#ԻմՔայլը նոր թափ է ստանում. տրվեց Աննա Հակոբյանի հիմնադրամի գործունեության մեկնարկը

Վարչապետի տիկին Աննա Հակոբյանը ընդլայնում է բարեգործական ծրագրերի իրականացումը: Հուլիսի 12-ից իր աշխատանքներն է սկսում նրա կողմից հիմնադրված «Իմ քայլը» հիմնադրամը:

Հիմնադրամի անունը պատահական ընտրված չէ: Վարչապետ Նիկոլ Փաշինյանը Սերժ Սարգսյանի իշխանության 3-րդ ժամկետի մեկնարկը սկսել էր հենց #ԻմՔայլը արշավով:

Հիմնադրամի գործունեության մեկնարկը տրվեց Բյուրականի արվեստի ակադեմիայում: Միջոցառմանը ներկա էին գործող դեսպանությունների, միջազգային կազմակերպությունների ներկայացուցիչներ, մտավորականներ, բժիշկներ, գործարարներ:

Աննա Հակոբյանը նշեց, որ հիմնադրամի ստեղծման միտքն առաջացել է վերջին երկու ամսվա ընթացքում վարչապետի տիկնոջ կարգավիճակում տարբեր մարդկանց հետ իր շփումների արդյունքում:

«Ես հասկացա, որ մի կողմում կան մարդիկ, որոնք հրաշալի գործ են անում եւ այդ գործը շարունակելու համար ֆինանսների կարիք ունեն, մյուս կողմում՝ մարդիկ, որոնք առաջարկում էին ֆինանսավորել հրաշալի գործեր»,- մասնավորապես, ասաց Հակոբյանը:

Անդրադառնալով հիմնադրամի առաքելությանը՝ Աննա Հակոբյանն ընդգծեց, որ հիմնադրամը դառնալու է հարթակ բոլոր այն կարեւոր խնդիրների լուծման համար, որոնց լիարժեք լուծումն ինչ-ինչ պատճառներով դեռեւս հասանելի չէ պետությանն ու կառավարությանը:

«Մենք ձգտելու ենք համատեղ ջանքերով կառուցել բոլոր առումներով առողջ եւ ներառական հասարակություն, որտեղ ոչ ոք անտեսված չի լինի, եւ բոլորը կունենան հավասար հնարավորություններ»,- նշեց Աննա Հակոբյանը:

Նախատեսվում է, որ հիմնադրամը գործելու է երեք հիմնական ձեւաչափով: Այն կամուրջ է լինելու օգտակար գաղափարներ ունեցողների եւ այդ գաղափարները ֆինանսավորել ցանկացողների միջեւ, այն հովանավորելու է արդեն իսկ գոյություն ունեցող կամ առաջարկվող  նախագծեր, որոնք կհամապատասխանեն ընդունված եւ հայտարարված չափանիշներին, եւ վերջապես՝ իրականացնելու է հենց իր կողմից մշակված մի քանի նախագծեր:

Աննա Հակոբյանը հայտարարեց, որ թափանցիկությունը, հաշվետվողականությունն ու բոլորի առջեւ բաց լինելը հիմնադրամի գործունեության առանցքային սկզբունքներն են լինելու: Այս սկզբունքների կենսագործման երաշխիքներից է լինելու «բլոքչեյն» տեխնիկական համակարգը, որի շնորհիվ միջոցների հավաքագրումն ու ծրագրերի ֆինանսավորումն իրականացվելու է 100 տոկոս թափանցիկությամբ:

«Խոստանում եմ, որ վարչապետի տիկնոջ կարգավիճակում իմ բոլոր քայլերը կլինեն բաց եւ բոլորի համար տեսանելի, եւ ես ամեն ինչ կանեմ կոնկրետ ու շոշափելի արդյունքներ գրանցելու համար՝ հանուն Հայաստանի եւ Արցախի հանրապետությունների, դրանց քաղաքացիների, Սփյուռքի մեր հայրենակիցների եւ ամենաբարի ու վեհ գաղափարների»,-ելույթը եզրափակեց Աննա Հակոբյանը:

Առաջիկայում հոգաբարձուների խորհրդի ձեւավորումից եւ գործադիր տնօրենի ընտրությունից հետո հիմնադրամը կսկսի ծրագրերի մշակման եւ մեխանիզմների հստակեցման գործընթաց, որի եզրափակումից հետո կմեկնարկի բուն գործունեությունը:

Տպել
4810 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ