Բրազիլիան ԱԱ E խմբում գուցե խնդիր չունենա, բայց 1/8-ում կարող է հանդիպել Գերմանիային

Տեսականորեն Բրազիլիայի ֆուտբոլի հավաքականը պետք է որ խնդիրներ չունենա աշխարհի 2018 թ. առաջնության E խմբում: Հունիսի 14-ից հուլիսի 15-ը Ռուսաստանում կայանալիք մրցաշարի խմբային փուլում աշխարհի 5-ակի չեմպիոնը պայքարելու է Շվեյցարիայի, Կոստա Ռիկայի եւ Սերբիայի դեմ: Մոտավորապես նման կազմով խումբ առաջին անգամը չէ, որ հանդիպում է ԱԱ-երում: 1950 թ. նույն խմբում են ընդգրկված եղել Բրազիլիան, Շվեյցարիան եւ Սերբիան (այն ժամանակ որպես Հարավսլավիայի մաս):

Բրազիլիայի մոտ դառը հիշողություններ են մնացել աշխարհի նախորդ առաջնությունից: Սեփական հարկի տակ 2014 թ.՝ կիսաեզրափակչում, խայտառակ պարտություն կրեց Գերմանիայից, որն ի վերջո 4-րդ անգամ աշխարհի չեմպիոն դարձավ: Յոախիմ Լյովի թիմը 7:1 հաշվով ջախջախեց «Սելեսաոյին»:

Այս անգամ դեպքերի որոշակի դասավորության արդյունքում չի բացառվում, որ այս 2 հավաքականները մրցաշարի շատ ավելի վաղ փուլում կրկին հանդիպեն, ու խմբային փուլի առաջին հայացքից «զբոսանքից» անմիջապես հետո Բրազիլիայի համար իսկական եզրափակիչ կլինի: Գերմանիան F խմբում է, ու եթե այս թիմերից մեկն իր խմբում զբաղեցնի առաջին, իսկ մյուսը՝ 2-րդ տեղը, նրանք միմյանց դեմ դուրս կգան 1/8 եզրափակչում:

Բրազիլիա

Առաջին անգամ աշխարհի առաջնությանը մասնակցել է 1930 թ., վերջին անգամ՝ 2014-ին: Այս մրցաշարում հաղթանակների քանակով ռեկորդակիրն է՝ 5 անգամ: Գավաթը նվաճել է 1958, 1962, 1970, 1994, 2002 թթ.:

Գլխավոր մարզիչ՝ Տիտե

Գլխավոր մարզչի պաշտոնն ստանձնել է 2016 թ. հունիսին, երբ Հարավային Ամերիկայի ֆուտբոլային կոնֆեդերացիայի գոտու ընտրական փուլի սկզբում սայթաքելուց հետո Դունգան հեռացավ: Նրա գլխավորությամբ մեկը մյուսի հետեւից հաղթանակներ տանելով Բրազիլիան դարձավ աշխարհի 2018 թ. առաջնության որակավորման փուլի առաջին հավաքականը, որին հաջողվեց ԱԱ ուղեգիր ձեռք բերել՝ չհաշված Ռուսաստանը, որը որակավորվել է ավտոմատ կերպով որպես հյուրընկալող երկիր:

Թիմի աստղը՝ հարձակվող Նեյմար

Բրազիլիան այն ընտրանիներից է, որտեղ աստղերը բազմաթիվ են, սակայն չի կարելի չառանձնացնել ֆուտբոլի պատմության ամենաթանկ տրանսֆերին: 2017-ի օգոստոսին Նեյմարը «Բարսելոնայից» ՊՍԺ տեղափոխվեց ռեկորդային 222 մլն եվրոյով: Նրա համար սա աշխարհի 2-րդ առաջնությունն է:

Շվեյցարիա

Առաջին անգամ աշխարհի առաջնությանը մասնակցել է 1934 թ., վերջին անգամ՝ 2014-ին: Լավագույն արդյունքը քառորդ եզրափակիչ հասնելն է: Նման հաջողության է հասել 1934, 1938, 1954 թթ.:

Գլխավոր մարզիչ՝ Վլադիմիր Պետկովիչ

Հավաքականը գլխավորել է աշխարհի 2014 թ. առաջնությունից հետո: Եվրո 2016-ում նրա գլխավորությամբ թիմը հասել է մինչեւ 1/8 եզրափակիչ:

Թիմի աստղը՝ կիսապաշտպան Գրանիտ Ջակա

«Արսենալում» ՀՀ ընտրանու ավագ Հենրիխ Մխիթարյանի թիմակիցն իր հավաքականի առանցքային խաղացողներից է: Շվեյցարիայի 2017 թ. տարվա լավագույն ֆուտբոլիստը տպավորել է աշխարհի 2014 թ. առաջնությունում եւ նույնը պետք է փորձի անել նաեւ այս անգամ:

Կոստա Ռիկա

Առաջին անգամ աշխարհի առաջնությանը մասնակցել է 1990 թ., վերջին անգամ՝ 2014-ին, եւ հենց այդ ժամանակ էլ գրանցել է իր պատմության լավագույն արդյունքը: Հասել է քառորդ եզրափակիչ:

Գլխավոր մարզիչ՝ Օսկար Ռամիրես

Թիմը գլխավորել է 2015 թ. օգոստոսին:

Թիմի աստղը՝ կիսապաշտպան Բրայան Ռուիս

Նա առանցքային դեր է կատարել աշխարհի 2014 թ. առաջնությունում օգնելով իր ընտրանուն հասնել քառորդ եզրափակիչ: Կոստա Ռիկայի ավագը 3 գոլի հեղինակ է դարձել աշխարհի 2018 թ. առաջնության որակավորման փուլում:

Սերբիա

Առաջին անգամ աշխարհի առաջնությանը մասնակցել է 1930-ին, վերջին անգամ՝ 2010-ին: Լավագույն արդյունքը 4-րդ տեղն է: Նման ցուցանիշ է ունեցել 1930, 1962 թթ. (հաշվի առնելով Հարավսլավիայի, ինչպես նաեւ Սերբիա եւ Մոնտենեգրոյի մասնակցությունը):

Գլխավոր մարզիչ՝ Մլադեն Կրստաիչ

Հավաքականի գլխավոր մարզիչ է դարձել 2017 թ. հոկտեմբերին:

Թիմի աստղը՝ պաշտպան Բրանիսլավ Իվանովիչ

Ավագն է: Փորձառու ֆուտբոլիստը հայտնի է Լոնդոնի «Չելսիի» կազմում իր ելույթներով: Եղել է «ազնվականների» առանցքային ֆուտբոլիստներից մեկը, բազմաթիվ տիտղոսներ է նվաճել լոնդոնցիների կազմում: Այժմ Սանկտ Պետերբուգի «Զենիթի» խաղացող է:

Տպել
915 դիտում

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)