խմբակցության պատգամավոր Արման Սաղաթելյանը ապատեղեկատվություն է տարածում: Այս պահին ԱԺ-ում ընթանում է հատուկ նիստը, որի ժամանակ պետք է ընտրվի երկրի վարչապետը: Վարչապետի թեկնածուի հետ հարցուպատասխանի ընթացքում Սաղաթելյանը կարդաց Արցախի Հանրապետության մասին մի քանի տող եւ նշեց, որ դրանք պատկանում են Նիկոլ Փաշինյանին:

«Ինձ զարմացնում է, որ մեր երկրում դեռ կան մարդիկ, ովքեր իլյուզիաներ ունեն գրավյալ, եթե կուզեք ազատագրված, եթե կուզեք օկուպացված տարածքների վերաբերյալ: Ես չեմ ընդունում այն տեսակետը, թե լավ դիվանագիտությունը կարող է այնպես անել, որ այդ տարածքները չվերադարձնենք Ադրբեջանին: Մերը թողած, ուզում ենք տերը լինել ուրիշին»,- կարդաց Արման Սաղաթելյանը:

Այնուհետեւ Սաղաթելյանը հարց ուղղեց Փաշինյանին:

«Հարցս հետեւյալն է. արդյո՞ք ձեր նախկին պատասխանի եւ այս ցիտատի միջեւ չեք տեսնում հակասություն եւ արդյո՞ք, ինչպես ասվում է, քաղաքական իրողություններով պայմանավորված, դուք նույն կարծիքին եք, թե այլ այս պահի դրությամբ եւ այսօր»,- ասաց նա:

Նիկոլ Փաշինյանը պատասխանեց, որ նշված տողերն իրեն չեն պատկանում: Նաեւ ավելացրեց, որ բազմիցս ապացուցել է, որ ինքը նման բան երբեք չի գրել:

«Ասեմ, որ ձեր ասած մեջբերումը արդեն 5 տարի իմ լուսանկարով շրջանառության մեջ է դրված սոցիալական ցանցերում եւ նշված է, որ ես դա գրել եմ «Հայկական ժամանակ»-ի կոնկրետ օրը հրապարակված համարում: Այս ընթացքում ես 15 անգամ հրապարակել եմ այդ օրը «Հայկական ժամանակ»-ում տպագրված իմ հոդվածի լուսապատճենը, որտեղ ձեր ասած որեւէ նախադասություն գոյություն չունի: Եվ ես ցավում եմ, որ դուք, սա իմանալով, սոցիալական ցանցերում ակտիվ լինելով, իմ 15-20 անգամվա հերքումները, հոդվածի լուսապատճենները չեք նկատում, եւ հիմա եկել եք ԱԺ նիստում զբաղված եք դեզինֆորմացիայի տարածմամբ: Եվ թույլ տվեք եզրակացնել, որ, եթե այդպես է, ուրեմն դուք եւ ձեր թիմը կարող է որոշակի կապ ունենալ նման դեզինֆորմացիաների տարածման հետ:

Եթե որեւէ մեկը փորձի մեր գործունեությունը ներկայացնել որպես ՀՀ ազգային եւ պետական շահերին հակասող, այդ մեկին շատ լուրջ հիասթափություն է սպասվում: Եվ ես ձեզ կոչ եմ անում դադարեցնել դեզինֆորմացիայի տարածումը եւ ուզում եմ հատուկ ասել, որ իմ ունեցած տեղեկատվությամբ՝ հանրապետական որոշակի շրջանակում ինձ են վերագրում Լեռնային Ղարաբաղի Հանրապետության հետ կապված հայտարարություններ, եւ հատուկ ալգորիթմներով սուտ հայտարարությունները տարածվում են Լեռնային Ղարաբաղի բնակիչ հանդիսացող օգտատերերի շրջանում: Եվ սա արվում է ներազգային զարթոնքը կասեցնելու եւ թշնամանք հարուցելու համար:

2016 թ.-ին, ես՝ ինքս, Քաղաքացիական պայմանագիր կուսակցությունից ջոկատ եմ հավաքել եւ մեկնել եմ առաջնագիծ՝ իրացնելու մարտական հերթապահություն, քնել եմ վրաններում, փորել եմ խրամատներ եւ ավտոմատով պաշտպանել եմ իմ հայրենիքի՝ Լեռնային Ղարաբաղի Հանրապետության եւ ՀՀ անվտանգությունը: Եվ եթե որեւէ մեկը կփորձի իմ գործունեությունը այլ լույսի ներքո ներկայացնել, նա կներկայանա բոլորովին այլ լույսի ներքո»,- ասաց նա:

Սաղաթելյանն արձագանքեց Նիկոլ Փաշինյանին եւ եւս մեկ հարց տվեց:

«Իմ հարցը որեւէ ենթատեքստ չուներ: Իմ հարցը հենց դրան էլ ուղղված էր, որպեսզի հասկանալի լինի: Այնուամենայնիվ, ինձ հասկանալի չեղավ հետեւյալը. ինչպիսի՞ն եք տեսնում փոխզիջում ասվածը այս կոնտեքստում եւ ի՞նչ եք դուք հասկանում դրա տակ, եթե մտադիր եք ներկայացնել երկիրը բանակցային պրոցեսում»,- հարցրեց նա:

Նիկոլ Փաշինյանն իր դիրքորոշումն արտահայտեց այդ հարցի վերաբերյալ:

«ԵԼՔ դաշինքի նախընտրական ծրագրում շատ հստակ ամրագրված է, որ փոխզիջման մասին խոսելը ընդհանրապես այն մթնոլորտում, երբ Ադրբեջանը սպառնում է վերացնել հայկական պետականությունը, մի փոքր տարօրինակ է: Այս պայմաններում մենք կարող ենք խոսել միայն սեփական պետության եւ երկրի պաշտպանունակությունը բարձրացնելու մասին: Իսկ փոխզիջման որեւէ տարբերակ քննարկելի է միայն այն պարագայում, եթե Ադրբեջանը շատ հստակ ուղերձ հղի, որ պատրաստ է ճանաչել Լեռնային Ղարաբաղի ժողովրդի ինքնորոշման իրավունքը: Ուրիշ որեւէ տարբերակ չկա ոչ թե նրա համար, որ ինչ-որ մեկի քմահաճույքն է, այլ որովհետեւ սա է պարզ իրողությունը: Լեռնային Ղարաբաղի ժողովրդի ինքնորոշման իրավունքի ճանաչումից Ադրբեջանի հրաժարումը որեւէ տեղ չի թողնում խոսելու որեւէ փոխզիջման մասին: Սա է իմ դիրքորոշումը»,- ասաց նա:

Տպել
4101 դիտում

ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

Կալիֆորնիայի աղետալի հրդեհի զոհերի թիվը հասել է 80-ի, 1200 մարդ անհետ կորած է համարվում

Հայաստանում բոլոր ավտոճանապարհները բաց են, Լարսը դեռ փակ է 445 բեռնատարների համար

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում արջին թակարդը գցած անձին

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները