Վահրամ Բաղդասարյանի անվան հետ կապվող ընկերությանը կառավարությունն արտոնություն տվեց

Այսօր կառավարության նիստում արտոնություն տվեց ԱԺ ՀՀԿ խմբակցության ղեկավար Վահրամ Բաղդասարյանի անվան հետ կապվող ընկերությանը: ՀՀ տնտեսական զարգացման եւ ներդրումների նախարար Արծվիկ Մինասյանը ներկայացրեց ներդրումային ծրագրի շրջանակում «ՎԱԲԱ» սահմանափակ պատասխանատվությամբ ընկերության կողմից ապրանքների ներմուծման դեպքում մաքսային եւ հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով հետաձգելու մասին որոշման նախագիծը:

Ներդրումային ծրագրի շրջանակում ՀՀ Լոռու մարզի Վանաձոր քաղաքում «ՎԱԲԱ» ՍՊ ընկերությունը նախատեսում է կազմակերպել գյուղատնտեսական նշանակության հակակարկտային ցանցերի եւ կարկտապաշտպան ցանցերի ներդրման ողջ համակարգի արտադրություն։ Նախագծում նշվում է, որ ներկայացված ներդրումային ծրագրի շրջանակում ընկերությունը նպատակադրված է կատարել ընդհանուր շուրջ 2,25 մլրդ ՀՀ դրամի չափով ներդրում, որից սարքավորումների համար նախատեսված գումարը կկազմի շուրջ 102,9 մլն ՀՀ դրամ։ Ներդրումային ծրագրի իրագործման արդյունքում կստեղծվի մոտ 24 աշխատատեղ, միջին աշխատավարձը կկազմի 320 հազ. ՀՀ դրամ:

Արծվիկ Մինասյանն ասաց, որ գյուղատնտեսության ոլորտում կարեւորում են այդ արտադրությունը: Վարչապետն արձագանքելով նախագծին՝ ասաց.

«Մենք ճիշտ ենք հասկանո՞ւմ, որ կան որոշակի սահմանված չափանիշներ եւ սուբյեկտիվիզմի մասին խոսք լինել չի կարող, եւ եթե որեւէ ընկերություն այդ չափանիշներին համապատասխանում է, ապա նույն արտոնությունները տրվում են»:

Արծվիկ Մինասյանը հայտնեց նաեւ, որ ավելացված արժեքի հարկի օրենքում փոփոխություններ են նախաձեռնում, որոնցով կհստակեցվի գործընթացը, որպեսզի այս որոշումները չգան կառավարություն, այլ օրենքով հստակեցվեն: Արձագանքելով նախագծին՝ գլխավոր դատախազ Արթուր Դավթյանը նշեց, որ ուսումնասիրություն է սկսել, որոնք ընթացքի մեջ են, արդյունքներ ունեն, այսպիսի արտոնությունից օգտված կազմակերպություններ սնանկ են ճանաչվել:

«Այսինքն, չարաշահումների խնդիր է ի հայտ եկել, ուսումնասիրություններ են եղել»,- ասաց նա եւ շեշտեց, որ որոշակի երաշխիքներ պետք է սահմանել:

Նա ասաց, որ նախնական ութ ընկերության մասին չարաշահման տեղեկություն կա: Արծվիկ Մինասյանը դատախազի բարձրացրած հարցը կարեւորագույն խնդիր համարեց եւ տեղեկացրեց, որ գործող օրենքի համաձայն, երբ սնանկության պրոցես է, օրենքի ուժով դադարում են արտոնությունները:

«Մենք անընդհատ փորձում ենք զարգացնել մոնիթորինգի համակարգը»,- ասաց նա: Նախարարը նշեց, որ ԱԱՀ-ի վճարման հետաձգումը պետք է տարբերել այլ հարկային արտոնություններից:

«Մեծ հաշվով՝ սա ավելի շատ խթանիչ գործընթաց է»,- ասաց նա եւ նշեց, որ դատախազության հետ իրենք կաշխատեն:

Տպել
3560 դիտում

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են

Մուրացիկ և թափառաշրջիկ երեխաների խնդիրներով մտահոգ աշխատանքային խմբի քննարկում ոստիկանությունում

Ինչ են նվաճել 2018 թ. ընթացքում տարվա լավագույն 10 մարզիկների թեկնածուները

Վարդենյաց լեռնանցքում տեղ-տեղ մերկասառույց է, ճանապարհը փակ է բեռնատարների համար

Ուրա՞ Մարտի 1-ը, արա՛, Պոպլավոկում, որ մարդ էին խփում. թեժ բանավեճ Քոչարյանի ազատությունը պահանջող ցույցի ժամանակ