Ուզում եմ՝ ՀՀ հիմնը հնչի Ադրբեջանում. Եվրոպայի չեմպիոն Ֆերդինանդ Կարապետյան

Վերջերս Եվրոպայի չեմպիոնի տիտղոսը նվաճած ձյուդոիստ Ֆերդինանդ Կարապետյանը (73 կգ) պատրաստ է մասնակցել Ադրբեջանում կայանալիք աշխարհի 2018 թ. առաջնությանը: Մրցաշարը տեղի է ունենալու սեպտեմբերին: ՀՀ հավաքականի մասնակցության հարցը պետք է որոշեն Հայաստանի ազգային օլիմպիական կոմիտեն, ՀՀ ձյուդոյի ֆեդերացիան: «Հայկական ժամանակ»-ի հետ զրույցում Կարապետյանը նշեց, որ, եթե որոշվի, որ ՀՀ-ն մասնակցելու է, ինքն ամեն ինչ կանի հաղթելու համար:

«Ես ցանկանում եմ մեկնել, բարձրացնել հայկական դրոշը եւ այնպես անել, որ հնչի մեր հիմնը: Դա հիանալի կլիներ: Բայց տեսնենք՝ ինչպես կստացվի: Ղեկավարությունն ինչպես ասի, այդպես էլ կանենք: Եթե հավանություն տան, իհարկե կգնանք եւ կանենք հնարավորը, որպեսզի հաղթենք»,- ասաց նա:

Եվրոպայի չեմպիոնի տիտղոսը Կարապետյանը նվաճեց ապրիլի 26-28-ն Իսրայելում կայացած մրցաշարում՝ այն օրերին, երբ ՀՀ-ում քաղաքացիներն ակտիվորեն բողոքի խաղաղ ակցիաներ էին անցկացնում #ԻմՔայլը շարժման շրջանակներում: ՀՀ հավաքականը Եվրոպայի առաջնություններում վերջին անգամ չեմպիոն ունեցել է 13 տարի առաջ: 2005-ին ոսկի է նվաճել հավաքականի ներկայիս գլխավոր մարզիչ Արմեն Նազարյանը: Ֆերդինանդն ուրախ է իր նվաճման համար եւ հույս ունի, որ այն մյուսներին էլ կոգեւորի:

«Յուրաքանչյուր մարզիկ երազում է հաղթել այնպիսի խոշոր մրցաշարերում, ինչպիսիք են Եվրոպայի, աշխարհի առաջնությունները եւ իհարկե օլիմպիական խաղերը: Այդ պատճառով էլ շատ ուրախ եմ, որ նվաճել եմ Եվրոպայի ոսկե մեդալը: Հուսով եմ, որ իմ հաղթանակը խթան կլինի եկող սերնդի մարզիկների համար: Նրանք, կարծում եմ, կշարունակեն ավելի շատ մարզվել լավ արդյունքների հասնելու համար»,- ասաց նա:

Ֆերդինանդը նշում է, որ Եվրոպայի առաջնությունում հեշտ գոտեմարտեր չի ունեցել: Բոլոր մրցակիցներն էլ ուժեղ են եղել: Ամեն դեպքում առանձնացնում է վերջին գոտեմարտը, որում ոսկե մեդալ նվաճեց հաղթելով ադրբեջանցի Հիդայաթ Հեյդարովին:

«Երեւի առանձնացող գոտեմարտը վերջինն էր, առաջին հերթին, որովհետեւ եզրափակիչ էր, որին պետք էր տրամադրվել ավելի շատ, քան նախորդների դեպքում, եւ 2-րդ, քանի որ այդ մարզիկն Ադրբեջանի հավաքականից էր: Դա լրացուցիչ մոտիվացիա էր: Ավելորդ սխալներ թույլ չտվեցի, լավ էի պատրաստվել ու հաղթեցի»,- ասաց նա:

Արդեն այսօրվանից Ֆերդինանդը մտածում է Տոկիո 2020-ի մասին: Եվրոպայի առաջնությունում նվաճման շնորհիվ վաստակել է 700 միավոր եւ այժմ համաշխարհային դասակարգման աղյուսակում 13-րդ տեղում է: Հիմա իր համար կարեւոր է, որպեսզի կարողանա պահպանել բարձր ցուցանիշը, որպեսզի օլիմպիական խաղերի ուղեգիր ձեռք բերի:

«Հիմա իմ նպատակն օլիմպիական խաղերում հայտնվելն է: Վարկանիշ ունեմ, պետք է պահպանել, հաստատել, հայտնվել օլիմպիական խաղերում, նվաճել ոսկի: Բայց մինչեւ օլիմպիական խաղերը մեզ դեռ սպասվում են աշխարհի առաջնություն, Եվրոպայի առաջնություն: Կցանկանայի մեդալ նվաճել աշխարհի առաջնությունից՝ ոսկե մեդալ, եւ պահպանել Եվրոպայի չեմպիոնի կոչումը»,- ասաց նա:

Այս շրջանում մարզիկը հավաքականի կազմում մարզումներ չունի: Շարունակում է անհատական պարապմունքները եւ փորձում է հանգստանալ ու վերականգնվել: Հունիսին Գերմանիայում իր ակումբի՝ «Համբուգի» կազմում կմասնակցի Բունդեսլիգային: Այնուհետեւ կսկսվեն հավաքականի աշխատանքները: Հուլիսին կմասնակցի 2 «Գրան պրի» մրցաշարի՝ մեկը Խորվաթիայում, մյուսը՝ Հունգարիայում:

Տպել
2252 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին