Երեւանի քաղաքապետարանում իրավիճակը վերահսկողությունից դուրս է եկել (թարմացվող, տեսնայութ)

16:30- Քիչ առաջ Տարոն Մարգարյանի հրաժարականի պահանջին հակագործողություններ են սկսվել: Քաղաքապետարան են ժամանել Երեւանի թաղապետարանների աշխատակիցներ, դպրոցների տնօրեններ եւ հայտարարում են, որ Տարոն Մարգարյանը իրենց քաղաքապետն է: Պայքարի դուրս եկած երկու կողմերի ներկայացուցիչները «մարտական են» տրամադրված միմյանց դեմ:

Վաղ առավոտից Երեւանում քաղաքապետ Տարոն Մարգարյանին մերժելու համար բողոքի ցույցեր են, «Մերժենք Տարոնին և իր բարեկարգումը» կոչերով բողոքի գործողություն է տեղի ունեցել Ալեքսանդր Մյասնիկյանի արձանի հետնամասում գտնվող պուրակի մոտ, որի հատված ծառերի մասին երեկ ահազանգում էր ամբողջ համացանցը: Ցույցի մասնակիցները նախ պատառոտեցին «Ավելի բարեկարգ Երեւան» գրառումներով պաստառները, ապա մի կողմ շպրտեցին թիթեղները եւ լրագրողների հետ միասնին մտան այգու տարածք, որտեղ ըստ ակտիվիստների հատվել է ավելի քան 40 ծառ:

Ավելի ուշ տարածք ժամանեցին Երեւանի գլխավոր Ճարտարապետը, քաղաքապետարանի բնապահպանության վարչության պետ Ավետ Մարտիրոսյանը, որը նշեց՝  այգին «Վարդանյաններ ընտանիք» բարեգործական հիմնադրամի միջոցով է բարեկարգվում: Նա չհերքեց, որ աշխատանքների շրջանակում ծառեր են հատվել:

«Ճիշտ եք նկատել, որ ծառեր են հատվել, հիմնականում ուռենի և թեղի ծառատեսակներ, որոնց տարիքը 50 տարեկանից բարձր է: Քաղաքային միջավայրում թեղիները 50 տարուց ավել չեն դիմանում, մինչև սեպտեմբերի 1-ն այգին կհանձնվի Երևան քաղաքին: 25-ից ավել ծառ է հատվել՝ թեղի, լացող ուռենի»,- ասաց նա:

Ավետ Մարտիրոսյանի խոսքով՝ այգին բարեկարգողները դենդրոնախագիծ են ներկայացրել, ավելին՝ նախկինում առկա ծառերից 4 անգամ ավելի շատ ծառեր են տնկվելու: Ըստ նրա՝ եթե առողջ ծառեր էլ հատվել են, ապա զուտ շատրվան կառուցելու համար, բայց վստահեցրեց, որ ծառեր տնկվելու են:

Պատասխանը քաղաքացիներին չբավարարեց: Նրանք վերցրեցին հատված ծառի կանաչ ճյուղերը եւ գնացին Երեւանի քաղաքապետարան: Նրանց հաջողվեց հասնել մինչեւ Տարոն Մարգարյանի աշխատասենյակ տանող միջանցք, որտեղ ցուցարաների ճանապարհը փակեցին փոխքաղաքապետեր Կամո Արեյանը, Դավիթ Օհանյանը եւ տեղեկատվության ու հասարակայնության հետ կապերի պատասխանատու Արթուր Գեւորգյանը: Նրանք փորձեցին ցուցարարների հետ ընդհանուր հայտարարի գալ, սակայն վերջիններս պահանջում էին Տարոն Մարգարյանի հրաժարականը:

Փոխքաղաքապետ Դավիթ Օհանյանն առաջարկեց հանդիպում ոլորտի պատասխանատուների հետ, այլ ոչ քաղաքապետի հետ, հրավիրեց դահլիճ, կոչ արեց դադարեցնել այս վիճակը, ցուցարարները, սակայն, չհամաձայնվեցին ու պահանջեցին հանդիպում հենց Տարոն Մարգարյանի հետ: Քաղաքապետարանի աշխատակիցները նաեւ կոչ էին անում անհիմն չմեղադրել այգու բարեկարգման անվան տակ այգին փչացնելու մեջ, քանի որ կա այն կառուցելու հստակ օրակարգ:

Այս պահին քաղաքապետարանի շենքում լարված իրավիճակ է, ներսում վանկարկում են «Տարոն, հեռացի՛ր», պահանջում նաեւ ավագանին ցրել:

 

Այս ընթացքում ցուցարարների թիվը գնալով շատանում է: Նրանց թվում են նաեւ Տարոն Մարգարյանի համակիրները, ովքեր սադրում են իրավիճակը: Նրանք կանգնել են քաղաքապետարանի գլխավոր մուտքի մոտ եւ խոչընդոտում են քաղաքապետի հրաժարականը պահանջող ցուցարարների տեղաշարժը:

Քաղաքապետարանից տեղեկացնում են, որ քաղաքապետը ներսում չէ, աշխատանքային այցով վարչական շրջաններ է մեկնել: 

Տպել
5652 դիտում

Երեք տարի անց. ռուսները խոստովանում են

Պահը ճակատագրական է, չնայած անունը Սարդարապատ չէ

Ազնիվ է, հոգատար, շնորհալի եւ զարմանալի չէ, որ հայտնվել է կալանքի տակ

Այդ ու՞ր՝ առանց ռեյտինգի. Լիլիթ Ավագյանի հոդվածը

Գյումրիում գտնված նորածինների մայրը հրաժարվել է երեխաներից

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան