ՀՀ Երեւան քաղաքի ընդհանուր իրավասությունների դատարանը բավարարել է «Շիրակ» ֆուտբոլային ակումբի հայցը: Ակումբը ֆեյսբուքի իր էջում հրապարակել է որոշումը: Դատարանն արգելել է Հայաստանի ֆուտբոլի ֆեդերացիային, ՀՖՖ կարգապահական եւ բողոքարկման կոմիտեներին «Շիրակի» նկատմամբ կիրառել կարգապահական կոմիտեի՝ մայիսի 5-ին սահմանած պատժի 2-րդ կետը: Ըստ այդ որոշման 2-րդ կետի՝ պայմանավորված խաղի համար Բարձրագույն խմբի 2017-18 առաջնությունում թիմի վաստակած միավորները նվազեցվելու էին 12-ով, իսկ ակումբը պարտավորվելու էր վճարել տուգանք նվազագույն աշխատավարձի յոթհազարապատիկի չափով:  

ՀՖՖ-ն, սակայն, անկախ դատարանի որոշման, արդեն կիրառել է պատիժը: Մայիսի 5-ին ՀՖՖ-ն հայտարարել էր, որ փաստեր են հայտնաբերվել, որ ակումբի մարզիչ, մարզական տնօրեն Արարատ Հարությունյանը փորձել է «Բանանցի» ֆուտբոլիստ Էդվարդ Կպոդոյին համոզել գումարի դիմաց այնպես անել, որ առաջնության 27-րդ տուրում իր թիմը պարտվի «Շիրակին»: Գյումրին ներկայացնող ակումբը դիմել էր բողոքարկման կոմիտե, որն այսօրվա նիստի ընթացքում եկել է եզրակացության, որ կարգապահական կոմիտեի հիմքերը բավարար են եղել, եւ ուժի մեջ է թողել արդեն սահմանված պատիժը:

Այսպիսով, «Շիրակն» այլեւս չի գլխավորում Բարձրագույն խմբի առաջնության մրցաշարային աղյուսակը: Այս պահին ՀՖՖ ներկայացրած մրցաշարային աղյուսակում թիմից արդեն հանված է 12 միավոր: Գյումրեցիները 38 միավորով զբաղեցնում են 4-րդ հորիզոնականը:

Այս սկանդալի սկզբից արծարծվում էր 2 հիմնական հարց: Դրանցից մեկը վերաբերում էր Կարգապահական կանոնակարգի 12-րդ հոդվածի 2-րդ կետին, ըստ որի, պայմանավորված խաղ կատարելու փորձի դեպքում թիմից կարող է հանվել 6 միավոր: Շատերը նշում էին, որ խաղը ոչ թե պայմանավորված է եղել, այլ փորձ է կատարվել, եւ պետք 12-ի փոխարեն 6 միավոր հանվի: Այսօր ասուլիսի ընթացքում ՀՖՖ վարչաիրավական դեպարտամենտի ղեկավար Լուսինե Բակումյանը նշեց, որ ստեղծված իրավիճակը համապատասխանում է 12-րդ հոդվածի առաջին կետին:

«Կարգապահական կանոնակարգի 12 հոդվածը բաղկացած է 3 մասից: Յուրաքանչյուր մասն ունի իր ավարտված արարքի դիսպոզիցիան, եւ կոնկրետ տվյալ դեպքում կարգապահական կոմիտեի կողմից քննարկված արարքը՝ Արարատ Հարությունյանի արարքը, համապատասխանում է 12-րդ հոդվածի 1-ին կետին»,- ասաց նա:

12-րդ հոդվածի 1-ին կետը հետեւյալն է.

«Պայմանավորված խաղերի կազմակերպումը, մասնավորապես՝ ֆուտբոլիստներին, մրցավարներին, մարզիչներին, թիմերի ղեկավարներին կամ ՀՖՖ հովանու ներքո անցկացվող պրոֆեսիոնալ (ոչ սիրողական) ֆուտբոլի մրցումների մյուս մասնակիցներին, կազմակերպիչներին եւ ֆուտբոլային այլ սուբյեկտներին անձամբ կամ միջնորդի միջոցով նրանց կամ որեւէ այլ անձի համար դրամ, տարադրամ, գույք, գույքի նկատամբ իրավունք, արժեթղթեր կամ որեւէ այլ առավելություն խոստանալը կամ առաջարկելը կամ տրամադրելը կամ նույն անձանց կողմից ստանալը` այդ մրցումների արդյունքների վրա ազդելու նպատակով

Պատժվում է.

Ֆիզիկական անձանց համար`

- տուգանքով նվազագույն աշխատավարձի երկուհազարապատիկից մինչեւ հինգհազարապատիկ ՀՀ դրամի չափով

- եւ/կամ որակազրկմամբ /ֆուտբոլիստի համար/ 1-ից մինչեւ 2 տարի ժամկետով

- եւ/կամ որեւէ ֆուտբոլային գործունեությամբ զբաղվելու արգելքով, 3 տարուց մինչեւ ցմահ ժամկետով:

Իրավաբանական անձանց համար`

- տուգանքով նվազագույն աշխատավարձի հինգհազարապատիկից մինչեւ տասնհինգհազարապատիկ ՀՀ դրամի չափով

- եւ/կամ թիմի միավորների նվազեցմամբ 12 միավորի չափով

- եւ/կամ նվաճած մրցանակներից զրկմամբ

-եւ/կամ տվյալ առաջնության մասնակցությունից զրկմամբ 12 - եւ/կամ թիմին ավելի ցածր առաջնություն տեղափոխմամբ

- եւ/կամ որեւէ ֆուտբոլային առաջնությանը մասնակցելու /թիմեր ներկայացնելու/ արգելքով 1-ից մինչեւ 3 տարի ժամկետով»:

Նշված է, որ խոստանալն ու առաջարկելը նույնպես կարող են պատժվել 12-րդ հոդվածի 1-ին կետով:

Այսօր ՀՖՖ-ն լրագրողներին տրամադրեց Կպոդոյի եւ Հարությունյանի խոսակցությունների ձայնագրությունները, դրանց սղագրությունը, նրանց նամակագրության լուսանկարները (սկրինշոթերը):

Ձայնագրության մեջ նրանք խոսում էին Կպոդոյի բոնուսների մասին, որոնք նա պետք է ստանար նախկինում «Շիրակում» խաղացած ժամանակահատվածի համար: Նրանք նաեւ համաձայնության էին գալիս այն մասին, որ Կպոդոն պետք է սխալներ թույլ տա «Բանանցի» դեմ խաղում, որպեսզի «Շիրակը» հաղթի:

Նամակագրության սկրինշոթերը.

Նամակագրության՝ ՀՖՖ-ի կողմից ներկայացված հայերեն թարգմանությունը.

Հեռախոսազրույցի՝ ՀՖՖ-ի կողմից ներկայացված վերծանումը.

Այս դեպքի վերաբերյալ ՀՀ ոստիկանությունը հետաքննություն է սկսել: Դա, սակայն, ըստ Բակումյանի, իրենց որոշման վրա չի կարող ազդել: Նշում է, որ ՀՖՖ-ն իրավասու է իր ունեցած հիմքերով որոշումներ կայացնել:

«Ես չեմ կարող ասել՝ ոստիկանությունն ինչ որոշում կկայացնի եւ դատարանն ինչ որոշում կկայացնի, սակայն ՀՖՖ կարգապահական մարմինները կաշկանդված չեն, եւ բավարար ապացույցների դեպքում կարգապահական մարմինները կարող են որոշում կայացնել: Ես կարող եմ ասել, որ մեր ձեռքի տակ եղած ապացույցները բավարար են եղել, եւ որեւէ փոփոխություն դժվար թե լինի»,- ասաց նա:

Այն, որ ՀՖՖ-ն կաշկանդված չէ որոշումներ կայացնելու հարցում բացատրված է նաեւ «Շիրակի» բողոքարկման մերժման որոշման մեջ: Այնտեղ նշվում է.

«Ֆուտբոլային աշխարհում կանոնների միասնականություն ապահովելու նպատակով՝ նշված հարաբերությունների ծագումը, այդ հարաբերություններին առնչվող հետագա զարգացումները եւ կարգավորումներն ուղղակի պայմանավորված են Ֆուտբոլի համաշխարհային ֆեդերացիայի (ՖԻՖԱ), կոնֆեդերացիաների (տվյալ դեպքում ՈՒԵՖԱ) եւ ազգային ասոցիացիայի կողմից (մեր դեպքում ՀՖՖ) հաստատված կանոնադրություններով եւ կանոնակարգերով»:

Այս բացատրության շարունակության մեջ ասվում է, որ Միջազգային արբիտրաժային դատարանը ֆուտբոլային կազմակերպություններին՝ այդ թվում ՖԻՖԱ-ին, կոնֆեդերացիաներին ու ազգային ասոցիացիաներին ֆուտբոլային սուբյեկտների միջեւ առաջացած վեճերը լուծելու իրավասություն է տալիս: Ազգային քրեական, քաղաքացիաիրավական կամ վարչաիրավական հարաբերություններ կարգավորող օրենսդրական նորմերի կիրառման ցանկացած փորձ էլ, որը կհակասի կամ կխոչընդոտի վեճերի լուծման սահմանված կարգին, կարող է հիմք հանդիսանալ համապատասխան երկրի ֆեդերացիայի եւ/կամ թիմի նկատմամբ վերը նշված ֆուտբոլային միջազգային կազմակերպությունների կողմից բացասական հետեւանքների կիրառման համար:

«Շիրակի» նկատմամբ պատժի փոփոխություն հնարավոր է, միայն եթե ՈւԵՖԱ-ն կամ Լոզանի Մարզական արբիտրաժանին դատարանն այլ որոշումներ կայացնեն: ՀՖՖ նախագահ Ռուբեն Հայրապետյանը դա չի բացառում:

«Փոփոխություն իհարկե կարող է կատարվել ՈՒԵՖԱ-ի կարգապահական կոմիտեի որոշումից հետո: Կարող է՝ ՈՒԵՖԱ-ի կարգապահական կոմիտեն գտնի, որ մենք սխալ որոշում ենք կայացրել, կամ Լոզանի դատարանը...»,- ասաց նա՝ ավելացնելով, որ ՈՒԵՖԱ-ն վարույթ է սկսել «Շիրակի» հարցով:

Երկրպագուները եւ ակումբը հարց էին բարձրացնում նաեւ, թե ինչու է ակումբը պատժվում մի բանի համար, որից տեղյակ չի եղել: Ինքը՝ Արարատ Հարությունյանն էլ Կպոդոյի հետ խոսակցությունում ասում է, որ ակումբում ոչ ոք չգիտի, թե ինչու է ինքը գումար վերցրել, եւ ոչ ոք չպետք է իմանա իրենց խոսակցության մասին: ՀՖՖ-ն, սակայն, ակումբին պատժելու հիմնավորումն էլ ունի:

«ՀՖՖ կանոնակարգի 3-րդ հոդվածի 2-րդ կետի համաձայն՝ «Շիրակ» ՖԱ-ն անմիջական պատասխանատվություն է կրում իր աշխատակցի կողմից կատարված արարքի համար»,- նշված է ակումբի բողոքարկման մերժման որոշման մեջ:

Այսպիսով, ՀՀ առաջնության վերջին՝ 30-րդ, տուրից առաջ մրցաշարային աղյուսակը գլխավորեց գործող չեմպիոն «Ալաշկերտը»: Մայիսի 20-ին 30-րդ տուրի շրջանակներում «Ալաշկերտը» կընդունի «Գանձասար-Կապանի», «Բանանցը»՝ «Արարատին», իսկ «Շիրակը»՝ «Փյունիկին»:

Տպել
4896 դիտում

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք