Ռուզան Ազիզյանը վեց տեղակալ ուներ, իսկ հավաքարարների բարեւին չի էլ պատասխանել

Երեւանի N11 դպրոցում երեկ վերականգնվել էր ուսումնական պրոցեսի բնականոն ընթացքը: Ուրբաթ օրը դպրոցում անցկացված հեղափոխական հանրահավաքից հետո, երբ աշակերտները տնօրեն Ռուզան Ազիզյանից պահանջում էին հեռանալ պաշտոնից, իսկ աշխատակազմի անդամներն ու ծնողները միմյանց հերթ չտալով թվարկում էին նրա չարաշահումները, Ռուզան Ազիզյանը հաջորդ օրն աշխատանքից ազատման դիմում էր գրել:

Այժմ դպրոցի տնօրենի ժամանակավոր պաշտոնակատար է նշանակվել փոխտնօրեն Գոհար Հակոբյանը: Այստեղ, ի դեպ, վեց փոխտնօրեն կա: Տիկին Հակոբյանը դա պատճառաբանեց աշակերտների մեծ քանակով՝ ավելի քան 2 100: Առաջիկայում պետք է անցկացվի տնօրենի թափուր պաշտոնի մրցույթ: Թե հատկապես երբ դա կլինի, առայժմ հայտնի չէ: Մինչեւ այդ պետք է լուծարվի գործող կառավարման խորհուրդը, ապա ձեւավորվի նորը, որի գործառույթներից մեկն էլ տնօրեն ընտրելն է: Համար 11 դպրոցի նախկին տնօրեն Ռուզան Ազիզյանը, որը Սերժ Սարգսյանի համակուրսեցին է, կրթօջախը ղեկավարել է ավելի քան 15 տարի: Բայց դպրոցում չեն հիշում, թե այդ ընթացքում երբեւէ տնօրենի ընտրություն կազմակերպված լինի կամ եղած լինեն նշված պաշտոնի այլ հավակնորդներ: Այդ իսկ պատճառով գործող կառավարման խորհուրդը սպառել է իր նկատմամբ վստահության պաշարները:

Փոխտնօրեն Գոհար Հակոբյանը կանխատեսեց, որ դպրոցի տնօրենի առաջիկա ընտրությունը կլինի մրցակցային: Ինքը կմասնակցի՞ այդ մրցույթին, թե չէ, ասաց, որ դեռ չգիտի:

Դպրոցում ստալինյան ռեժիմ էր

N11 դպրոցի տնօրեն Ռուզան Ազիզյանի հեռանալուց հետո էլ նրանից դժգոհությունները չեն դադարում եւ ստանում են նորանոր դրսեւորումներ: Ազիզյանի քամահրական վերաբերմունքը տարիներ շարունակ վիրավորել է նաեւ դպրոցի տեխաշխատողներին: Նրանք պատմում էին, որ դպրոցում իրենց հատկացված փոքրիկ տարածքը աստիճանների տակ է, որտեղ զգեստափոխվում են աշակերտների եւ ուսուցիչների աչքի առաջ, այդտեղ ընդմիջում են անում, իսկ դպրոցի բուֆետից օգտվելու իրավունք չունեն:   

«Սա է մեր այս դրախտային դպրոցում մեր պայմանները: Հավաքարարը իրավունք չունի նստի հաց ուտի, իրավունք չունի ինչ-որ բան անի: Հավաքարարին անկյուն պետք չէ, դրա համար մենք աստիճանի տակ հաց ենք կերել, աստիճանի տակ էլ հանվել-հագնվել ենք: Մենք ով ենք, մենք չորրորդ կարգի մարդ ենք, մենք ոչ մի բանի իրավունք չենք ունեցել: Անգամ պրիմիտիվ բարեւին երբեք չի պատասխանել, որովհետեւ մենք ամենացածր խավն ենք եղել: Մենք իրավունք չունեինք բարձր խավի մարդկանց բարեւել ու բարեւի պատասխան ստանալ, ինչ մնաց ինչ-որ բանից օգտվել: Այս դպրոցը մինչեւ երեկ չէ առաջին օրը ստալինյան ռեժիմով է ապրել, որ իրար հետ էլ իրավունք չունեինք խոսել»,- ասաց Գայանե Հակոբյանը:

Նրա արարքներում քրեական տարր կա

N11 դպրոցում երեկ հանդիպեցինք Երեւանի ավագանու ԵԼՔ խմբակցության անդամ Անահիտ Բախշյանին: Անդրադառնալով այցի նպատակի մասին մեր հարցին՝ նա պատասխանեց. «Ես հրապարակայնորեն դիմել եմ Մալաթիա–Սեբաստիա վարչական շրջանի թե՛ ոստիկանապետին, թե դատախազին, որպեսզի ինձ ընդգրկեն այս գործընթացի մեջ, որովհետեւ ես շատ ասելիք ունեմ, լուրջ փաստեր ունեմ եւ դրանք ուզում եմ ներկայացնել իրենց»:

Ավելի վաղ ՀՀ գլխավոր դատախազությունը այս դպրոցում տեղի ունեցած չարաշահումների ու յուրացումների մասին մամուլի հրապարակումներն ուղարկել էր ոստիկանություն՝ դրանցում նշված հանգամանքները ստուգելու եւ ՀՀ քրեադատավարական կարգով ընթացքը լուծելու նպատակով: Անահիտ Բախշյանը դժվարացավ ասել՝ նաեւ քրեական գործ կհարուցվի, թե՞ չէ, բայց վստահություն հայտնեց, որ Ռուզաննա Ազիզյանի գործողություններում քրեական տարր կա: «Ես դեռ չգիտեմ՝ ինչ կլինի, բայց չլինելով իրավաբան, ես շատ լավ գիտեմ՝ որ գործողությունն է ապօրինի: Այդ ապօրինության մասին վաղուց էր խոսվում: Հիմա դա ե՞րբ կհամարվի քրեական հանցանք, չգիտեմ: Ես կարծում եմ, որ այդ գործում իսկապես քրեական տարր կա: Բայց նաեւ փորձ ունեմ, որ շատ ավելի վատ ու լուրջ ֆինանսական խախտումների դեպքում համապատասխան մարմինները առանձնապես խոշոր չափի չարաշահումը դարձրին խոշոր չափ, ու պատիժը մեղմացավ: Նույնը, այս պարագայում էլ կարող է լինել: Բայց հիմա ես ձեր միջոցով ուզում եմ ուղերձ հղել մեր հասարակությանը, ովքեր այս վերջին օրերին շատ են խոսում այն մասին, որ Նիկոլ Փաշինյանը հայտարարում է բարության, սիրո, հանդուրժողականության հեղափոխություն: Այո, ես Նիկոլի հանձնարարությունը լսելով, այս ամեն ինչը անում եմ ամենայն սիրով, որովհետեւ երբ սիրում ես արդարությունը, երբ սիրում ես օրենքը, երբ սիրում ես օրինականությունը, դու հակառակը չպիտի ընդունես: Հիմա ես հակառակը չեմ ընդունում: Ես սիրով եմ անում դա: Շատ մեծ սիրով»,- հայտարարեց Անահիտ Բախշյանը:

Հիշեցնենք, որ այս դպրոցի աշխատակիցները նշում էին կաշառքով գործի ընդունվելու, պարգեւավճարները տնօրենին փոխանցելու եւ այլ արատավոր երեւույթների մասին:

Տպագրվել է «Հայկական ժամանակ» օրաթերթի մայիսի 8-ի համարում:

Տպել
26009 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին