ԱՄՆ-ից հանգանակած 51.000 դոլարի մթերքների մի մասը եւս հայտնվել է Մ. Գրիգորյանի առանձնատանը

Ապրիլյան պատերազմի օրերին ԱՄՆ-ում սկսած դրամահավաքի արդյունքում հավաքված 51 հազար դոլարի մթերքների, հագուստի ծանրոցների մի մասը եւս հայտնվել է Մանվել Գրիգորյանի առանձնատանը:

Մանվել Գրիգորյանի առանձնատանն ԱԱԾ-ի կատարած խուզարկության տեսանյութում ծանրոցների մեջ երեւում են «NAGORNO KARABAKH CRISIS VICTIMS» գրությամբ արկղեր: Ծանրոցների վրա գրված է նաեւ կայքի հասցե՝ «www.gofundme.com/Karabakh»: Այս գրությամբ ծանրոցների պարագաները գնվել են Ապրիլյան պատերազմի օրեին Սփյուռքից, մասնավորապես՝ ԱՄՆ-ից արված հանգանակությունների միջոցով:

2016 թվականի Ապրիլյան պատերազմի օրերին ամերիկաբնակ Կարեն (Կեւին) Սարգսյանն իր մի քանի ընկերների հետ դրամահավաք է նախաձեռնել՝ զինծառայողներին անհրաժեշտ օգնություն ցուցաբերելու համար:

Ըստ www.gofundme.com կայքէջի՝ հավաքվել է 51.000 ԱՄՆ դոլար, որն էլ, Կարեն Սարգսյանի մեկնաբանմամբ, ծախսվել է անհրաժեշտ իրեր գնելու եւ դրանք Արցախ հասցնելու համար:

«Հայկական ժամանակ»-ը չկարողացավ կապ հաստատել Կեւին Սարգսյանի հետ, սակայն ֆեյսբուքյան օգտատեր Սեդա Գրիգորյանը զրուցել է նրա հետ:

Կեւին Սարգսյանը նամակագրության մեջ ասում է, որ հավաքված գումարը Հայաստան հասել է եւ ծախսվել է անհրաժեշտ ապրանքների վրա: Դրանից հետո իրենք գնացել են Արցախ եւ համոզվել, որ ծանրոցները հասել են Ստեփանակերտի պահեստ: Իսկ թե այնտեղից ուր են գնացել, իրենք չէին կարող իմանալ:

Կեւին Սարգսյանը Սեդա Գրիգորյանին հայտնել է, որ իրենք նաեւ առաջնագիծ են այցելել՝ զինվորներին տեսնելու եւ լրատվամիջոցներին հանդիպելու համար, այնուհետ վերադարձել են Ամերիկայի Միացյալ Նահանգներ:

Մեր զրույցում Սեդա Գրիգորյանը նշում է, որ մինչ ինքը փորձում էր գտնել, թե ովքեր են դրամահավաքի կազմակերպիչները, նրանք փակել են դրամահավաքը ու ջնջել իրենց էջը: Կեւին Սարգսյանը մեկնաբանել է, որ իրեն թվացել է, թե հանգանակության էջը փակել է դեռեւս 2016-ի ապրիլին, իսկ անհրաժեշտ գումարը հավաքելուց հետո էջն այլեւս չեն օգտագործել, եւ, ըստ Սարգսյանի մեկնաբանության, իրենց՝ Հայաստան այցելությունից հետո այլեւս գումար չեն ստացել: Վերջինս միայն լուրերը եւ ԱԱԾ-ի հրապարակած տեսանյութը դիտելուց հետո է ստուգել էջը ու տեսել, որ այն դեռ ակտիվ է, եւ դրա համար էլ ապաակտիվացրել է այն:

Կեւին Սարգսյանը Սեդա Գրիգորյանին վստահեցրել է, որ հավաքված գումարը եղել է իրենց վերահսկողության տակ եւ ծախսվել է տարբեր անհրաժեշտ իրերի ու ապրանքների վրա: Այդ ապրանքները միանշանակ հասել են Արցախ, այնտեղից արդեն անհայտ է:

Փաստացի ստացվում է, որ ինչպես Շիրակից եւ այլ տեղերից զինվորներին ուղարկած օգնությունը, այնպես էլ Սփյուռքից ուղարկածը, Արցախի պահեստներից զինվորներին հասնելու փոխարեն հետ է դարձել Հայաստան՝ Մանվել Գրիգորյանի առանձնատուն:

Տպել
57786 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին