Վիճակահանությունը հարմար չէր. ազատոճայինների մարզիչը՝ ԵԱ ձախողման մասին

Ըմբշամարտի Եվրոպայի 2018 թ. առաջնությունում ազատոճայինների ձախողման հիմական պատճառը եղել է ոչ բարենպաստ վիճակահանությունը: Այս մասին «Հայկական ժամանակ»-ի հետ զրույցում ասաց Հայաստանի ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը: Ապրիլի 30-ից մայիսի 6-ը Կասպիյսկում կայացած մրցաշարում ՀՀ հավաքականը  ներկայացված էր 9 քաշային կարգերում, եւ վերադարձավ ձեռնունայն:

«Ընդգծված առաջատար չունեինք: Մեր մարզիկները ե՞րբ են մեդալներ բերել, երբ վիճակահանությունը հարմար է եղել: Շատ ուժեղ մարզիկների պարտվեցինք, օրինակ, Ֆրանգուլյանն (65 կգ) օլիմպիական չեմպիոն, աշխարհի չեմպիոն Վլադիմիր Խինչիգաշվիլու հետ մրցեց, հավասար գոտեմարտում պարտվեց: Մեր տղաներն ընդգծված առաջատար չեն, ճիշտ է՝ պոտենցիալ ունեն: Օբյեկտիվ եւ սուբյեկտիվ պատճառներ է կան, կփորձենք վերացնել: Անհատական աշխատանքը, հոգեբանական վիճակն իրենցից է կախված: Իսկ օբյեկտիվ պատճառներից է այն, որ շատ հարցերում հետ ենք այն երկրներից, որոնք այս մարզաձեւում տոն են տալիս, օրինակ, Վրաստանից, Ռուսաստանից, Ադրբեջանից, Թուրքիայից: Նրանց հետ համեմատած՝ մեր պետական բյուջեն, մեր վերականգնողական վիտամինները, սպորտային բժշկությունը, որը ծախսատար ոլորտ է...»,- ասաց նա:

Ազատ ոճում Հայաստանը ներկայացրած մարզիկներից մեդալներին մոտ էին Միհրան Ջաբուրյանը (57 կգ) եւ Վալտեր Մարգարյանը (70 կգ): 2-ն էլ պարտվել էին քառորդ եզրափակչում, բայց նրանց հաղթած ըմբիշները եզրափակիչ էին անցել, ու նրանք բրոնզի համար պայքարելու հնարավորություն էին ստացել, որը, սակայն չօգտագործեցին: Կուրղինյանը նշում է, որ այդ մարզիկների հարցում կան առանձին պատճառներ, սակայն հավաքականն ունի նաեւ գլոբալ խնդիրներ, որոնք անդրադառնում են արդյունքների վրա:

«Ջաբուրյանը տարիքով մեծ մարզիկ է: Վերջին շանսն էր, չստացվեց, ի՞նչ ասեմ: Մարգարյանն էլ 2 գոտեմարտերը մինչեւ այդ լավ անցկացրեց: Ինչ-որ բան չբավականացրեց, փորձը... շատ պահեր կան, որ պետք է ավելացնել: Փորձի պակաս ունեն, ուշ-ուշ ենք մասնակցում մրցաշարերի: Պատճա՞ռը. մեր ֆինանսական վիճակը, որ համեմատում ենք այդ երկրների հետ... 1 հոգով հարց չի լուծվում, մենք ռեզերվ չունենք: Մրցակցություն պետք է ապահովենք, որ մեկը մյուսով աճի: 1 հոգի տանում ենք, բայց մրցակցություն չկա: Այս տարի, օրինակ, մեզ հրավիրեցին աշխարհի գավաթի խաղարկության, չկարողացանք մասնակցել, որովհետեւ 2-րդ թիմ չունենք, եւ հարմար չէր, որ ե՛ւ Եվրոպայի առաջնություն գնայինք, ե՛ւ այդտեղ»,- ասաց նա:

Եվրոպայի 2018 թ. առաջնությունում ազատոճայինների հավաքականի կազմում Հայաստանն էին ներկայացնում Միհրան Ջաբուրյանը (57 կգ), Գարիկ Բարսեղյանը (61 կգ), Վալոդյա Ֆրանգուլյանը (65 կգ), Վալտեր Մարգարյանը (70 կգ), Գրիգոր Գրիգորյանը (74), Վարուժան Կաջոյանը (79 կգ), Մարզպետ Գալստյանը (86 կգ), Շամիր Աթյանը (92 կգ), Գեորգի Կետոեւը (97 կգ): Նրանք պայքարից դուրս մնացին մրցաշարի պայքարի տարբեր փուլերում: ՀՀ-ն ներկայացուցիչ պետք է ունենար նաեւ 125 կգ քաշային կարգում՝ Լեւան Բերիանիձեն: Նա, սակայն չկարողացավ մասնակցել առողջական խնդիրների պատճառով:

Եվրոպայի առաջնությունից հետո մեծահասակները հանգստանում են: Մինչեւ 23 տարեկանները պատրաստվում են իրենց տարիքային Եվրոպայի առաջնությանը, որը կայանալու է հունիսի 4-10 Ստամբուլում: Մայիսի վերջին հավաք են ունենալու, եւ մեծահասակներն օգնելու են նրանց նախապատրաստական հավաքի ժամանակ: Այնուհետեւ հունիսի 15-16-ից մեծահասակները վերսկսելու են մարզումները: Հավաք են անցկացնելու Ծաղկաձորում: Պատրաստվելու են Թբիլիսիում կայանալիք միջազգային մրցաշարի:

Տպել
850 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին