Որոշ երթուղիներ սնանկացել են, որոշ երթուղիներ սնանկացման փուլում են. Հենրիկ Նավասարդյան

Երեւանի ներքաղաքային միկրոավտոբուսային համար 11 երթուղին սպասարկող կազմակերպությունը հրաժարվել է շարունակել իրականացնել իր գործառույթները: 2013 թվականից մինչ օրս մայրաքաղաքում ուղեւորափոխադրում կատարելուց հրաժարվող ընկերությունների շարքում այս կազմակերպությունը 7-րդն է:

Օրերս լրագրողների հետ զրույցում ՀՀ փոխադրողների միության նախագահ Հրանտ Եղիազարյանը հայտարարել էր, որ մինչեւ տարեվերջ այս թիվը կտրուկ կարող է աճել, եւ կլինեն ծայրամասեր, որտեղ ուղեւորափոխադրում ընդհանրապես չի իրականացվի:

Եղիազարյանը նշել է, որ խնդրի պատճառը փոխադրողների ստացած քիչ շահույթն է. երբ փոխադրող ընկերությունների ղեկավարներն իրենց հասույթից վճարում են պարտադիր բաղադրիչները, քիչ գումար են վաստակում, որպեսզի նորոգեն մեքենաների անսարք մասերը: Ըստ Եղիազարյանի՝ այժմ ուղեւորափոխադրում իրականացնող շարժակազմի մոտ 80 տոկոսը գտնվում է վատ վիճակում, ինչը վտանգի տակ է դնում ուղեւորի կյանքը:

Արդյո՞ք Երեւանի տրանսպորտն այդքան անմխիթար վիճակում է, մեզ հետ զրույցում մանրամասնեց Երեւանի տրանսպորտի վարչության պետ Հենրիկ Նավասարդյանը:

- Պարոն Նավասարդյան, փորձագետները ասում են, որ այս պահին երեւանյան տրանսպորտի վիճակը անմխիթար է, ի՞նչ կասեք այդ մասին:

- Իրականում կան դժվարություններ, բնականաբար, մեքենաները բավական ժամանակ առաջ են մրցույթն անցել եւ մաշված տեսք ունեն: Վերականգնման բավականին դժվարին խնդիրներ ունեն:

Կան իրականում խնդիրներ՝ ոչ լավ վիճակի լինելու հետ կապված, բայց քանի որ նոր երթուղային ցանց է մշակվում, նոր ներդրողների, նոր մեքենա բերողների եւ սպասարկման ներդրողների ցանկությունը շատ քիչ է, գրեթե չկա: Հակառակը կա երթուղիներից հրաժարվելու խնդիրներ:

-  11 համարի երթուղին արդեն հրաժարվել է:

- 11 համարը դիմումը գրել է, մենք փորձել ենք այլ երթուղիների ձեւափոխումներով որոշակի հատվածներ սպասարկենք, որ մեր համաքաղաքացիները չմնան առանց տրանսպորտային միջոցի: Եւս մեկ երթուղի դիմում է ներկայացրել, սակայն մինչեւ այսօր լուծումը գտնել չկարողանալու պատճառով դեռեւս չենք դադարեցրել սպասարկումը, մինչեւ լուծում տրվի, որպեսզի համաքաղաքացիները չմնան փողոցներում:

- Իսկ դա ո՞ր երթուղին է:

- Համար 26 միկրոավտոբուսային երթուղին:

- 18 մետրանոց ավտոբուսների ծրագիրը դեռ ուժի մե՞ջ է:

- Երթուղային ցանցի ծրագիրը ուժի մեջ է` քննարկվում է, սակայն այս պահի դրությամբ չեմ կարող ասել՝ ինչպիսի փուլում է եւ ինչ է կատարվում, որովհետեւ ես հանձնաժողովի անդամ եմ: Կա հանձնաժողով, որտեղ եւ հասարակական կազմակերպություններ են, եւ տարբեր կուսակցությունների խմբակցություններից են ընդգրկված, ես էլ սովորական մեկ անդամ եմ:

- Իսկ ո՞րն է խնդիրը, որ տրանսպորտային գծերը փակվում են:

- Հարցրեք սպասարկողներին, ես դրա պատասխանը չունեմ:

- Ձեզ չե՞ն ներկայացնում իրենց խնդիրը:

- Մեզ ներկայացնում են, բայց կուզենայի, որ իրենցից հարցնեք:

- Հնարավո՞ր է, որ էլի երթուղային գծեր փակվեն:

- Դե բոլորի մոտ էլ դժգոհություններ կան, բայց այս պահի դրությամբ, այդ երկու երթուղիներն էին ներկայացրել:

- Գծատերերի հետ Երեւանի քաղաքապետարանը այս հարցով խոսե՞լ է, չեն ուզո՞ւմ վարորդների համար սահմանված օրվա կատարողականը մի քիչ իջեցնել:

- Այդ կատարողականների տակ իրենք այսօրվա դրությամբ պետությանը պարտք են: Հարկային պարտավորությունները չեն կարողանում կատարել, որոշ երթուղիներ սնանկացել են, որոշ երթուղիներ սնանկացման փուլում են, ինչի պատճառով էլ հրաժարվում են սպասարկումից, դուք ասում եք՝ էլի իջեցնեն, ինչի՞ հաշվին, այսինքն՝ միանգամից բոլոր գծերը փակե՞ն: Ես չեմ կարող նման բան մարդկանց ասել եւ թելադրել, որովհետեւ իրենց վիճակը այսօր ծանր է, ասելը կնշանակի, որ ես դրդում եմ, որ երթուղիները փակվեն, ես նման բան չեմ կարող անել:

Տպել
2155 դիտում

Զարկ տալով ընտանեկան գինեգործական ավանդույթներին. գյուղնախարարը Էջմիածին քաղաքում էր

Պայթյուն «Սուրբ Գրիգոր Լուսավորիչ» ԲԿ–ում. թթվածնի արտադրամասի օպերատորը մահացել է

Գյուղատնտեսական հարցերի մասին բարձրաձայնում են շահագրգիռ անձիք. հանդիպում է եղել նաև գյուղատնտեսության նախարարի հետ

Ո՞ւր են հոսել Կեչուտի ջրամբարի ջրերը. հաղորդում իրավապահ եւ պետական մարմիններին. ՀԲՃ

Լեւոն Երանոսյանը կասկածյալի կարգավիճակ ունի. նա ապրիլին լուսաձայնային նռնակ կիրառելու իրավասություն չի ունեցել

ԵԱՏՄ պետությունների մաքսային ծառայությունների միավորված կոլեգիայի հաջորդ նիստն անցկացվելու է Հայաստանում. ՊԵԿ

Ծառուկյանը փորձում է վերահսկողություն իրակացնել բոլոր ֆեդերացիաների վրա. Արթուր Գեւորգյան

ԼՂ հիմնախնդրի շուրջ քննարկումներն այլ հարթակներ տեղափոխելու փորձերը վնասում են տարածաշրջանում կայունությանը. ԱԳՆ

Վիրահայոց թեմը գրադարան եւ համայնքային կենտրոն է վարձակալել. թեմապատկան 3-րդ կենտրոնը Թբիլիսիում

Բաքուն սպառնում է հայկական իշխանություններին ավիացիայի ոչնչացմամբ

Հայկ Մարությանի գլխավորությամբ Երեւանի ավագանու առաջին նիստը պետք է հրավիրվի հոկտեմբերի 10-ին

ԿԸՀ-ն հրապարակել է Երեւանի ավագանու ընտրություններին մասնակցած ընտրողների ստորագրված ցուցակները

Առաջին անգամ  ԵԽ նախարարների կոմիտե է ներկայացվել ՄԻԵԴ վճռի կատարման հետ կապված Պաշտպանի հատուկ դիրքորոշում

Թրամփը պատրաստ է հանդիպել Իրանի իր պաշտոնակցին. Ռոհանին մեղադրում է ԱՄՆ-ի դաշնակինցերից մեկին

Հայաստանի անդամակցումը ԵԱՏՄ-ին բխում է մեր պետական շահերից. Էդուարդ Շարմազանով

ՀՀ ՊՆ ռազմական ոստիկանության պետը մասնակցել է «ՆԱՏՕ-գործընկերներ» ձեւաչափով ՌՈ պետերի ամենամյա համաժողովին

Նիկոլ Փաշինյանն այցելել է Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդեսին

Առաջիկա օրերին ՀՀ առանձին հատվածներում սպասվում է անձրեւ, ամպրոպ, մառախուղ, ջերմաստիճանի նվազում

Մանրամասներ ԲՀԿ–ի կաշառքի գործից. մի մասով վճարումներ են արել, մյուսով ներկայացել ոստիկաններին

Իրավապահները Աշոցք գյուղում զենք-զինամթերք են հայտնաբերել եւ առգրավել (տեսանյութ)